Yeshaya 10:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Mulau wikale kudi bantu badi bela mikenji idi kayiyi miakane, ne kudi bafundi badi bafunda mifundu idi ne mei mabi,

MUKANDA WA MYIDI MUKULU

¹ Nudi bena diakabi, bualu nudi nuela mikenji idi kayiyi miakane, ne meyi adi akengesha bantu banyi.

Yeshaya 10:1 교차 참조

1 Bakalenga 21:13

Bantu aba babidi, bena lukinu, bakabuela, bakashikama ku mpala kuandi; bena lukinu aba bakamudingila, Nabota mene, ku mesu kua bantu bonso, bamba ne, Nabota wakahenda Nzambi ne mukelenge kabidi. Hashishe bakumuka nʼandi mu musoko, bakamushiha ne mabue.

Misambu 58:2

Nansha, mu mitshima yenu nudi nuhangidisha malu mabi, ne ha buloba nudi nuidikishila bantu bujitu bua tshimbambila tshia bianza bienu.

Ekesode 23:3

Kueyemenyi buhele bua muntu muhele mu dikosa dia tshilumbu tshiandi.

Ekesode 23:6

Kuhidi kubingisha muntu muhele mu tshilumbu tshiakane tshidiye nʼatshi bualu bua buhele buandi.

Yeshaya 29:21

Badi bavuisha muntu bu muhishibu mu tshilumbu ku dî diabo dia mashimi, badi belela muntu buteyi udi ubela bantu babi ku tshilumbuluidi tshia ku tshibuelelu tshia musoko, badi basesuisha kubinga kua muntu mubinge mu tshilumbu anu bua bualu bua tshianana.

Yeshaya 3:11

Mulau wikale kudi muntu mubi! Neafute dikasa dibi; bualu bua nebamuenzele yeye bienzedi biakuenzeye ne bianza biandi.

Yeshaya 3:14

Yehowa neabande bankolomo ne bakokeshi babo ba bantu bandi ne, Nuenu mene bakudia tumuma tuonso tua mu budimi bua tumuma tua nvinyo; bintu binuakunyenga kudi bahele bidi mu nsubu yenu.

Yeshaya 5:11

Mulau wikale kudi bantu badi bajuka hatshiatshia bua kuya kukeba maluvu makole, kudi bantu badi batabale tô ne munda mua butuku, tô ne halua maluvu kutemesha mitshima yabo!

Yeshaya 5:18

Mulau wikale kudi badi bakoka malu mabi kudibo ne mionshi ya mashimi, badi bakoka bualu bubi bu muakadibo babukoka ne nshinga ya ku dikalu,

Yeshaya 5:23

badi babingisha muntu muhila ku mbueshilu, badi bahisha muntu mubinga ku dikosa dibi dia tshilumbu tshiandi!

Yeshaya 5:8

Mulau wikale kudi badi balamakasha nsubu ne nsubu, ne badi basangakasha budimi ku budimi, tô ne hikalaku kakuyi muaba, ne badi banushikamisha ha nkayenu munkatshi mua buloba!

Yeshaya 59:13

ludi tumutombokela, ne tudi tuhidia Yehowa; tudi tuhingana, katuyi tulonda Nzambi wetu; tudi tuamba mei a dikengesha ne ditomboka; tudi tuelangana meji a mashimi ne tudi tuamba mei a mashimi adi afuma mu mitshima yetu.

Yeshaya 59:4

Kakuena muntu udi ufunda tshilumbu ne mutshima muakane, kakuena muntu udi wakula tshilumbu tshiandi mu bulelela; buonso buabo badi beyemena malu a hatuhu, badi bamba mashimi; badi bimita mafu adi ne malu mabi ne badi balela bualu bubi.

Yirmeya 22:13

Mulau wikale kudi muntu udi wasa nsubu wandi ku malu mabi, ne udi ulongolola nsubu idi munda mua nsubu ku kulumbulula kubi; udi wenzesha muena mutumba nʼandi mudimu udi kauyi ne difutu, ne kena umuha difutu;

Amosa 2:7

Badi bajinga bua kumona luhuishi mene ha mitu ya bahele, badi basesuisha bena dikenga mu nshila. Muana wa balume ne tatuʼandi badi basangila bulalu ne nsongakashi umue, badi banyanga dina dianyi dia tshijila nunku.

