Rome 3:25 - Mukanda wa Nzambi Dihungila Dikulukulu ne Dihungila Dihia-dihia 2003

²⁵ Nzambi wakamuladika ku mesu kua bantu bua kuikaleye mulambu wa kubuikila nʼau malu mabi a bantu, ku ditabusha dia mu mashi andi, bualu bua kulesha buakane buandi mu dihita diandi dia malu mabi akenzabo diambedi, bua lutulu lua Nzambi.

MUKANDA WA MYIDI MUKULU

²⁵ Mvidi Mukulu uvua mufile Yezu Kristu bu mulambu, bua bantu badi bamuitaba bapete dijimija dia mibi ku lufu luende. Ke muvua Mvidi Mukulu musue kuleja mudiye ubinga: kale uvua ulama lutulu, kayi unyoka bantu bua malu abu mabi.

Rome 3:25 교차 참조

Misambu 119:142

Buakane buebe budi buakane bua kashidi, mikenji yebe idi ya bushuwa.

Misambu 22:31

Nebambile bantu badi kabayi banze kuedibua bua buakane buandi, nebabandile ne, Yeye wakubuenza.

Misambu 40:10

Tshiakusokoka buakane buebe munda muanyi hawakumbingisha, nakuambila bantu bua lulamatu luebe lua bushuwa ne bua luhandu luebe. Tshiakusokokela ba mu disangisha dinene dia bantu luse luebe lujalame ne lulamatu luebe lua bushuwa.

Misambu 50:6

Diulu didi diamba bua buakane buandi, bualu bua Nzambi muine udi mulumbuluishi.

Misambu 97:6

Bia mu diulu bidi bimanyisha bantu buakane buandi, ba ha buloba bonso bakumona butumbi buandi.

Misambu 98:2

Yehowa wakumanyisha bantu luhandu luandi, wakumuenesha kudibingisha kuandi ku mpala kua bisamba bia bantu.

Yeshaya 53:11

Yeye neamone kanyinganyinga ka muoyo wandi, neasanke; muntu wanyi muakane neavuishe bantu bangi bakane ne kumanya kuandi kua Nzambi, neabatuadile malu mabi abo.

Lewitiki 16:10

Kadi mbushi wakakuatabo kudi nshobo wa Azazele neamuteke ne muoyo ku mpala kua Yehowa bua kubuikila nʼandi bubi bua bantu, ne bua kumuihatshilabo bua Azazele mu tshihela.

Lewitiki 16:15

Nunku yeye neashihe mbushi wa mulambu wa kubuikila nʼau bubi bua bantu, nealue ne mashi andi ku nyima kua tshilulu tshikudika, nênze bu muakenzeye ne mashi a muana mulume wa ngombe, neamiamine mashi ku tshibuikilu tshia mushete wa Nzambi ne ku mpala kua tshi kabidi.

Yowanane 6:47

Bulelela, bulelela, ndi nuambila ne, Udi witabusha udi ne muoyo wa tshiendelele.

Bienzedi 14:16

mu bikondo bia ku nyima yeye wakitabusha bua bisamba bionso bia bende biende mu nshila yakadi mitshima yabo misue.

Bienzedi 15:18

Mukelenge udi Wamba nunku udi umanyisha malu â kale.

Bienzedi 17:30

Diambedi Nzambi wakahitshishila bantu bikondo bia buhote buabo hatuhu, kadi katataka yeye udi wela mukenshi ne, Bantu bonso badi kuonso bakudimune mitshima yabo;

Bienzedi 2:23

yeye wakadi mufila bu muakadi meshi akasungula Nzambi ne bu muakadi budianjidi kumanya buandi, nuenu nuakuenzesha bianza bia bantu babi bua kumutekabo ku mutshi mutshiamakane ne bua kumushihabo.

Bienzedi 3:18

Kadi malu akamba Nzambi diambedi mukana mua baprofete bandi bonso ne, Kilisto wanyi neakenge, yeye wakashikisha nunku.

Bienzedi 4:28

ne bua kuenza malu onso akasungula tshianza tshiebe ne mutshima webe diambedi ne, Alue.

Rome 2:4

Anyi udi uhetula bubanshi bua buimpe bua Nzambi ne lutulu luandi ne luse lua musangu mule; kuena mumanye ne luse lua Nzambi ludi lukukoka ku dikudimuna dia mutshima, anyi?

Rome 3:26

Wakenza nunka bua kulesha buakane buandi mu tshikondo etshi, bua yeye kuikala muakane ne mubingishi wa muntu yonso udi witabusha Yesu.

Rome 5:1

Nunku bualu bua tuakabingishibua ku ditabusha, tuikale ne ditalala ne Nzambi bua Mukelenge wetu Yesu Kilisto.

