Rome 6:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Nunku mu tshikondo atshi nuakadi ne mamuma kai mu malu adi anufuisha bundu katataka? Bua kunshikidilu kua malu au ndufu.

MUKANDA WA MYIDI MUKULU

²¹ Kadi panuvua benze malu adi anufuisha bundu mpindiewu, tshinuvua bapete ntshinyi? Malu a nanku adi afikisha ku lufu!

Rome 6:21 교차 참조

1 Bakalenga 2:26

Mukelenge wakambila Ebeyatâ muakuidi ne, Hingane ku Anatota ku madimi ebe bualu bua udi ne bualu bua kufua: tshiena nkushiha katataka, bualu bua wewe waka tua la mushete wa Mukelenge Yehowa ku mpala kua Davidi, tatu wanyi, ne bualu bua wewe wakakenga ne tatu wanyi mu makenga onso akadiye nʼau.

Ezela 9:6

nakamba ne, O Nzambi wanyi, bundu budi bunkuata bikole bua meme kuhandisha mesu anyi kûdi, Nzambi wanyi; bualu bua malu mabi etu akavulangana ha mitu hetu, ne kuhila kuetu kuakamana kufika mu diulu.

Yobe 33:27

Udi wimba ku mpala kua bantu, wamba ne, Nakuenza bibi, nakukonyangasha malu akadi malulame diambedi, Nzambi kakanfutshisha dikenga diakanangane ne bubi buanyi.

Yobe 40:4

Mona, ndi muntu muhuekele; nenkukudimune wewe dî kai? Ndi nteka tshianza tshianyi ku mishiku yanyi.

Yobe 42:6

Bua muanda eu ndi mudihishe, ndi ukudimuna mutshima wanyi, ndi nsomba mu luhuishi ne mu butue.

Misambu 73:17

tô ne hanakabuela mu muaba wa tshijila wa Nzambi, ne nakelanganamu meji a kunshikidilu kuabo.

Nsumuinu 1:31

Bua malu â nebadie mamuma adi bienzedi biabo bikuama, nebukute ne malu adibo bahangidisha.

Nsumuinu 14:12

Nshila udiku udi mululame ku mesu kua muntu, kadi nshikidilu wandi udi lufu.

Nsumuinu 16:25

Nshila udiku udi mululame ku mesu kua muntu, kadi nshikidilu wandi udi lufu.

Yeshaya 3:10

Nuambile bantu bakane dî edi ne, Nenuikale ne diakalengele; bua nebadie mamuma a bienzedi biabo.

Yirmeya 12:13

Bakukuna maminu a blé, bakuhuola meba; bakudikengesha ne mudimu mukole, kabakudihetela luhetu; nebikale ne bundu bua mamuma abo, bualu bua tshiji tshikole tshia Yehowa.

Yirmeya 17:10

Meme Yehowa, ndi ntangila meji a muntu, ndi nteta malu adi mu mutshima bua kufuta muntu yonso bu mudi bienzedi biandi, ne bu mamuma a bienzedi biandi.

Yirmeya 3:3

Nunku Nzambi wakukanda nvula ya diambedi, ne nvula mishishe kayena miloke; kadi wewe udi ne mpala wa muena masandi, udi ubenga kukuatshika bundu.

Yirmeya 31:19

Hakantuminabo kukuabo, nakakudimuna mutshima wanyi; hakanyishabo ne dikenga, nakadikuma ha tshibelu; nakadi ne bundu bulelela, nakatshinyishibua, bualu bua nakadituadila malu a mu bunsongalume akanfuisha bundu.

Yirmeya 8:12

Bakakuatshika bundu hakenzabo malu mabi, anyi? Nansha, kabakakuatshika bundu, nansha kakese; bakûma mu mesu; nunku Yehowa udi wamba ne, Nebahone munkatshi mua badi bahona; mu tshikondo tshinabakengesha nebalenduke.

Yezekiyele 43:11

Bikalabo ne bundu bua malu onso akenzabo, ubamanyishe bua tshifundu tshia kuasa nʼatshi nsubu wa ntempelo, miaba ya kuhatukila ne ya kubuelela, bilele bia kulondamu, kulongolola kua kutendelela ne mikenji yandi; funda malu au onso ku mesu kuabo bua bobo balonde dilongolola dia malu andi onso, batumikile mikenji yandi yonso ne benze malu au onso.

Danyele 12:2

Bafue ba bungi nebabike, bakuabo bua kuikalabo ne muoyo wa tshiendelele, bakuabo bua kufuishibuabo bundu ne kuhetudibua tshiendelele.

