Yakobe 3:2 - Mukanda wa Nzambi Dihungila Dikulukulu ne Dihungila Dihia-dihia 2003

² Bualu bua buonso buetu tudi tulenduka mu malu a bungi. Bikala mukuabo kai ulenduka ku dî diandi eu udi muntu muakane tshishiki, udi mumanye mua kukanda mubidi wandi wonso.

MUKANDA WA MYIDI MUKULU

² Tudi tuenza bonsu bibi mishindu mishilangane. Kadi padi muntu kayi wakula muaku mubi musangu nansha umue, awu mmuntu wa nsongu. mMumanye kabidi mua kukanda mubidi wende mujima.

Yakobe 3:2 교차 참조

1 Bakalenga 8:46

Biakuenzelabo bibi (ne kakuena muntu udi kayi wenza malu mabi) ne wewe udi nʼabo tshiji, udi ubafila mu bianza bia bena lukuna babo bua kuyabo nʼabo bu bahika mu buloba bua bena lukuna, mu buloba budi kule anyi budi ha buihi;

2 Kulondolola 6:36

Biakuenzelabo bibi (bualu bua kakuena muntu udi kayi ne mibi) ne biwikala nʼabo tshiji, biwabafila kudi bena lukuna babo, ne biayabo nʼabo mu buhika ku buloba budi kule anyi budi ha buihi;

Yobe 15:13

bua wewe udi utekela Nzambi tshiji tshiebe ne udi uhatula mei a nunku mukana muebe?

Misambu 34:13

Kanda ludimi luebe bua kaluambi malu mabi, kanda mishiku yebe bua kayambi mei a kudinga nʼau.

Misambu 39:1

Nakamba ne, Nendame mundi ngenda mu nshila yanyi, bua tshienji bibi ku ludimi luanyi. Nenteke tshintu tshia kujibika nʼatshi mukana muanyi, tô ne hatshidi muntu mubi ku mpala kuanyi.

Nsumuinu 10:19

Havulangana mei, kushiha kua mikenji kudiku, kadi udi ukanda mishiku yandi udi ne meji.

Nsumuinu 13:3

Udi ulama mukana muandi udi ulama muoyo wandi, kadi udi ubulula mukana muandi bitongatonga neabutuke.

Nsumuinu 20:9

Muntu kai udi mua kuamba ne, Nakuvuisha mutshima wanyi mutoke, ndi mulengeshibue ku bubi buanyi?

Nsumuinu 21:23

Udi ulama mukana muandi ne ludimi luandi udi ulama muoyo wandi bua kaubuedi mu makenga.

Muambi 7:20

Bulelela, kakuena muntu muakane ha buloba utu wenza malu makane, kayi wenza malu mabi.

Yeshaya 64:6

Buonso buetu tuakulua bu muntu mubiha, ne bienzedi bietu biakane bionso biakulua bu tshivualu tshidi tshinyanguke. Buonso buetu ludi tufubidila bu dianyi dia mutshi, ne malu mabi etu adi atûmusba bu mudi luhehele luhehula mabeshi.

Lewitiki 13:39

muakuidi neamutangile, ne bi kala matoba au kâyi matambe kutoka tô, ei idi bu mpusu yakumueneka mu dikoba, muntu eu udi muakane.

Matayi 12:34

Nuenu bana ba nyoka, nudi babi, nudi bamanye mua kuamba mei mimpe munyi? Bua mukana mudi muamba anu malu adi matambe kuvulangana mu mutshima.

Matayi 12:37

Mei ebe neakubingishe, mei ebe kabidi neakuhishe.

Rome 3:10

bu muakafundabo ne, Kakuena muntu udi muakane, nasha umue.

Rome 7:21

Nunku ndi nsangana mukenshi eu kundi meme ne, Handi musue kuenza bimpe, bubi budi nʼanyi.

1 Korente 9:27

Kadi ndi udikuma tô ne hanavuisha mubidi wanyi mabuba, ndi ngubuesha mu buhika; bua bumue, hanamana kuambila bakuabo bualu bua Nzambi, meme tshikadi mubengibue.

Ngalate 3:22

Mukanda wa Nzambi wakinshidila malu onso munshi mua bubi, bua kuha bantu badi bitabusha mulayi ku ditabusha dia mu Yesu Kilisto.

Ngalate 5:17

Bualu bua dijinga dia malu a mubidi didi difuilangana ne dijinga dia malu a Nyuma, ne dijinga dia malu a Nyuma didi difuilangana ne dijinga dia malu a mubidi; bua malu â adi mimanyinangane, bua nuenu kanuenji malu anudi basue kuenza.

Kolose 1:28

Nyeye utudi tuamba, tudimusha muntu yonso ne tuyisha muntu yonso mu meshi onso, bua tuetu tumanye mua kumuenesha muntu yonso muakane tshishiki mu Kilisto.

Kolose 4:12

Epafa, udi umue wenu ne muhika wa Kilisto Yesu, udi unutumina muoyo, udi utshinta bikole misangu yonso bua bualu buenu mu mitendelelu yandi, bua nuenu mijalame bakane tshishiki, ne bamanyishibue bimpe mu disua dionso dia Nzambi.

Ebrewu 13:21

anuvuishe bakane tshishiki mu bualu buimpe buonso bua kuenza bu mu disua diandi, wenza munda muetu bualu budi buimpe ku mesu kuandi bita Yesu Kilisto; butumbi buikale kudiye ku bikondo ne ku bikondo. Amen.

Yakobe 1:26

Biela muntu meshi ne, Ndi ndonda malu a Nzambi, hadiye kai ukanda ludimi luandi, kadi udi udinga mutshima wandi, bualu bua Nzambi bua muntu eu budi tshianana.

Yakobe 1:4

Ditantamana dikale ne mudimu wadi muimpe tshishiki, bua nuenu nuikale bakane tshishiki, bakumbane mu malu onso, kanui nuhanga mu bualu bumue.

Yakobe 2:10

Bua muntu yonso udi utumikila mikenshi ei mijima, bialendukeye ku mukenshi umue, wakulua mushihi wa mikemu yonso.

1 Petro 3:10

Bualu bua, Wasua kunanga muoyo ne kumona matuku mimpe, Akande ludimi luandi ku bubi ne mishiku yandi bua kaidingi.

1 Petro 5:10

Ne Nzambi wa ngasa yonso, wakanubikila mu butumbi buandi bua tshiendelele bua mu Kilisto, hanuamana kukenga musangu muihi, yeye muine neanuakashe tshishiki, neanujadike, neanukoleshe.