Rome 8:26 - Mukanda wa Nzambi Dihungila Dikulukulu ne Dihungila Dihia-dihia 2003

²⁶ Muomumue kabidi, Nyuma Muimpe kabidi udi ukuatshishangana nʼetu mu butekete buetu; bua katuena bamanye mua kulomba Nzambi bu mutudi nʼabu mbua kumulomba, kadi Nyuma muine udi utuakuila ne mikemu idi kayi mua kuambibua.

MUKANDA WA MYIDI MUKULU

²⁶ Ke mudi Mueyelu wa Tshijila kabidi utuambuluisha, bualu tudi bena butekete. Katuena bamanye mutudi ne bua kutendelela, ne bitudi ne bua kulomba nansha. Kadi Mueyelu wende udi utulombela kudi Mvidi Mukulu, utua mikemu idi kayiyi yumvuika bu miaku ya bantu.

Rome 8:26 교차 참조

Yobe 37:19

Utuyishe dî ditudi bamanye mua kumuambila! Katuena bamanye mua kulongolola mei etu bualu bua mîdima idiku.

Misambu 10:17

Yehowa, wewe wakunvua kulomba kua badi ne mitshima mihuekele; udi ujadika mitshima yabo, udi uteleja matshu ebe kudibo.

Misambu 102:20

bua kunvueye kutua kua mikemu kua bena lukanu, bua kusululeye bantu badi bamane kuhisha bua kufua,

Misambu 102:5

Bua muadi mukole wa kutua kuanyi kua mikemu mifuba yanyi idi ilamata ku misunyi yanyi.

Misambu 6:3

Mutshima wanyi udi unyingalala bikole. Ne wewe, Yehowa, neunshiye nunku musangu bule bishi?

Misambu 6:9

Yehowa wakunvua kusengelela kuanyi. Yehowa neitabushe kutendelela kuanyi.

Misambu 69:3

Ndi muhungile bualu bua kudila kuanyi, mununu wanyi wakûma bikole. Mesu anyi adi ne bileshileshi bua kuindila kua Nzambi wanyi.

Muadi 3:56

Wewe wakunvua dî dianyi ne, Kujibiki matshu ebe ku kuhumuna kuanyi, ku muedi wanyi mene.

Zekâya 12:10

Nengitshikishile ba mu tshiota tshia Davidi ne ba mu Yelushalema nyuma wa luse ne wa kutendekena; nebamumone wakutuabo difuma; nebamuashile muadi bu mudi muntu washila muanʼandi umuehele muadi, nebamudile ne kanyinganyinga kakole, bu mudi muntu udila ne kanyinganyinga kakole bua lufu lua muanʼa bute wandi.

Matayi 10:20

Bualu bua nuenu kanuena nuamba, Nyuma wa Tatu wenu udi wamba munda muenu.

Matayi 20:22

Yesu wakandamuna ne, Kanuena bamanye tshinudi nulomba. Nudi bamanye mua kunua luhanza lunkadi ha kunua, anyi? Bakamuitaba ne, Tudi bamanye.

Luke 22:44

Wakatamba kukenga ne kanyinganyinga, wakatendelela Nzambi bikole; luanga luakahatuka mamata manene hamʼbidi handi bu mashi amata hanshi.

Yowanane 14:16

Nendombe Tatu, yeye neanuhe Musambi mukuabo, ikale nʼenu tshiendelele,

Rome 15:1

Butudi nʼabu, tuetu bantu bakole, mbua kutuala matekete a badi batekete, kembua kudisankisha nkayetu.

Rome 7:24

Ka meme muena majia! Wansulula ku mubidi wa lufu elu, nganyi?

Rome 8:15

Bua kanuakuangata nyuma wa buhika tshiakabidi bua kutshina; kadi nuakuangata nyuma wa buhianyi bua bana utudi tubikila nʼandi Nzambi ne, Aba, Tatu.

2 Korente 5:2

Bulelela, mu nsubu eu tudi tufua mikemu, bualu bua tudi tujinga bua kuluatshishibua ne nsubu wetu udi ufuma mu diulu;

2 Korente 5:4

Bulelela, tuetu badi mu nsubu eu tudi tufua mikemu banemena kudi bujitu; kembua tudi basue kuvula bintu bitudi tuluata, kadi tudi basue kuluatshishibua, bua tshidi ne bua kufua tshiminyibue kudi muoyo.

Ngalate 4:6

Ne bualu bua nudi bana, Nzambi wakatuma Nyuma wa Muana wandi mu mitshima yetu, wela di diandi ne, Aba, Tatu.

Efeze 2:18

bua bualu buandi bubidi buetu tudi ne ha kubuelela kudi Tatu mu Nyuma umue.

Efeze 6:18

nutendelele Nzambi misangu yonso ne kulomba kuonso ne disengelela dionso mu Nyuma Mumpe; nuikale batabale mu dinanukila dionso ne disengelela bua basanto bonso,

Ebrewu 4:15

Bualu bua katuena ne muakuidi mimene udi kai mumanye mua kukenga nʼetu mu matekete etu, kadi tudi ne umue wakuteyibua mu mata onso muomumue atudi tuteyibua nʼau, kai ne bubi.

Ebrewu 5:2

udi mumanye mua kuikala ne lutulu kudi bahote ne kudi bahambuki, bualu bua yeye muine udi musuikibue ku butekete;

Yakobe 4:3

Nudi nulomba ne kamuena nuangata bintu, bualu bua nudi nabilomba bibi, anu bualu bua kubimuangalasha ku masanka enu.