Rome 1:32

Bantu aba, hakamanyabo mukenshi wa Nzambi ne, Bantu badi benza malu â badi bakanangane ne lufu, bobo bine batshidi bênza, ne badi bikalangana kabidi ne dî dimue ne bantu badi bênza.

Rome 5:12

Nunku, bu muakulua bubi ha buloba bualu bua muntu umue, ne bu muakalua lufu bua bubi abu, nunku lufu luakafika kudi bantu bonso, bua bonso bakenza malu mabi.

Rome 6:16

Kanuena bamanye ne, Unudi midifila kudiye bu bahika bua kumutungila, nudi hahika ba unudi nutumikila; ne ba bubi tô ne ku lufu, ne ba ditumikila tô ne ku buakane?

Rome 6:23

Bualu bua difutu dia bubi ndufu, kadi diha dia luse dia Nzambi mmuoyo wa tshiendelele mu Kilisto Yesu Mukelenge wetu.

Rome 7:5

Bualu bua hatuakadi mu malu a mubidi, nkuka ya malu mabi yakadiku bualu bua mikenshi, yakenzesha bituha bia mibidi yetu bua kukuambila mamuma a lufu.

Rome 8:13

Bua binualonda malu a mubidi, nudi ne bualu bua kufua; kadi binuafuisha bienzedi bia mubidi kudi Nyuma, nenuikale ne muoyo.

Rome 8:6

Bualu bua meshi mateka ku malu a mubidi adi lufu, kadi meshi mateka kudi Nyuma adi muoyo ne ditalala.

2 Korente 4:2

kadi tuakahidia malu masokome a bundu, katuena tuendakana ne budimu, katuena tudinga bantu ne dî dia Nzambi, kadi tudi tudianyisha ku dimuenesha dia bushua ku muoyo-mukese wa muntu yonso ku mesu kua Nzambi.

2 Korente 7:11

Monai, bualu ebu mene bua kunyingalashibua kuenu bu mudi Nzambi musue, buakenzesha disuminyina munda muenu, ne didibingisha, ne difika munda, ne ditshina, ne dijinga, ne lukunukunu, ne disombuela. Mu malu onso nuakadimuenesha bu badi ne mitshima mitoke mu bualu ebu.

Dielulula 17:6

Numushihe anu ku mei a bamonyi babidi anyi basatu; kanumushihi anu ku dî dia mumonyi umue.

Dielulula 21:22

Bikala muntu muenze bualu bubi bua lufu, ne badi bamushiha, nebamuowe ku mutshi;

Filipe 3:19

kunshikidilu kuabo didi dibutuka, nzambi wabo ndifu diabo, butumbi buabo budi mu bundu buabo; badi belangana meshi a malu a ha buloba.

Ebrewu 10:29

nudi nuela meshi ne muntu neabadibue muakanyine dikenga ditambe misangu bungi munyi, nyeye wakudiata Muana wa Nzambi munshi mua makasa andi, ne wakubala mashi a tshihungidi akadiye ujidibua nʼau bu tshintu tshia tshianana ne wakuhenda Nyuma wa ngasa?

Ebrewu 6:8

kadi bikala buloba bumenesha meba ne nyinyʼa tshisonga, budi buhidibua ne budi hehi ne mulau; kunshikidilu kuabu nkuhia.

Yakobe 1:15

Hashishe lukuka, himitalu, ludi lulela bubi: ne bubi, hakolabu budi bulela lufu.

Yakobe 5:20

amanye biandi ne, Muntu udi wandamuna muntu mubi ku dihambuka dia mu nshila wandi, yeye neasungile muoyo wa muntu ku lufu, neabuikile malu mabi a bungi.

1 Petro 4:17

Bualu bua tshikondo tshia dilumbuluisha kubangadi ku ba mu nsubu wa Nzambi tshiakulua, ne biadianjiladi kubanga kutudi, kunshikidilu kua badi kabai batumikila lumu luimpe lua Nzambi nekuikale tshinyi?

1 Yone 2:28

Ne katataka, bana bakese, nushale munda muandi, bua, biamueneshibueye, tuetu tuikale ne dikima, ne katuikadi ne bundu ku mesu kuandi mu dilua diandi.

Didimanyisha 16:6

Bualu bua bakahongolola mashi a basanto ne a baprofete, ne wewe wakabahesha mashi bua kunua; badi bâkanyine.

Didimanyisha 20:14

Bakela lufu ne Muaba wa Bafue mu dishiha dia kahia. Elu ndufu luibidi, dishiba dia kahia mene.