Rome 5:11

Kemuanda eu nkayau, kadi tudi tutumbila kabidi mu Nzambi bua Mukelenge wetu Yesu Kilisto, kutudi bahete dilengesha kudiye mpindiu.

Rome 5:18

Ke mudi bualu bubi bumue baakavuisha dihila kudi bantu bonso, nunku kabidi bualu buakane bumue buakuvuisha dibingishibua dia muoyo kudi bantu bonse.

Rome 5:9

Ke bualu budi butambe nunku ne, Hantshidi tubingishibua mpindiu ku mashi andi, netusungidibue ku tshishi tshia Nzambi kudiye.

1 Korente 5:7

Umushai luevene lukulukulu bua nuenu nuikale bu mutanda muhia-muhia, bu munudi kanui ne luevene. Bualu bua mulambu wetu wa Kuhita kua Yehowa wakashihibua, Kilisto mene.

2 Korente 5:21

Yeye nguakadi kai mumanye bubi, Nzambi wakamuvuisha bubi bua bualu buetu; bua tuetu tuikale buakane bua Nzambi munda muandi.

Efeze 1:7

Tudi ne kuhikudibua kuetu kudiye bua mashi andi, ne kubuikidibua kua malu mabi etu bu mudi bubanshi bua ngasa wandi,

Efeze 2:13

Kadi katataka mu Kilisto Yesu nuenu bakadi kule diambedi nuakavuishibua ha buihi mu mashi a Kilisto.

1 Timote 1:15

Dî edi didi mua kueyemenyibua ndidi bonso bamanye mua kuitabusha ne, Kilisto Yesu wakaluila ha buloba bua kusungileye bantu babi, bandi ku mpala kuabo ku bubi.

Ebrewu 10:4

Bua mashi a ngombe ne a mbushi kêna mua kumusha mibi.

Ebrewu 11:14

Bua badi bamba malu a nunku badi balesha ne badi bakeba muaba udi wabo mene.

Ebrewu 11:17

Bua ditabusha Abalahama, hakamutetabo, wakafila Isaka bu mulambu; yeye wakamana kuitabusha milayi ne disanka, wakadi ufila muanʼandi umuehele mulela;

Ebrewu 11:7

Bua ditabusha Noa, hakadiye mudimushibue bua malu akadi kâi manze kumuenebua, muenzeshibue ku dishina dia Nzambi, wakalongolola bualu bua kusungila nʼabu ba mu nsubu muandi; bua bualu ebu wakahisha ba ha buloba, wakalua muhianyi wa buakane budi bua ku ditabusha.

Ebrewu 9:28

nunku, Kilisto kabidi, hakafidibueye musangu umue hua kutualeye mibi ya bantu ba bungi, neamueneke musangu muibidi mutahuluke ku bubi, kudi bantu badi bamuindila tô ne ku luhandu luabo.

Ebrewu 9:5

ne ha mutu hau bakeluba ba butumbi bavuisha dileshi ha mutu ha muaba wa kubuikidila mibi; bua bintu ebi kakuena bualu bua kuamba katataka mudi tshintu ne tshintu.

1 Yone 1:10

Bituamba ne, Katuakuenza bibi, tudi tumuvuisha ne, Muena mashimi, ne dî diandi kadiena munda muetu.

1 Yone 2:2

ne yeye udi bu mulambu wa kubuikila nʼau mibi yetu; kengua mibi yetu nkayai, kadi wa mibi, ya bonso ba ha buloba kabidi.

1 Yone 4:10

Mu muanda eu mudi dinanga, kembua tuetu tuakunanga Nzambi, kadi bua yeye wakatunanga, wakatuma Muana wandi bu mulambu wa kubuikila nʼau mibi yetu.

Didimanyisha 1:5

ne kudi Yesu Kilisto, mumanyishi wa kueyemena, muledibue diambedi wa ku bafue, ne mukokeshi wa bakelenge ba ha buloba. Kudi yeye udi utunanga, ne wakatuvua ku mibi yetu mu mashi andi mene;

Didimanyisha 13:8

Ne bonso badi bikala ha buloba nebamukukuile, muntu yonso udi kai ne dina difunda ku tshibangidilu tshia buloba mu mukanda wa muoyo wa Muana wa Mukoko udi mushihibue.

Didimanyisha 20:15

Bikala muntu kai musanganyibue mufunda mu mukunda wa muoyo, wakedibua mu dishiba dia kahia.

Didimanyisha 5:9

Badi bimba musambu muhia-muhia, bamba ne, Wewe udi ne buakane bua kuangata mukunda ne bua kulamuna bimanyishilu biau. Bualu bua wewe wakashihibua ne wakasumbila Nzambi ba mu tshisamba tshionso, ne ba mu muaku wonso, ne ba munkatshi mua bantu bonso, ne ba munkatshi mua ditunga dionso, ku mashi ebe.