Rome 3:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Kadi katataka buakane bua Nzambi buakumueneshibua butahuluke ku mikenshi, bu mudibo babuamba mu mikenshi ne kudi baprofete.

MUKANDA WA MYIDI MUKULU

²¹ Kadi lelu, Mvidi Mukulu mmutuleje mudiye utubingisha kumpala kuende, kabiyi bua dikumbaja dia mikenji. Mikenji ne bambi bivua bimane kujadika ne:

Rome 3:21 교차 참조

Genese 15:6

Yeye wakitabusha Yehowa, ne Yehowa wakabala kuitabusha kuandi ne, Mbuakane buandi.

Yeshaya 46:13

Ndualua ne buakane buanyi ba buihi nʼenu, kabuena bushala kule, ne luhandu luanyi kaluena lujanguluka; nenteke luhandu mu Siona, nempe Bena Isalele butumbi buanyi.

Yeshaya 51:8

Bualu bua tshibayibayi netshibadie bu tshivualu, ne tshishi netshibadie bu miosa ya mikoko; kadi buakane buanyi nebuikaleku tshiendelele, luhandu luanyi neluikaleku tô ne ku bikondo bionso.

Yeshaya 54:17

kakuena tshielelu tshia nvita tshidibo batula bua kukuluisha nʼatshi tshidi mua kuikala ne diakalengele; wewe neutuishe ludimi luonso ludibo babandisha bua kukubanda nʼalu mu tshilumbu. Ebu mbuhianyi bua badi bakuatshila Yehowa mudimu, ne eku nkubingishibua kuabo kudi kufuma kundi.

Yeshaya 61:10

Nentambe kusanka mu Yehowa, mutshima wanyi neutambe kusanka mu Nzambi wanyi; bualu bua yeye wakunduatshisha bivualu bia luhandu, wakumbuikila ne tshikowelu tshia buakane, bu mudi mubaki wa mukashi udilengesha ne nkata mulengele, ne bu mudi mukashi udi wamba kubuela mu dibaka udilengesha ne bilenga biandi.

Yirmeya 33:16

Mu matuku au nebasungile Bena Yuda, ne Bena Yelushalema nebashikame talalâ; ne edi ndina didibo bamuidika ne, Yehowa mBuakane Buetu.

Danyele 9:24

Bakukosela bantu bebe ne musoko webe wa tshijila mbingu makumi muanda mutekete, bua kumana ditomboka, bua kuvuisha nshikidilu wa malu mabi, bua kulengeshisha bahambuki kudi Nzambi, bua kubavuishila buakane budi bushala tshiendelele, bua kujadika tshikena kumona ne buprofete, ne bua kujidila muaba muhite tshijila.

Luke 24:44

Wakabambila ne, Â adi mei anyi anakanuambila hanakadi nʼenu, ne, Budibo nʼabu mbua kushikisha malu onso akafundabo bualu buanyi mu mikenshi ya Mose ne mu luseke lua baprofete ne mu misambu.

Yowanane 1:45

Filipo wakasangana Natanaele, wakamuambila ne, Tuakumona wakafunda Mose mu mikenshi, ne baprofete, Yesu wa ku Nazaleta, muana wa Yosefe.

Bienzedi 10:43

Baprofete bonso badi bamba bualu buandi ne, Muntu yonso wamuitabusha neangate dijimisha dia dibi mu dina diandi.

Bienzedi 15:11

Kadi tuetu tudi tuitabusha ne, Tudi tusungidibua ku ngasa wa Mukelenge Yesu muomumue nʼabo.

Bienzedi 26:22

Bualu bua nakaheta dikuatshisha dia kudi Nzambi, ndi muimane tô ne lelu eu, nmanyisha bakese ne banene, tshi ngamba manga malu, anu akambabo kudi baprofete ne kudi Mose ne, Alualua.

Bienzedi 28:23

Hakamusunguilabo dituku, bakalua ba bungi mu nsubu muandi; yeye wakabalondoluela malu, wakabayisha bua bukelenge bua Nzambi, wakateta bua kubitabushisha Yesu, ne ku mikenshi ya Mose ne ku mei a baprofete, dinda tô ne ku dilolo.

Rome 1:17

Bualu bua buakane bua Nzambi buakubuluibuamu ku ditabusha ne ku ditabusha; bu muakafundabo ne, Muntu muakane neikale ne muoyo ku ditabusha.

Rome 1:2

luakatulayeye diambedi kudi baprofete bandi mu mifundu ya tshijila,

Rome 16:26

kadi katataka buakamueneshibua mu mifundu ya baprofete bu mudi mukenshi wa Nzambi wa tshiendelele; buakumanyishibua ku bisamba bionso bua ditumikila diabo mu ditabusha.

Rome 3:28

Nunku tudi tuamba ne, Muntu udi ubingishibua ku ditabusha, kenku kuenza kua mikenshi.

Rome 5:19

Ne bu muakavuishibua ba bungi bantu babi bua buhidia bua muntu umue, nunku ba bungi nebavuishibue bantu bakane bua kutumikila kua muntu umue.

Rome 5:21

Bualu bua bu muakakokesha bubi bantu ku lufu, muomumue muamanya ngasa mua kukokesha bantu bua buakane ku muoyo wa tshiendelele kudi Yesu Kilisto Mukelenge wetu.

Rome 9:30

Ahu, netuambe tshinyi? Netuambe ne, Bantu ba bisamba bia bende, bakadi kabai balonda buakane, bakaheta buakane, buakane mene budi bua ku ditabusha.

1 Korente 1:30

Kadi bua bualu buandi nuenu nudi mu Kilisto Yesu, wakayuishibua meshi a kudi Nzambi kutudi: ne buakane ne bujidibu ne buhikudi.

2 Korente 3:9

Bualu bua bikala mudimu wa kuhisha bantu ne butumbi, mudimu wa kuvuisha buakane udi utamba butumbi.

2 Korente 5:21

Yeye nguakadi kai mumanye bubi, Nzambi wakamuvuisha bubi bua bualu buetu; bua tuetu tuikale buakane bua Nzambi munda muandi.

Ngalate 3:8

Bualu bua Mukanda wa Nzambi wakadianjila kumona ne, Nzambi neabingishe bantu ba bisamba bia bende ku ditabusha, wakadianjila kuambila Abalahama lumu luimpe ne, Bisamba bionso nebivudishibue disanka bua bualu buebe.

Ngalate 5:5

Tuetu, bualu bua Nyuma udi utukuatshisha, ku ditabusha tudi tuindila buakane butudi tutekemena,

Filipe 3:9

ne bua kunsanganabo munda muandi, tshi ne buakane buanyi budi bufume ku mikenshi, kadi ngikale ne buobu abu budi bua ditabusha dia mu Kilisto, buakane mene budi bufuma kudi Nzambi hangitabusha.

1 Petro 1:10

Bua luhandu elu baprofete bakakeba ne bakalukesha bikole, bamba bua ngasa wakadi ha kulua kunudi;

2 Petro 1:1

Simona Petelo, muhika ne mupostolo wa Yesu Kilisto kudi bantu bakuangata ditabusha dia mushinga mukole muomumue ne ditudi nʼadi mu buakane bua Nzambi wetu ne bua Musungidi Yesu Kilisto.