Mika 6:16

Bualu bua nudi nutumikila mikenji ya Omeli, nudi nulonda bienzedi bia mu nsubu wa Ahaba, nudi nuenda bu mudi lungenyi luabo, meme nenyishe musoko wenu tshikulu, ne bantu badimu nebedibue tshibingu, ne nuenu nenuhendibue ne bihendu bidibo bahenda nʼabi bantu banyi.

Abakuke 2:12

Mulau wikale kudi udi wasa musoko ku kumatshisha kua mashi, udi ujadika tshimenga ku malu mabi!

Abakuke 2:15

Mulau wikale kudi udi uhongoluela muena mutumba nʼandi maluvu mu mulondo wa lukuna luandi, udi umukuatshishau bua kumona butaka buandi.

Abakuke 2:19

Mulau wikale kudi udi wambila mutshi ne, Tabala! Udi wambila dibue didi kadiyi mua kuakula ne, Bika! Tshintu etshi tshidi mua kuyisha bantu, anyi? Monai, tshidi tshilamika or ne argent, kadi munda muatshi kamuena muhuya, nansha mukese!

Abakuke 2:6

Bantu aba kabena bamubingila tshibingu, anyi? Kabena bamuela nsenda, anyi? Nebambe ne. Mulau wikale kudi udi uvudisha bintu bidi kabiyi biandi; nênze nunku musangu bule bishi? Mulau wikale kudi muntu udi wangata bujitu bua mabanza a bungi!

Abakuke 2:9

Mulau wikale kudi udi wangatshila ba mu nsubu muandi luhetu ku malu mabi andi, bua kuibaka nʼalu disua diandi kulu bua kuhanduka ku makenga!

Matayi 11:21

Wewe Kolazina, mulau ulualua kûdi! Wewe Bete-saïda, mulau ulualua kûdi! Bualu bua bu malu a kukema akenjibua munkatshi muenu, menjibue mu Tulo ne mu Sidona, bakadi kukudimuna mitshima yabo kale, baluate bilulu bikayabala, balale mu butue.

Matayi 23:23

Nuenu bafundi ne Bafalese, nudi bena lubombo! Mulau ulualua kunudi; bualu bua nuenu nutu nuafila tshia dikumi tshia luenyi, ne tshia tshidibiʼa luenyi, ne tshia tshikote, kadi nuakulekela kuenza malu makole a mikenshi ya Nzambi, bulelela ne luse ne ditabusha; biakadi bimpe bia nuenu kuenza malu â a ku nyima, kambimpe nulengulule mua kuenza malu au a ku mpala kabidi.

Matayi 23:27

Nuenu bafundi ne Bafalese, nudi bena lubombo, mulau ulualua kunudi! Nudi bu nkita mitokesha ha nyima, ha nyima hadi himpe ku mesu, kadi munda muai mudi mule tente ne mifuba ya bafue ne bukoya bua mishindu yonso.

Matayi 23:29

Nuenu bafundi ne Bafalese, nudi bena lubombo! Mulau ulualua kunudi; bualu bua nuenu nutu mubaka nkita ya baprofete, nutu nulengesha nkita ya bantu bakane,

Matayi 26:24

Muana wa muntu udi uya bu muakamufundabo; kadi mulau neulue kudi udi utungila Muana wa muntu tshitungu; biakadi bimpe bu muntu eu kai muledibue.

Luke 11:52

Nuenu bamanyi ba mikenshi, mulau ulualua kunudi, bua nuenu nuakunyenga luvungula lua ku lungenyi; kanuakubuelamu, nuakuhumbisha kabidi bakadi babuela!

Yowanane 19:6

Hakamumona bakuidi banene ne tuhalai, bakela mbila ne, Umushihe ku mutshi mutshiamakane, umushihe ku mutshi mutshiamakane. Pilato wakabambila ne, Nuenu nudiangatshileye, numushihe; meme tshiena mumusangane ne dihila.

Yowanane 9:22

Bamuledi bakamba nunku, bua bakadi batshina Bena Yuda; Bena Yuda bakadi bamane kusangisha dî ne, Wamujukula ne, Kilisto, nebamumushe mu nsunagoga.

Yuda 1:11

Mulau wikale kudibo; bualu bua bakaya mu nshila wa Kana, bakadiela lukasa mu dihambuka dia Belama bua difutu, bakajimina mu ditomboka dia Kola.