Yeshaya 10:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Bualu bua bikala bantu bebe bungi bua nsenga ya kukala kua mai manene, Isalele, anu tshituha tshia bungi buabo netshihingane. Kubutuka kudi kusungudibua, kudi kuhumuka ne buakane.

MUKANDA WA MYIDI MUKULU

²² Wewe Izrayele, nansha muvua bantu bebe bungi bu lusenga lua ku muelelu wa mayi manene, kadi amu bakese nebapingane kudi Maweja-Nangila. Wewe neubutuke, bualu nebakunyoke muvuabu bakose tshilumbu.

Yeshaya 10:22 교차 참조

Genese 18:25

Bualu ebu kabuikadi kudi bua wewe kuenza nunku bua kushiha bantu bakane ne bantu babi hohamue, biwenza nunku bantu bakane nebikale muomumue ne bantu babi, bualu ebu kabuikadi kûdi, Mulumbuluishi wa buloba buonso katu wenza bimpe, anyi?

1 Bakalenga 4:20

Bena Yuda ne Bena Isalele bakadi bungi bua nsenga ya ku muelelu wa mai manene; badiadia, banuanua, basankasanka.

2 Bakalenga 19:31

Bualu bua difuka dia bantu nediluhuke mu Yelushalema, nedihanduke ku mukuna wa Siona; lukunukunu lua Yehowa nebimane bualu ebu.

Yeshaya 37:31

Bantu ba mu tshiota tshia Bena Yuda batshidi bashala ne muoyo nebele miji muinshi, nebakuame mamuma kulu.

Yeshaya 46:3

Nungunvuile, nuenu ba mu tshiota tshia Yakoba, ne bonso batshidi bashale ba Bena Isalele, banakutuala bu bujitu katshia nualedibua, banakuya habo katshia muhatuka mu difu.

Yeshaya 48:19

Tunkanunuma tuebe tuakadi kuikala bu nsenga, ne bana badi bahatuka munda muebe bakadi kuikala bu tusoka tuai; dina diabo kadiakadi diumushibua anyi kushihibua ku mpala kuanyi.

Yeshaya 59:20

Yehowa udi wamba ne, Nealue ku Siona bu Muhikudi, kudi ba mu Yakoba badi bakudimuna mitshima bua kulekela malu mabi.

Yeshaya 6:11

Hashishe nakamukonka ne, Mukelenge, bualu ebu nebulehe musangu bule munyi? Yeye wakakudimuna dî ne, Tô ne habutuka misoko mishale mutuhu, tô ne hashala nsubu idimu mutuhu; tô ne halua buloba kushala anu tshihela tshia hatuhu;

Yeshaya 6:13

Biashalamu tshia dikumi, tshiotshi netshioshibue mu kahia tshiakabidi, bu mudi mutshi wa telebinta anyi mutshi wa chêne ishiya bikuka hayitahabo hanshi. Tunkanunuina tua tshijila netuikale tshikuka tshia bantu aba.

Yeshaya 60:22

Muntu udi utamba kuhuekela nealue tshisamba, udi mutambe bukese nealue tshisamba tshihite bukole. Meme Yehowa nengendeshe muanda eu mu tshikondo tshiau.

Yeshaya 65:8

Yehowa udi wamba dî edi ne, Bu mudi bantu bamona nvinyo mihia-mihia mu tshisumbu tshia tumuma tua nvinyo, ne badi bamba ne, Kutshinyangi nansha, bualu bua disanka didi munda muatshi, nengenze muomumue bua bualu bua bantu banyi, ne tshiena nshiha buonso buabo.

Yeshaya 8:8

Newende ku mpala tô ne habuelau mu Yuda, neuhasalale ne neuhitshilemu, neufike tô ne ku nshingu ya bantu. Kuolola kua mahuahua au nekûshe nseke yonso ya buloba buebe, Imanuele!

Yirmeya 3:14

Yehowa udi wamba ne, Hinganai kundi, nuenu bana banyi bakadi bandekela, bualu bua ndi bayenu. Nennusungulule, muntu umue ku musoko umue, bantu babidi ku diku ne ku diku, nendue nʼenu ku Siona.

Yirmeya 44:28

Badi bahanduka ku muele wa nvita nebaluhuke mu buloba bua Ejipitu bua kuhingana ku buloba bua Yuda, anu bantu banya-banya mene. Bonso ba mu Yuda batshidi bashala bakaya mu buloba bua Ejipitu bua kushikamamu nebamanye dî didi dijalame bushuwa, ne ndî dianyi, anyi ndî diabo!

Danyele 9:27

Muntu neajadike tshihungidi tshikole ne bantu ba bungi bua kushalatshi lumingu lumue. Hankatshi ha lumingu nealekeshe difila dia mulambu wa nyama mishiha ne wa bia kudia. Mu muaba wa milambu ei yeye neateke tshinyangu tshia dibutuka, tô ne halua dibutuka diakasungula Nzambi hamʼbidi ha muena tshinyangu.

Osheya 1:10

Kadi bungi bua Bena Isalele nebuikale bu nsenga ya ku mai manene, idibo kabayi mua kuidikisha anyi kubala; ne mu muaba wakadibo bamba ne, Kanuena bantu banyi, nebabambile ne, Nudi bana balume ba Nzambi wa muoyo.

Bienzedi 17:31

bua yeye wakasungula dituku didiye ulumbuluisha ba ba buloba mu buakane kudi muntu wakasunguleye. Yeye kabidi wakaha bantu bonso ditabusha dia bualu ebu, bua yeye wakamubisha ku lufu.

Rome 2:5

Bualu bua tshitshu tshiebe ne mutshima webe wa buhidia, wewe udi udibutshila tshishi tô ne ku dituku dia tshishi ne dia dibuluibua dia kulumbulula kuakane kua Nzambi.

Didimanyisha 20:8

nealuhuke bua kudingeye bisamba bia ku matengu anai a buloba, Goga ne Magoga, bua kubisangisha hamue ku nvita, bungi buabo budi bu nsengu ya ku mai manene.