Yeshaya 1:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nuenu bakokeshi ba mu Sodoma, unvuai dî dia Yehowa! Nuenu bantu ba mu Amola, telejai matshu enu ku diyisha dia Nzambi wetu!

MUKANDA WA MYIDI MUKULU

¹⁰ Nuenu bamfumu ba mu Yerushalayime, nudi bafuanangane ne bena tshimenga tshia Sodome. Telejayi bimpe tshidi Maweja-Nangila wamba! Nuenu kabidi bantu babi, badi bafuanangane ne bena Ngomore. umvuayi mudi Mvidi Mukulu wetu unubela ne:

Yeshaya 1:10 교차 참조

Genese 13:13

Bantu ba mu Sodoma bakadi babi, bakatamba kuhidia Yehowa.

Yeshaya 28:14

Nunku, unvuai bienu dî dia Yehowa, nuenu babuidi badi bakokesha bantu aba ba mu Yelushalema!

Yeshaya 3:9

Kansungusungu kabo ka mu bilumbu kadi kabahisha; badi balesha bakuabo bubi buabo, kabena babusokoka, bu muakenza Bena Sodoma. Mulau wikale kudibo! Bualu bua badi badivuishila malu mabi!

Yeshaya 30:9

Bua bantu aba badi batomboka, badi bana, bena mashimi, badi bana badi kabayi basue kunvua diyisha dia Yehowa.

Yeshaya 33:22

Bualu bua Yehowa udi mulumbuluishi wetu, Yehowa udi mutueledi wa mikenji, Yehowa udi Mukelenge wetu; yeye neatusungile.

Yeshaya 8:20

Tuye ku diyisha dia mikenji ne ku tshimanyishilu tshia dî dia Nzambi! Bikala bantu kabayi bambe dî didi diakanangane ne dî adi, bulelela, butuku kabuena buanze kubatshila.

Yirmeya 23:14

Nakumona malu mahite bubi munkatshi mua baprofete ba mu Yelushalema kabidi; badi benda masandi, badi benda mu mashimi; badi bakolesha maboko a benji ba malu mabi, nunku kakuena muntu udi walukila kundi, ulekela bubi buandi; nunku buonso buabo bakulua bu Bena Sodoma ku mesu kuanyi, ne bena musoko eu bakulua bu Bena Amola.

Yirmeya 9:26

Ba mu Ejipitu, ba mu Yuda, ba mu Edome, ba mu Amona, ba mu Moaba ne bonso badi ne nsuki yabo mibeya biketu badi bashikame mu tshihela; bualu bua ba mu bisamba abi bionso kabena ne ditengula dilelela, ne Bena Isalele kabena batengudibue mu mitshima yabo.

Yezekiyele 13:2

Muana wa muntu, bela baprofete ba Bena Isalele badi badiamba, ambila bantu aba badi bamba mei adi afuma anu mu mitshima yabo mene ne, Unvuai dî dia Yehowa.

Yezekiyele 16:35

Bua malu â, wewe ndumba, unvua dî dia Yehowa.

Yezekiyele 16:46

mukuluʼebe wa bakashi wakadi Samalea, wakadi ushikama ne bana bandi ba bakashi ku luseke luebe lua nôde; muakunyi webe wa bakashi wakadi Sodoma, wakadi ushikama ne bana bandi ba bakashi ku luseke luebe lua sude.

Yezekiyele 16:49

Tangila, ebu buakadi bubi bua muanʼenu wa bakashi Sodoma; yeye ne bana bandi ba bakashi bakadi ne kudisua ne bia kudia bivule, kabayi bakengela tshintu; kabakakolesha maboko a bahele ne a bakengi.

Amosa 3:1

Nuenu Bena Isalele, unvuai dî edi didi Yehowa unuhisha nʼadi, dia kunuisha nʼadi bonso ba mu tshisamba tshinakahatula mu buloba bua Ejipitu, ne,

Amosa 3:8

Nyama wa ntambue udi mukungule; nganyi udi kayi utshina? Yehowa Nzambi udi wamba dî diandi; muprofete kai udi kayi udiambila bantu?

Amosa 9:7

Yehowa udi ukonka ne, Nuenu Bena Isalele, kanuena bu bana ba Bena Atiopa kundi, anyi? Tshiakaluhula Bena Isalele mu buloba bua Ejipitu, ne Bena Peleshete ku Kefetô ne Bena Sulia ku Kî, anyi?

Mika 3:1

Nakamba kabidi ne, Ndi nnutendekena bua nunvue bienu, nuenu nudi ha mutu ha Bena Yakoba, ne badi bakokesha Bena Isalele; munyi munudi kanuyi bamanye mua kulumbulula biakane?

Rome 9:29

Mbu muakamba Yeshaya diambedi ne, Bu Mukelenge wa Misumba Yonso kai mutushile diminu dia bantu, Tuakadi kulua bu Sodoma, tuakadi kufuishibua bu Amola.

Dielulula 32:32

Bualu bua mitshi yabo ya tumuma tukese idi bu mitshi ya mu Sodoma ne ya mu madimi a Amola: tumuma tuabo tudi bu nyongangandu, ne tshisumbu tshia tumuma tshidi ne bululu:

Didimanyisha 11:8

Ne bitalu biabo nebilale mu musesu wa musoko mimene, udibo babikila mu meshi a nyuma Sodoma ne Ejipitu, kuakadi kabidi Mukelenge wabo mushihibue ku mutshi mutshiamakane.