Yeshaya 10:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nunku Mukelenge, Yehowa wa misumba mene, neatume disama dia tshinyanu munkatshi mua bena nvita bandi badi ne mafuta, ne muinshi mua butumbi buandi nebatemeshe tshidi tshitema bu kuosha kua kahia.

MUKANDA WA MYIDI MUKULU

¹⁶ Nenku mfumu wa bamfumu, Maweja-Nangila muena bukole buonsu, neajimije bubanji budi bena Ashure nabu. Neoshe lumu luabu, ne bionsu bidibu nabi.

Yeshaya 10:16 교차 참조

2 Kulondolola 32:21

Yehowa wakatuma muanjelo wandi, nguakashiha bena bukitu ne tupitene ne bakadi ku mutu kua Bena Ashû mu tshitudilu tshia mukelenge wa Ashû. Nunku yeye wakahingana ku buloba buandi ne bundu ku mesu. Hakabueleye ku nsubu wa nzambi wandi, bana bandi mene bakahatuka munda muandi, bakamushiha ne muele wa nvita.

Misambu 106:15

Yeye wakabaha tshintu tshiakalombabo, kadi wakatuma tshinyanu mu mitshima yabo.

Misambu 78:31

tshiji tshia Nzambi tshiakajuka bua kubakengesha, ne yeye wakashiha bantu bakatamba bukole munkatshi muabo, wakakuma bansongalume ba Bena Isalele, wakabahonesha hanshi.

Yeshaya 10:18

Yeye neavingutule butumbi bua ditu diandi ne bua budimi buandi budi bulua ne bia kudia bia bungi ne muoyo wandi ne mubidi wandi. Bualu ebu nebuikale bu muntu musame unyananyana tô ne ku lufu.

Yeshaya 17:4

Mu dituku adi butumbi bua Yakoba nebutekeshibue, ne mafuta a mubidi wandi nealue tshinyanu.

Yeshaya 26:11

Yehowa, tshianza tshiebe tshidi tshibishibua kulu, kadi kabena batshimona; kedi bamone lukunukunu lûdi nʼalu bua bantu bebe, bafue bundu; bushuwa, kahia nekoshe badi nʼebe lukuna!

Yeshaya 31:9

Neahite dibue diandi dia tshinyemenu, nediumuke bualu bua buowa, ne bilobo biandi nebitshine, nebinyeme dibendela, mmudi Yehowa wa misumba wamba, udi ne kahia kandi mu Siona ne tshikutu tshiandi mu Yelushalema.

Yeshaya 37:29

Bualu bua wakanfunyina bulobo ne bua diambu diebe diakufika ku matshu anyi, nunku nenteke ndobo wanyi ku diulu diebe, ne lukanu luanyi mukana muebe bua kukuendesha nʼalu, nenkutshingulule bua kukuhingashasha mu nshila kuwakufuma.

Yeshaya 37:36

Muanjelo wa Yehowa wakaluhuka, wakashiha ba mu tshitudilu tshia Bena Ashû binunu lukama ne makumi muanda mukulu ne bitanu. Hakabika bantu ne dinda dionso, monai, bakasangana bantu aba bonso anu bitalu.

Yeshaya 5:17

Hashishe, bana ba mikoko nebadieku mashinde bu muakadibo mua kudia mu budimi buabo bua mashinde, nyama idi ne manyi ne bana ba mikoko nebidie mashinde munkatshi mua bikulu.

Yeshaya 8:7

tangila, Mukelenge neabavuishile mai a ku Musulu wa Pelata, adi makole ne adi mavula-ngane, au mmukelenge wa Bena Ashû ne butumbi buandi buonso. Wowo neubande ha mutu ha mitubu yau yonso, neuhasalale mibungiji yau yonso.

Yeshaya 9:4

Bualu bua wewe wakutshibula mutshi wa tshikokedi wakadi bujitu buabo, ne mulangala wakadi ututa diaha diandi, ne tshibonge tshia mukengeshi wandi, bu muwakenza mu dituku diakahitabo Bena Midiyana bukole.

Yeshaya 9:5

Bualu bua tshisabata tshionso tshidi disalayi diluata mu diyoyo dia nvita, ne bivualu bia nvita biakinabo mu mashi, nebikale bintu bia kuoshabo, bu nkunyi ya kuela mu kahia.

Yirmeya 21:14

Yehowa udi wamba ne, Nenkukengeshe bu mudi mamuma a bienzedi biebe, nentemeshe kahia mu ditu diandi, nekoshe bintu bionso bidi bimunyunguluka.

Yirmeya 48:14

Nudi mua kuamba munyi ne, Tudi bantu bakole, tudi bena bukitu mu nvita?

Yezekiyele 34:16

Nenkebe yakadi mijimine, nempingashe yakihatabo, nenjingile yakadi mitahike mputa tshilulu, nenkoleshe yakadi isama; nendame idi ne manyi ne idi ne bukole, nenyidishe ne kulumbulula kuakane.

Nahume 1:12

Yehowa udi wamba dî edi ne, nansha bikalabo ne bukole buabo buonso, nansha bikalabo ba bungi, nebatahibue, nebajimine. Nansha meme mukukengeshe, tshiena nkukengesha kabidi.

Sefanya 2:13

Yeye neolole tshianza tshiandi bua kukuma ba ku luseke lua nôde, nebabutule Ashû. Neavuishe Ninewe bikulu, muaba mume bu tshihela tshia lusenga.

Zekâya 7:4

Dî dia Yehowa wa misumba diakalua kundi ne,

Bienzedi 12:23

Muanjelo wa Mukelenge wakamukuma lukasa, bualu bua yeye kakadi utumbisha Nzambi; tuishi tuakamudia, wakahuola muoyo wandi.