Yeshaya 10:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Bualu bua wakuamba biandi ne, Nakuenza malu â ku bukole bua tshianza tshianyi, ne ku lungenyi luanyi, bualu bua ndi ne meji. Nakûmusha mikalu idi ihandulula bantu, nakunyenga bintu bia mu bibutshilu biabo; ne bu mudi muena bukitu wenza, nakuhuekesha badi bashikame mu nkuasa ya bukelenge.

MUKANDA WA MYIDI MUKULU

¹³ Udi wamba ne: “Ndi muenze bionsu amu ku bukole buanyi. Meme ndi mumanye malu, ndi muena budimu bupite. Ndi mushipe mikalu idi munkatshi mua matunga. Meme kupawula bintu bivuabu balamina mu mayeba. Meme kuipata ne bakalenga mu nkuasa yabu ya bumfumu.

Yeshaya 10:13 교차 참조

2 Bakalenga 15:29

Mu matuku a Peka, mukelenge wa Isalele, Tigelata-pilesê, mukelenge wa Ashû, wakalua, wakahaula Iyona ne Abele-bete-mâka ne Yanoa ne Kedeshe ne Hasô ne Gilada ne Galela ne buloba buonso bua Nafatale, wakaya nʼabo ku Ashû mu buhika.

2 Bakalenga 16:8

Ahaza wakangata biamu bia argent ne bia or biakadi mu nsubu wa Yehowa ne bintu bilengele biakadi mu nsubu wa mukelenge, wakabituma bu matabisha kudi mukelenge wa Ashû.

2 Bakalenga 17:24

Mukelenge wa Ashû wakangata bantu ba mu Babulona ne ba mu Kuta ne ba mu Awa ne ba mu Hamata ne ba mu Sefâwayima, wakabateka mu misoko ya Samalea mu miaba ya Bena Isalele; bobo bakaheta misoko ya Samalea, bakashikamamu.

2 Bakalenga 17:6

Mu tshidimu tshia tshitema tshia bukelenge bua Hoshea, mukelenge wa Ashû wakahaula Samalea, wakaya ne Bena Isalele ku Ashû, wakabashikika mu Halaha ne kukala kua musulu wa Habo wa mu Gozana ne mu misoko ya Bena Madai.

2 Bakalenga 18:11

Mukelenge wa Ashû wakaya ne Bena Isalele mu Ashû; wakabateka mu Halaha ne kukala kua musulu wa Habo mu Gozana ne mu misoko ya Bena Madai,

2 Bakalenga 18:15

Hezikiya wakamuha argent yonso yakadi mu nsubu wa Yehowa, ne bintu bionso bia mushinga mukole bia mu nsubu wa mukelenge.

2 Bakalenga 18:32

tô ne hanaya nʼenu ku buloba budi bifuana buloba buenu, buloba bua blé ne nvinyo mihia-mihia ne mampa ne mitshi ya tumuma tukese, ne mitshi ya olive ne buitshi; bua nuenu nuikale ne muoyo, kanufu; kanunvu dî dia Hezikiya hanuambileye ne, Yehowa neatusungile.

1 Kulondolola 5:26

Nzambi wa Isalele wakasonsola mutshima wa Pula, mukelenge wa Ashû, ne mutshima wa Tigelata-pilenesê, mukelenge wa Ashû, ne bobo bakaya nʼabo, Bena Lubena ne Bena Gada ne tshituha tshia tshisamba tshia Manashe mene mu buhika; bakaya nʼabo tô ne ku Halaha ne Habo ne Hala ne ku musulu wa Gozana tô ne ku didiku edi.

Nsumuinu 28:11

Muntu mubanji udi wela meji ne, Ndi ne meji, kadi muhele udi ne dijingulula dia mianda udi ukononona tshikadilu tshiandi.

Yeshaya 10:8

Bualu bua yeye udi wamba ne, Tupitene tuanyi tua masalayi tuonso katuena banfumu, anyi?

