Yakobe 5:16 - Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Nunku nutondelangane mibi yenu, nulombelangane Nzambi, bua nuenu mikoleshibue. Disengelela dia muntu muakane didi ne bukole bua bungi mu kuenza kuadi.

MUKANDA WA MYIDI MUKULU

¹⁶ Tondelanganayi mibi yenu. Nulombelangane kudi Mfumu, nanku nenupande. Ditendelela dia muntu udi wenza mudi Mvidi Mukulu musue, didi ne bukole bua bungi.

Yakobe 5:16 교차 참조

Genese 19:29

Hakabutula Nzambi misoko ya mu Mpala, yeye wakavuluka Abalahama, wakumusha Lota munkatshi mua dikenga hakabutuleye misoko kuakadi Lota mushikame.

Genese 20:17

Abalahama wakalomba Nzambi, ne yeye wakakolesha Abimeleke ne mukashi wandi ne bena mudimu bandi ba bakashi, ne bobo bakalela bana.

Genese 20:7

Nunku uhingashe mukashi kudi mulume wandi, bualu bua yeye udi muprofete, neakulombele Nzambi bua wewe wikale ne muoyo, kadi biwahidia kumuhingasha, umanye biebe ne wewe ne bantu bonso baudi nʼabo nenufue bulelela.

Genese 32:28

Yeye wakamuambila ne, Kababikidi dina diebe ne Yakoba kabidi bakubikile dina ne Isalele bualu bua wewe wakuluangana ne Nzambi ne bantu, wakahatula bukole.

2 Samuele 19:19

Yeye wakambila mukelenge ne, Mukelenge wanyi kanfunkununyi bua bubi buanyi, kavuluki bualu buhote buakakuenzela muntu webe dituku diakumuka mukelenge mu Yelushalema, mukelenge kateki bualu ebu mu mutshima wandi.

1 Bakalenga 13:6

Mukelenge wakambila muntu wa Nzambi ne, Undombele luse lua Yehowa, Nzambi webe, bua yeye angakashile tshianza tshianyi kabidi. Muntu wa Nzambi wakamulombela Yehowa ne tshianza tshia mukelenge tshiakakana kabidi bu muakaditshi diambedi.

2 Kulondolola 30:20

Yehowa wakunvuila Hezikiya, wakasangasha bantu.

Yobe 42:8

Nunku nudiangatshile balume ba ngombe muanda mutekete ne bimpanga muanda mutekete, nuye nʼabi kudi muntu wanyi Yobo. Nubifile bu milambu ya kuosha bua bualu buenu; ne muntu wanyi Yobo nennulombele Nzambi. Bualu bua ne-ngunvue disengelela diandi bua bualu buenu, bua tshinuenzedi bibi bua buhote buenu. Bua kanuakuamba mei malelela bua bualu buanyi, bu muakuamba muntu wanyi Yobo.

Misambu 34:15

Mesu a Yehowa adi kudi bakane, ne matshu andi adi buashi ku kudila kuabo.

Ekesode 17:11

Hakabandisha Mose tshianza tshiandi Bena Isalele bakatamba bukole, ne hakahuekesheye tshianza tshiandi, Bena Amaleka bakatamba.

Ekesode 9:33

Mose wakaluhuka mu musoko kudi Palô, wakolola bianza biandi kudi Yehowa, ne makubakuba ne mabue a nvula biakashika, nvula kakamata ha buloba kabidi.

Nsumuinu 15:29

Yehowa udi kule ne bantu babi, kadi udi unvua kulomba kua bantu bakane.

Nsumuinu 15:8

Mulambu udi bantu babi bafila udi utondesha Yehowa, kadi ditendelela dia bantu bakane didi dimusankisha.

Nsumuinu 28:9

Udi umusha matshu andi ku diyisha dia mikenji, mulombu wandi udi utondesha Nzambi.

Yirmeya 15:1

Hashishe Yehowa wakangambila ne, Bu Mose ne Samuele bimane ku mpala kuanyi, tshiakadi kulesha bantu aba diakalengele. Ubihate ku mesu kuanyi, bahatuke biabo.

Yirmeya 33:3

wamba ne, Umbikile, nengitabe kudi, nenkuleshe malu a kukema ne malu makole audi kuyi mumanye.

Yirmeya 42:2

bakambila Yelemiya muprofete ne, Tudi tukusengelela bua kunvua kutendekena kuetu, utulombele Yehowa Nzambi webe, tuetu bantu aba bonso badi bashala, bualu bua tuakushala anu bakese ba ku bantu ba diambedi, bu mudi mesu ebe amona.

Dibadika 11:2

Bantu bakadila kudi Mose, ne Mose wakalomba Yehowa, kahia kakajima.

Matayi 21:22

Binuitabusha, nenuangate bintu bionso binualomba mu kutendelela kuenu.

Matayi 3:6

bakabadibua kudiye mu musulu wa Yadene, batonda mibi yabo.

