Rute 2:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Naomi wakadi ne muikulu wa mu tshiota tshia bayandi, Elimeleke, muntu mukole ne mubanji, dina diandi Boaza.

MUKANDA WA MYIDI MUKULU

¹ Nowemi uvua ne bayende tshina mu diku dia ba bayende Elimeleke, dina diende Bowaze. Uvua muntu muneme ne mubanji kabidi.

Rute 2:1 교차 참조

2 Bakalenga 15:20

Menahema wakalambuisha Bena Isalele, bantu babanji bonso, nshekele ya argent makumi atanu kudi muntu ne muntu, bua kulambuleye mukelenge wa Ashû. Nunku mukelenge wa Ashû wakahingana kuabo, kakashikama mu buloba bua Isalele.

Yobe 1:3

Bimuna biandi biakadi mikoko binunu muanda mutekete ne tumelo binunu bisatu, ngombe ibidi ibidi ku bikokedi nkama itanu, bakashi ba nyama ya mpunda nkama itanu. Wakadi ne bantu ba bungi mu nsubu muandi kabidi. Nunku muntu eu wakahita bantu bonso ba ku luseke lua Esete buneme.

Yobe 31:25

bingikala musanke bualu bua bubanji buanyi buakadi bunene, anyi bualu bua tshianza tshianyi tshiakaheta biuma bia bungi,

Matayi 1:5

Salamona ne mukashi wandi Lahaba bakalela Boaza; Boaza ne Luta bakalela Obeda; Obeda wakalela Yishai;

Luke 3:32

muana wa Yishai, muana wa Obeda, muana wa Boaza, muana wa Salamona, muana wa Nashona,

Rute 1:2

Dina dia muntu eu diakadi Elimeleke, ne dina dia mukashi wandi diakadi Naomi, ne mena a bana bandi ba balume babidi akadi Malona ne Kiliona, bakadi Bena Efelata ba mu Beteleheme-yuda. Bakalua mu buloba bua Moaba, bakashikamamu.

Rute 2:2

Luta, Muena Moaba, wakambila Naomi ne, Anji kuitabusha bua meme kuya mu budimi bua undi mua kusangana luse ku mesu kuandi bua meme kuhumbululaku mpumbuluila Yeye wakamuambila ne, Yaku, muanʼanyi.

Rute 3:12

Bulelela, meme ndi bu muena tshiota tshienu, kadi mukuabo udiku udi untamba meme kuikala wa ha buihi ne tshiota mene.

Rute 3:2

Boaza, muena bakashi benji ba mudimu bawakadi nʼabo kena wa mu tshiota tshietu, anyi? Mona, yeye udi ushihula orge mu tshishihuidi butuku ebu.

Rute 4:21

ne Salamona wakalela Boaza, ne Boaza wakalela Obeda,