Yeshaya 5:21

Mulau wikale kudi badi badimona bu bena meji, badi badimona bu bena budimu!

Yirmeya 46:8

Eu udi Ejipitu udi ujuka bu musulu wa Nile, bu misulu idi mai ai atuta mambuanka. Yeye udi wamba ne, Nenjuke, nembuikile buloba; nembutule misoko ne bantu badi bashikamemu.

Yirmeya 48:14

Nudi mua kuamba munyi ne, Tudi bantu bakole, tudi bena bukitu mu nvita?

Yezekiyele 25:3

Ambila Bena Amona ne, Unvuai dî dia Mukelenge Yehowa. Mukelenge Yehowa utu wamba ne, Bualu bua nuakela tshibingu ne, O! kudi nsubu wanyi wa tshijila hakamunyangabo, ne ku buloba bua Isalele hakabubutulabo, ne kudi Bena Yuda hakayabo mu buhika;

Yezekiyele 26:2

Muana wa muntu, bualu bua Tulo wakuamba dî dibi bualu bua Yelushalema ne, Kia! Musoko wakadi tshibuelelu tshia bantu ba bende wakuhuka, wakunzuluka kundi, nengikale ne bintu tente, bualu bua wowo wakubutuka;

Yezekiyele 29:3

Ela dî diebe, amba ne, Mukelenge Yehowa udi wamba ne, Ndi nʼebe tshilumbu, wewe Palô, mukelenge wa Ejipitu, wewe ngandu munene udi ulala munkatshi mua misulu yebe, wamba ne, Musulu eu nguanyi mene, nakudienzelau nkayanyi.

Yezekiyele 35:13

Bualu bua wewe wakudibandisha ku mpala kuanyi ne mei a mukana muebe, wa kundi ula ne mei mavule, ne meme nakaunvua;

Danyele 4:27

Bua muanda eu, mukelenge wanyi, wanji kuitabusha lungenyi luanyi: ulekele mibi yebe, uhingashe bienzedi biakane mu muaba wai; ulekele malu ebe a tshishiku, ufuile bahele luse; nunku, bumue, diakalengele diebe nedileheshibue.

Danyele 4:30

Mukelenge wakamba ne, Eu Babulona mimene, tshiakuibaka musoko eu bu muaba wa mukelenge kushikameye ku bukole buanyi bunene bua mpete butumbi ne buneme, anyi?

Amosa 5:27

Nunku meme nennutume mu buhika mu buloba budi buhita Damaseke kule. Yehowa, Nzambi mene wa misumba, udi wamba dî edi.

Amosa 6:13

Nuenu nudi nusankila mu tshintu tshia tshianana, nudi nuamba ne, Tuetu bine nkayetu katuena badiangatshile bukole ku makanda etu, anyi?

Abakuke 1:11

Hashishe, badi bahita mu nshila bu luhehele, badi baya ku mpala benza malu mabi, badi bavuisha bukole buabo bu nzambi wabo mene.

Abakuke 1:16

Bua malu â yeye udi ushihela kahamba kandi milambu, udi woshila bukuondo buandi musenga wa manananshi; bualu bua luseke luandi lua bintu ludi luvulangana ne bia kudia biandi bidi bikumbane bia bungi.

Abakuke 2:6

Bantu aba kabena bamubingila tshibingu, anyi? Kabena bamuela nsenda, anyi? Nebambe ne. Mulau wikale kudi udi uvudisha bintu bidi kabiyi biandi; nênze nunku musangu bule bishi? Mulau wikale kudi muntu udi wangata bujitu bua mabanza a bungi!

Dielulula 8:17

kanuambi mu mitshima yenu ne, Tuakudiangatshila biuma ebi bionso ne bukole bua bianza bietu.

Balombodi 7:2

Yehowa wakambila Gideona ne, Bantu badi nʼebe badi bahita bungi bua meme kufila Bena Midiyana mu bianza biabo; bobo nebadileshe ku mesu kuanyi, badiamba ne, Tuakudisungila ne bianza bietu.