Yeshaya 1:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Yehowa udi Wamba ne, Luai bienu, tuhunge dî bua bualu ebu: nansha hikala mihi yenu mikunze-kunzû, neyikale ne butoke bua neige; anyi bikalayi mikunze bu mashi, neyikale mitoke bu miosa ya mikoko.

MUKANDA WA MYIDI MUKULU

¹⁸ Maweja-Nangila udi unubikila ne: Fikayi, tumone wapila ne wabinga nnganyi? Mibi yenu, nansha yoyi mikunze bu mashi, neitoke zezeze bu ndanda. Pikalayi mikunze kunzuu, neitoke bu miosa ya mikoku.

Yeshaya 1:18 교차 참조

Yobe 9:33

Kakuena musungi hankatshi betu udi mua kutulenga bubidi buetu tshianza.

Misambu 51:7

Untokeshe ne hysope, nengikale mutoke; unguvuwe, nempite neige butoke tô.

Misambu 51:9

Usokoke mpala webe ku malu mabi anyi, unjimishile mahambuka anyi onso.

Yeshaya 1:23

Bakokeshi bebe badi batomboka, ne badi bakuatanganyi ba bulunda ne bibi. Muntu yonso wa munkatshi muabo udi musue mbueshilu, udi ukeba anu maha. Kabena balumbulula bilumbu bia bana ba nshiya ne kulumbulula kuakane, ne tshilumbu tshia mukashi wa mu lufuila katshiena tshifika kudibo.

Yeshaya 3:13

Yehowa udi ujuka bua kusengelela bantu bandi, udi wimana kulu bua kubalumbuluisha.

Yeshaya 41:1

Nuenu, maloba a ku muelelu wa mai manene, huwai bua kuteleja; bantu badimu basangashe bukole buabo; balue ha buihi nʼanyi, hashishe bambe dî diabo; tulue bietu hohamue bua kulumbuluishangana.

Yeshaya 41:21

Yehowa udi Wamba ne, Nulue ne tshilumbu tshienu; Mukelenge wa Yakoba udi wamba ne, Ambai mei enu makole anudi nudibingisha nʼau.

Yeshaya 44:22

Nakujimisha matomboka ebe bu mudi ditutu difike dijimina, ne malu mabi ebe bu mudi dibungi dijimina; uhingane kundi, bualu bua nakukubikila.

Yeshaya 50:8

udi umbingisha udi ha buihi nʼanyi. Wafuilangana nʼanyi nganyi? Tuimane bietu hohamue. Muntu kai neambande ne tshilumbu? Alue ha buihi nʼanyi!

Yeshaya 55:7

Muntu mubi alekele kuenda mu nshila wandi mubi, udi kayi muakane alekele meji andi mabi; ahingane biandi kudi Yehowa, yeye neamufuile luse; ne kudi Nzambi wetu, bualu bua yeye neatambe kumubuikidila mibi yandi.

Yirmeya 2:5

Yehowa udi ukonka ne, Batatu benu bakasangana dihanga kai munda muanyi bua bobo bakandekela, bakaya kule, bakalonda tshintu tshia hatuhu, ne bobo bine bakalua ba hatuhu?

Yezekiyele 18:27

Kadi bialekela muntu mubi bubi buakadiye wenza ne bienzeye malu adi makanangane ne mikenji ne malu adi makane, neahandishe muoyo wandi.

Yezekiyele 33:16

Kabena bavuluka bubi bumue bua mu malu mabi akenzeye diambedi bua kumubanda nʼabu. Yeye wakuenza malu adi makanangane ne mikenji ne adi makane, neikale ne muoyo bulelela.

Mika 6:2

Nuenu mikuna minene, unvuai mpata idi Yehowa nʼai; telejai matshu, nuenu bishimikidi bia buloba, bualu bua Yehowa udi ne mpata kudi bantu bandi, ne yeye nealumbulule ne Bena Isalele.

Bienzedi 17:2

Paulo, bu mu tshilele tshiandi, wakabuelamu nʼabo; Mbingu isatu ya Bayuda wakakulangana nʼabo malu a mu Mukunda wa Nzambi,

Bienzedi 18:4

Yeye wakakulangana ne bantu mu nsunagoga ku Lumingu ne ku Lumingu lua Bayuda, wakakeba kuitabushisha Bena Yuda ne Bena Gelika.

Bienzedi 24:25

Hakadiye wakulangana abo bualu bua buakane, ne bua didikanda, ne bua tshilumbuluidi tshilualua, Felika wakatshina bikole, wakamba ne, Ya biebe katataka; hanaheta tshikondo tshiakane, nenkubikile kundi.

Rome 5:20

Mikenshi yakabuela kabidi bua bushihi bua mikenshi buvulangane. Kadi hakavulangana bubi, ngasa wakatamba kusangana.

Didimanyisha 7:14

Nakamuambila ne, Mukelenge wanyi, wewe udi mumanye. Wakangambila kabidi ne, Aba mbantu badi bumuka mu dikenga dinene, ne bakuvua mayeka abo, ne bakâtokesha mu mashi a Muana wa Mukoko.

1 Samuele 12:7

Nunku nuimane talalâ bua meme kunuambila ku mesu a Yehowa malu mimpe onso a Yehowa, akenzeleye bankambua benu ne nuenu kabidi.