Tite 3:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Bantu betu bayile kabidi mua kunanukila mu midimu mimpe bua kuhetabo bintu bidibo nʼabi bualu; bua kabikadi bu bantu badi kabai bakuama mamuma.

MUKANDA WA MYIDI MUKULU

¹⁴ Bena dietu kabidi badi ne bua kukumbaja midimu mimpe ne dinanukila, bua tumone mua kujikija majinga manene atudi nawu. Kabena mua kusomba kabayi bakuata mudimu.

Tite 3:14 교차 참조

Yeshaya 61:3

bua kusamba badi badila mu Siona, bua kubaha nkata mulengele bua kubuesha ku mutu mu muaba wa butue, mafuta a disanka mu muaba wa madilu, tshivualu tshia butumbi mu muaba wa mutshima muneme bujitu; bua babikidibue ne, Mitshi ya telebinta ya buakane, ditentula dia Yehowa, bua yeye atumbishibue.

Matayi 21:19

Hakamoneye mutshi wa nfigi kukala kua nshila, wakaluaku, wakasangana mutshi mutuhu, anu mabeshi; yeye wakambila mutshi ne, Wewe kukuami mamuma tshiendelele. Mutshi wa nfigi wakafuba lukasa.

Matayi 7:19

Mutshi wonso udi kawi ukuama mamuma mimpe nebaushimbule, nebawele mu kahia.

Yowanane 15:16

Nuenu kanuakunsungula, nakunusungula, nakunujadika bua nuenu kuya kukuama mamuma ne bua mamuma enu ikale tshiendelele, bua tshintu tshionso tshinualomba Tatu mu dina dianyi yeye anuhetshi.

Yowanane 15:8

Tatu wanyi udi utumbishibua mu bualu ebu ne, Nudi nukuama mamuma a bungi; nunku nenuikale bayidi banyi.

Bienzedi 18:3

Bualu bua mudimu wandi ne wabo wakadi muomumue, wakadi ushikama nʼabo, bakadi benza mudimu, bua bakadi benji ba nsubu ya bilulu.

Bienzedi 20:35

Mu malu onso nakunulesha tshifuanyikishi bu munudi mua kuenza mudimu bua kukuatshisha badi batekete, ne bua nuenu kuvuluka mei a Mukelenge Yesu akambeye ne, Kuha kudi kutamba kuangata kusankisha muntu.

Rome 12:13

Nukuatshishe basanto ne bintu bidibo bakengela; nusankidile benyi misangu yonso.

Rome 15:28

Nunku hanakamana kushikisha bualu ebu, ne hanakamana kufila kudibo dimuma edi, nempitshile munkatshi muenu tô ne ku Esepanya.

Efeze 4:28

Muntu wakuiba, alekele kuiba; kadi akuate mudimu, enze budi buimpe ne bianza biandi, bua yeye ikale ne tshia kuheye udi utshikengela.

Filipe 1:11

ne bua nuenu nûshibue tente ne mamuma a buakane adi afuma kudi Yesu Kilisto bua butumbi ne kutumbishibua bia Nzambi.

Filipe 4:16

Bualu bua hanakadi mu Tesalonike, nuakantumina bintu binakadi nʼabi bualu misangu ne misangu.

Filipe 4:17

Kembua ndi nkeba kuha kuenu, kadi ndi nkeba mamuma adi avulangana ku dibadibua dienu.

Kolose 1:10

ne bua nuenu nuende mu bienzedi bidi biakanangane ne Mukelenge ku dimusankisha dionso, ne bua nuenu nukuame mamuma mu mudimu wonso muimpe, ne bua nuenu nudiundadiunde mu kumanya kuenu kua Nzambi;

1 Tesalonike 2:9

Bualu bua nudi nuvuluka, bana betu, mudimu wetu mukole ne lutatu luetu; butuku ne munya tuakenza mudimu bua katudivuishi bujitu hamʼbidi ha nasha umue wenu; nunku Nakanuambila lumu luimpe lua Nzambi.

2 Tesalonike 3:8

ne katuakadia bidia bia muntu mukuabo hatuhu, kadi mu mudimu mukole ne mu lutatu, tuakenza mudimu ne bianza bufuku ne munya, bua katuikadi bujitu hamʼbidi ha umue wenu.

Tite 2:8

wikale ne mei malenge adi kâi mua kuhishibua; bua yeye udi ku luseke lua batuhumbishi afuishibue bundu, kai ne mua kuamba dî dibi bualu buetu.

Tite 3:8

Dî edi didi mua kueyemenyibua; ne bua malu â ndi musue wewe kuâmba, mumanye ne, Nga bushua, hua bantu bakumana kuitabusha Nzambi bananukile mu midimu mimpe. Malu â adi mimpe ne adi avuishila bantu mushinga muimpe;

2 Petro 1:8

Bikala malu â ngenu ne biavulanganau, adi anuvuisha kanui batuke ne kanui nuhanga mamuma tô ne ku dinanga dijalama dia Mukelenge wetu Yesu Kilisto.