Rome 8:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bikala Nyuma wa yeye wakabisha Yesu ku bafue muikale munda muenu, yeye wakabisha Kilisto Yesu ku bafue neahe kabidi mibidi yenu ifuafua muoyo, bualu bua Nyuma wandi udi usomba munda muenu.

MUKANDA WA MYIDI MUKULU

¹¹ Padi Mueyelu wa Mvidi Mukulu, uvua mubishe Yezu ku lufu, usomba munda muenu, nanku uvua mubishe Kristu ku bafue, mumupingajile muoyi, neafulule mibidi yenu idi ifua ku bukole bua Mueyelu wende udi usomba munda muenu.

Rome 8:11 교차 참조

Yeshaya 26:19

Bafue bebe nebikale ne muoyo; mibidi yabo mifue neyibike. Tabalai ne imbai bienu, nuenu badi balala mu dinfuenkenya! Bua mume webe udi bu mume wa munya, buloba nebuluhule bafue badimu.

Yezekiyele 37:14

Yehowa udi wamba ne, Nenteke Nyuma wanyi munda muenu, nenuikale ne muoyo, nennuteke mu buloba buenu mene; nenumanye ne, Meme ndi Yehowa. Nakuamba dî edi, nendienze.

Yowanane 14:17

Nyuma wa bulelela mene udi ba ha buloba kabai bamanye mua kuangata, bua bobo kabena bamumona, kabena bamumanye; nuenu nudi bamumanye bua yeye utu wikala nʼenu, neikale munda muenu.

Yowanane 5:21

Bu mudi Tatu ubisha bafue, ubaha muoyo; nunku kabidi Muana udi uha badiye musue muoyo.

Bienzedi 2:24

Nzambi wakamubisha, mumane kusulula nkanu ya lufu, bualu bua kakadi mua kusuikibua kudilu tshiendelele.

Rome 16:10

Nuele Apele, wakumana kutetshibua ne, Muimpe mu Kilisto, muoyo. Nuele ba mu nsubu wa Alistobulo muoyo.

Rome 16:3

Nuele Pisikila ne Akula, benji nʼanyi ba mudimu ba mu Kilisto Yesu muoyo.

Rome 16:7

Nuele Andaloniko ne Yunia muoyo; mbana betu ne bena mu lukanu neanyi, bakadi ne lumu lunene munkatshi mua bapostolo; bakadi kabidi mu Kilisto tshi muanze kuikala munda muandi.

Rome 16:9

Nuele Ubano, umena mudimu nʼetu mu Kilisto, ne Staku, munanga wanyi, muoyo.

Rome 6:12

Nunku kanuitabushi bua bubi bukokeshe mu mibidi yenu ifuafua, bua nuenu nutumikile nkuka yai.

Rome 8:1

Nunku kakuena dihila mpindiu kudi badi mu Kilisto Yesu.

Rome 8:12

Nunku, bana betu, tudi bena dibanza, kendia mubidi bua kulonda malu a mubidi.

Rome 8:2

Bualu bua mukenshi wa Nyuma wa muoyo wa mu Kilisto Yesu wakampikula ku mukenshi wa bubi ne wa lufu.

Rome 8:9

Kadi nuenu kanuena nuikala mu malu a mubidi, nudi nuikala mu malu a Nyuma, bikala Nyuma wa Nzambi munda muenu. Ne bikala muntu kai ne Nyuma wa Kilisto, kena wa Kilisto nasha.

1 Korente 15:16

Bikala bantu bafue kabai babishibue ku lufu, Kilisto kena muanze kubishibua ku bafue;

1 Korente 6:14

Nzambi wakabisha Mukelenge ku lufu, neatubishe tuetu kabidi ku bukole buandi.

2 Korente 4:11

Bualu bua tuetu badi ne muoyo tudi tufidibua ku lufu misangu yonso bualu bua Yesu, bua muoyo wa Yesu kabidi umueneshibue mu mibidi yetu ifuafua.

2 Korente 4:14

tudi bamanye ne, Wakabisha Mukelenge Yesu ku lufu neatubishe kabidi ne Yesu, neatumueneshe nʼenu ka mesu kuandi.

2 Korente 5:4

Bulelela, tuetu badi mu nsubu eu tudi tufua mikemu banemena kudi bujitu; kembua tudi basue kuvula bintu bitudi tuluata, kadi tudi basue kuluatshishibua, bua tshidi ne bua kufua tshiminyibue kudi muoyo.

Ngalate 6:8

Muntu udi ukunyina mubidi wandi bintu, neahuolele mubidi wandi bintu bibole; kadi muntu udi ukunyina Nyuma bintu, neahuole muoyo wa tshiendelele bua Nyuma.

Efeze 2:5

hatuakadi bafue bualu bua kushiha kuetu kua mikenshi, wakatuvuisha ne muoyo hamue ne Kilisto (nuakusungidibua ku ngasa),

Filipe 3:21

yeye neakudimune mibidi ya buhuekele buetu bua kufuananganai ne mubidi wandi wa butumbi, bu mudi kuenza kuandi kudiye mumanye mua kuvuisha nʼaku bintu bionso ku nyima kuandi.

Ebrewu 13:20

Nzambi wa ditalala wakabisha mulami munene wa mikoko munkatshi mua bafue kabidi ku mashi a dihungila dia tshiendelele, Mukelenge wetu Yesu mene,

1 Petro 1:21

Bua bualu buandi nudi bena kuitabusha ba Nzambi wakamubisha ku bafue, wakamuha butumbi; bua ditabusha dienu ne ditekemena dienu bikale mu Nzambi.

1 Petro 3:18

Bualu bua Kilisto wakafua musangu umue bua malu mabi, muntu muakane wakafuila bantu babi, bua kulua nʼetu kudi Nzambi; wakashihibua mubidi wandi, kadi wakavuishibua muoyo mu nyuma wandi;

Didimanyisha 1:18

ne Udi ne muoyo; nakadi mufue, ne mona, ndi ne muoyo tshiendelele, ne ndi ne nvungula ya lufu ne ya Muaba wa Bafue.

Didimanyisha 11:11

Ne ku nyima kua matuku asatu ne tshituha tshia hankatshi ha dituku, muhuya wa muoyo wa kudi Nzambi wakabuela munda muabo, ne bobo bakimana ne makasa abo; ne buowa bunene buakakuata bantu bakabatangila.