Rome 9:25 - Mukanda wa Nzambi Dihungila Dikulukulu ne Dihungila Dihia-dihia 2003

²⁵ Bu mudiye muambe kabidi mu Hoshea ne, Nembikile bakadi kabai bantu banyi ne, Mbantu banyi; Nembikile wakadi kai munangibue ne, Munanga.

MUKANDA WA MYIDI MUKULU

²⁵ Ke bidibu bafunde mu mukanda wa Osheya ne: “Tshisamba tshia bantu bavua kabayi banyi, ne ntshibikile ne: ntshia bantu banyi. Bantu bamvua tshiyi munange, nembabikile ne: mbandi nnanga.

Rome 9:25 교차 참조

2 Samuele 7:24

Wewe wakadisunguila bantu bebe Bena Isalele bua kuikalabo bantu bebe tshiendelele; wewe Yehowa wakalua Nzambi waho.

Yezekiyele 16:8

Hanakahitshila ha buihi nʼebe kabidi, nakakutangila, ne wakatshidi mu tshikondo tshia kukunangabo; nunku nakakubaluila tshmialu tshianyi, nakabuikila butaka buebe. Nunku Mukelenge Yehowa udi wamba ne, Bulelela, nakaditshiha kûdi, nakahunga nʼebe tshihungidi, ne wewe wakalua wanyi.

Osheya 2:23

ne meme nemmumiamine mu buloba bua bualu buanyi; nenfuile luse kudi Wakadi-kayimufuidibue-luse; nengambile Badi-kabayi-bantu-banyi ne, Nudi Bantu-banyi; ne yeye neambe ne, Wewe udi Nzambi wanyi.

Yowanane 16:27

bua Tatu mene udi munusue, bualu bua nuenu nuakunsua meme, nuakuitabusha ne, Nakafuma kudi Tatu.

Rome 1:7

Ndi nfunda kudi bonso ba mu Lomo, banangibue kudi Nzambi, babikidibue bua kuikala basanto. Ngasa kunudi ne ditalala bia kudi Nzambi, udi kabidi Tatu wetu, ne kudi Mukelenge Yesu Kilisto.

1 Petro 2:10

Mu tshikondo tshia diambedi kanuakadi bantu, kadi katataka nudi bantu ba Nzambi; kanuakafuidibua luse, kadi katataka nuakufuidibua luse.