Marke 1:5

Bantu ba mu luseke luonso ma Yudaya ne bonso ba mu Yelushalema bakumuka, bakaya kudiye; bakabatijibua kudiye mu musulu wa Yadene, batonda mibi yabo.

Luke 9:6

Bakamuangalaka, bakaya mu misoko mikese tô, benda bamba lumu luimpe, bashikisha masama a bantu kuonso kuakayabo.

Yowanane 9:31

Tudi bamanye ne, Nzambi kena unvua dî dia bantu babi; watendelela Nzambi, wenza bu mudiye musue, neunvue dî diandi.

Bienzedi 10:38

nudi bamanye kabidi bualu bua Yesu wa mu Nazaleta bu muakamuela Nzambi Nyuma Muimpe ne bukole; yeye wakendakana wenza malu mimpe, wondaha ukolesha bonso bakadi bakengeshibua kudi diabolo, bua Nzambi wakadi nʼandi.

Bienzedi 19:18

Ba bungi kabidi bakadi bitabushe diambedi bakadi balua, batonda basokolola malu abo.

Bienzedi 8:24

Simona wakakudimuna dî ne, Nundombele Mukelenge bua nasha bumue bua malu anuakuamba kabufiki kundi.

Rome 3:10

bu muakafundabo ne, Kakuena muntu udi muakane, nasha umue.

Rome 5:19

Ne bu muakavuishibua ba bungi bantu babi bua buhidia bua muntu umue, nunku ba bungi nebavuishibue bantu bakane bua kutumikila kua muntu umue.

Kolose 1:9

Bua muanda eu, tuetu kabidi, katshia ku dituku dituakunvua lumu etu, katuena tulekela kutendelela Nzambi bua bualu buenu, ne kumulomba bua nuenu nûshibue tente ne kumanya kua disua diandi mu meshi onso ne dijingulula bia mu Nyuma;

1 Tesalonike 5:17

nuikale nutendelelatendelele;

1 Tesalonike 5:23

Nzambi wa ditalala nkayandi anujidile tshishiki; ne nyuma yenu ne misûke yenu ne mibidi yenu ilamibue mu buakane buonso, kanui ne kudiu, mu dilu? dia Mukelenge wetu Yesu Kilisto.

1 Tesalonike 5:25

Bana betu, nundombele Nzambi.

Ebrewu 11:4

Bua ditabusha Ebele wakafila kudi Nzambi mulambu muhite wa Kana buimpe, bua bualu buau yeye wakadi ne bualu buandi buambibua ne, Yeye wakadi muakane, Nzambi wamba bua kuha kuandi, ne bua bualu buaku yeye mufue utshidi wakula.

Ebrewu 11:7

Bua ditabusha Noa, hakadiye mudimushibue bua malu akadi kâi manze kumuenebua, muenzeshibue ku dishina dia Nzambi, wakalongolola bualu bua kusungila nʼabu ba mu nsubu muandi; bua bualu ebu wakahisha ba ha buloba, wakalua muhianyi wa buakane budi bua ku ditabusha.

Ebrewu 12:13

nulongoluele makasa enu nshila milulame, bua mulema kakueyiboki, kadi asangale biandi.

Ebrewu 13:18

Nutulombele Nzambi; bua tudi tuitabushishibua ne tudi ne mioyomikese mimpe, tudi basue kuenda bimpe mu malu onso.

Yoshua 10:12

Hashishe Yoshua wakakula ne Yehowa mu dituku diakafila Yehowa Bena Amole mu bianza bia Bena Isalele; ne ku mesu kua Bena Isalele yeye wakamba ne, Diba, imane biebe talalâ ku Gibeona; ne wewe, ngondo, mu tshibanda tshia Ayalona.

1 Petro 2:24

Yeye muine wakututuadila malu mabi etu mu mubidi wandi ku mutshi mutshiamakane, bua tuetu, bamane kufua ku malu mabi, tuikale ne muoyo wa ku buakane; kunuakuondahibua ku mibundabunda yandi.

1 Yone 3:22

ne bintu bionso bitudi tumulomba, tudi tshiangata kudiye, bualu bua tudi tulama mikenshi yandi, tudi tuenza malu adi avuisha disanka ku mesu kuandi.

1 Samuele 1:12

Hakananukileye kutendelela ku mpala kua Yehowa, Eli wakatangila mukana muandi.

1 Samuele 12:17

Kabena banowa blé lelu, anyi? Kadi meme nembikile Yehowa bua yeye anutumine nvula ne mikungulu; nuenu nenumanye, nenutangile ne bubi buenu budi bunene bunuakuenza ku mesu kua Yehowa hanuakadilombela mukelenge.

1 Samuele 12:18

Nunku Samuele wakabikila Yehowa, ne Yehowa wakatuma nvula ne mikungulu dituku adi; bantu bonso bakatamba kutshina Yehowa ne Samuele.