Rome 7:15 - Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Bualu bua tshiena njingulula bualu bundi ngenza; tshitu ngenza bualu bundi musue kuenza, kadi ndi ngenza bualu bundi nkina.

MUKANDA WA MYIDI MUKULU

¹⁵ Tshiena mujingulule bindi ngenza to. Bualu tshiena ngenza bindi musue kuenza. Kadi ndi ngenza bindi mbenga.

Rome 7:15 교차 참조

1 Bakalenga 8:46

Biakuenzelabo bibi (ne kakuena muntu udi kayi wenza malu mabi) ne wewe udi nʼabo tshiji, udi ubafila mu bianza bia bena lukuna babo bua kuyabo nʼabo bu bahika mu buloba bua bena lukuna, mu buloba budi kule anyi budi ha buihi;

Misambu 1:6

Bualu bua Yehowa udi mumanye nshila wa bantu bakane, kadi nshila wa bantu babi neajimine.

Misambu 101:3

Tshiena nteka tshintu tshibi ku mesu kuanyi. Ndi nkina bienzedi bia badi basesuka mu nshila webe; kabiena bindamata.

Misambu 119:104

Ndi mpeta lungenyi ku mei audi ungambila, nunku ndi nkina nshila yonso ya mashimi.

Misambu 119:113

Ndi nkina bena mitshima ibidi; kadi ndi nnanga mikenji yebe.

Misambu 119:128

Bua malu a ndi mbala mei ebe onso audi ungambila ne, Adi makane; ndi nkina nshila yonso wa mashimi.

Misambu 119:163

Ndi nkina mashimi, ndi ngalengulula, kadi ndi nnanga mikenji yebe.

Misambu 119:32

Nenyemene mu nshila wa mikenji yebe, hawadiundisha mutshima wanyi.

Misambu 119:40

Mona, nakujinga malu awakunsunguila bua meme kuenza, usangashe muoyo wanyi mu buakane buebe.

Misambu 19:12

Udi mumanye mua kujingulula mahanga andi nganyi? Umbingishe ku malu mabi andi tshiyi mumone ku mesu.

Misambu 36:4

Udi uhangidisha bua kuenza malu a dihambuka halaleye mu bulalu buandi; udi udijadika mu nshila udi kayi muakane; kena ulengulula malu mabi.

Misambu 65:3

Malu a dihambuka dianyi adi antamba bukole; wewe udi umbuikidila matomboka etu.

Misambu 97:10

Nuenu badi bunanga Yehowa, nuikale ne malu mabi lukuna. Yeye udi ulama mioyo ya bansanto bandi, udi ubahandisha mu bianza bia bantu babi.

Nsumuinu 13:5

Muntu muakane udi ukina mei a mashimi, kadi muntu mubi udi wenza malu a bundu ne adi avuisha bihendu.

Nsumuinu 8:13

Kutshina Yehowa nkuikala ne malu mabi lukuna. Kudisua, kudibandisha ne nshila wa malu mabi, mukana mudi muamba mei a tshitshu, ndi mbikina.

Muambi 7:20

Bulelela, kakuena muntu muakane ha buloba utu wenza malu makane, kayi wenza malu mabi.

Amosa 5:15

Kinai malu mabi, nangai malu mimpe, jadikai kulumbulula kuakane ku tshibuelelu tshia musoko. Bumue Yehowa, Nzambi wa misumba, nealeshe luse luandi kudi ba mu tshiota tshia Yosefe badi bashala ne muoyo.

Nahume 1:7

Yehowa udi muimpe, udi tshinyemenu mu dituku dia ntatu, udi mumanye bantu badi banyemena kudiye.

Luke 11:48

Nunku nudi nudibanda, nudi nuitabusha malu akenza bankambua benu; bobo bakabashiha, nuenu kabidi nutu nuibaka nkita yabo.

Yowanane 15:15

Tshiena nubikila kabidi bahika; bualu bua muhika kena mumanye budi mukelenge wandi wenza; kadi nakunubikila balunda; bualu bua nakunumanyisha malu onso anakunvua kudi Tatu wanyi.

Rome 12:9

Luse luikale kalui ne lubombo. Nukine malu adi mabi; nulamate malu adi mimpe.

Rome 14:22

Ahu wewe, ditabusha diudi nʼadi, udilaminedi nkayebe ku mesu kua Nzambi. Udi usanka ngudi kai udilumbuluisha mu malu adiye uteta ne, Adi mimpe.

Rome 7:16

Bingenza bualu ebu bundi tshi musue, ndi ngitabusha mikenshi ne, Idi mimpe.

Ngalate 5:17

Bualu bua dijinga dia malu a mubidi didi difuilangana ne dijinga dia malu a Nyuma, ne dijinga dia malu a Nyuma didi difuilangana ne dijinga dia malu a mubidi; bua malu â adi mimanyinangane, bua nuenu kanuenji malu anudi basue kuenza.

2 Timote 2:19

Kadi bishimikidi bikole biakateka Nzambi bidi bijalama, bidi ne tshimanyishilu etshi ne, Mukelenge udi mumanye badi bandi; ne, Muntu yonso udi utela dina dia Mukelenge ûmuke biandi ku malu mabi.

Ebrewu 1:9

Wewe wakusua malu makane ne udi ne malu mabi tshishi; Bua bualu ebu Nzambi, Nzambi webe mene, Wakuela manyi a disanka ba mutu hebe Ne diela dia manyi ditamba diakeleye bakuebe.

Yakobe 3:2

Bualu bua buonso buetu tudi tulenduka mu malu a bungi. Bikala mukuabo kai ulenduka ku dî diandi eu udi muntu muakane tshishiki, udi mumanye mua kukanda mubidi wandi wonso.

Yuda 1:23

nusungile bakuabo, nubahatule mu kahia; nufuile bakuabo luse ne ditshina; kadi nuikale ne tshilulu tshidi ne matobe a malu mabi a mubidi lukuna.