Rome 2:29 - Mukanda wa Nzambi Dihungila Dikulukulu ne Dihungila Dihia-dihia 2003

²⁹ Kadi yeye udi Muena Yuda bua malu adi munda muandi; ne ditengula didi dia mu mutshima didi mu nyuma, kadiena mu mikenshi mifunda; udi ne butumbi buandi kabui bufuma kudi bantu, kadi budi bufuma kudi Nzambi.

MUKANDA WA MYIDI MUKULU

²⁹ Kadi muena Yuda mulelela ke udi muena Yuda mundamunda muende, ke udibu bateke panshi mu muoyi wende. Mbamuteke nanku kudi Mueyelu wa Mvidi Mukulu, kabiyi bilondeshile mikenji mifunda nansha. Muena Yuda wa bushiwa awu neapete lumu luende kudi Mvidi Mukulu, ki nkudi bantu to.

Rome 2:29 교차 참조

1 Kulondolola 29:17

Nzambi wanyi, ndi mumanye kabidi ne wewe udi uteta mitshima ya bantu, udi usanka mu butoke bua mutshima. Meme nakudifidila bintu ebi bionso mu butoke bua mutshima wanyi; nakumona bantu bebe bonso badi kunoko badifidila bintu biabo ne disanka.

Misambu 45:13

Muana mukashi wa mukelenge udi ne butumbi buonso mu nsubu wa munda mua mbalasa wa mukelenge. Bilulu biandi bidi bitedibue ne buanda bua or.

Yirmeya 4:14

Wewe, Yelushalema, uvuwa mutshima webe ku malu mabi, bua wewe kusungidibua. Meji ebe mabi neashale munda muebe musangu bule bishi?

Yirmeya 4:4

Nuditengule bua kudijidila kudi Yehowa, numushe misoso ya ku mitshima yenu kabidi, nuenu bantu ba mu Yuda ne badi bashikame mu Yelushalema; bua tshiji tshianyi katshihatuki bu kahia, katshilu bu kahia kadi muntu kayi mua kujima, bualu bua bubi bua bienzedi bienu.

Yirmeya 9:25

Yehowa udi wamba ne, Monai, matuku nealue hanakengesha badi batengudibue ne ditengula didi kadiyi dilelela:

Luke 11:39

Mukelenge wakamuambila ne, Ahu nuenu Bafalese nutu nûvua ha nyima ba luhanza ne dilonga, kadi munda muenu mudi mûle tente ne bunyengi ne malu mabi.

Luke 17:21

kabena bamba kabidi ne, Kabuobu aha! Anyi, Kabuobu kuakua! Monai, bukelenge bua Nzambi budi munda muenu.

Yowanane 12:43

Kusua kuabo kua butumbi bua bantu kuakatamba kusua kuabo kua butumbi bua Nzambi.

Yowanane 4:23

Kadi diba nedilue, didiku katataka mene, ditendelela batendeledi balelela Nzambi mu nyuma ne mu bulelela; Tatu udi ukeba bantu ba nunku bamutendelela.

Yowanane 5:44

Nuenu, badi batumbishangana, badi kabai bakeba butumbi budi bufuma kudi Nzambi nkayandi, nudi bamanye mua kuitabusha munyi?

Rome 14:17

Bua bukelenge bua Nzambi kabuena bualu bua kudia ne bua kunua, kadi mbua buakane ne ditalala ne disanka bia mu Nyuma Muimpe.

Rome 2:27

Udi kai mutengula bu mu tshilele, bienzeye mikenshi, kena ukuhisha wewe, udi mushihi wa mikenshi ne mei a mikenshi ne ditengula, anyi?

Rome 3:1

Nunku ditamba kai didi Muena Yuda nʼadi, anyi dikuatshisha dia ditengula didi ku tshinyi?

Rome 7:6

Kadi katataka tuakamana kumushibua ku mikenshi hatuakafua ku muanda utuakadi basuikamu; nunku tudi tukuatshila Nzambi mudimu mu malu mahia-mahia a Nyuma, katuena tumukuatshilau mu malu makulukulu a maleta a mikenshi.

1 Korente 4:5

Nunku nulekele kulumbulula malu ku mpala kua tshikondo atshi, tô ne halua Mukelenge, neasokolole biandi malu masokoka a midima hatoke, neamueneshe biandi meshi a mu mitshima; hashishe butumbi bua kudi Nzambi nebuikale kudi muntu ne muntu.

1 Korente 7:19

Kuikala mutengula kakuena bualu; kuikala kai mutengula kakuena bualu; kadi anu kutumikila kua mikenshi ya Nzambi kudi bualu bunene.

2 Korente 10:18

Kenyeye udi udianyisha udi witabushibua, kadi yeye udi Mukelenge wanyisha.

2 Korente 3:6

yeye wakatukumbasha kabidi bu bena mudimu ba dihungila dihia-dihia; kendia maleta a mikenshi mafunda, kadi dia nyuma: bualu bua maleta mafunda adi avuisha lufu, kadi nyuma udi uvuisha muoyo.

Dielulula 10:16

Nuditengule mu mitshima yenu, kanuikadi bantu ba tshitshu kabidi.

Dielulula 30:6

Yehowa, Nzambi wenu, neanutengule mu mitshima yenu ne ya bana benu, bua nuenu kunanga Yehowa, Nzambi wenu, ne mitshima yenu yonso ne mioyo yenu yonso, bua nuenu kuikala ne muoyo.

Filipe 3:3

Bualu bua tuetu tudi batengula badi batendelela ku Nyuma wa Nzambi ne badi batumbila mu Kilisto Yesu, ne badi kabai ne dieyemena dia malu a mubidi,

1 Tesalonike 2:4

kadi bu muakatujadikabo kudi Nzambi bila kutekeye lumu luimpe mu bianza bietu, ke mutudi tuamba; kembu mutudi tusankisha bantu, kadi bu mutudi tusankisha Nzambi udi uteta mitshima yetu ne idi mimpe.

1 Petro 3:4

kadi dikale dia muntu musokoma wa mu mutshima, mu bivualu bidi kabi binyanguka bia mutshima wa kalolo ne ditalala, bidi bia mushinga mukole ku mesu kua Nzambi.

1 Samuele 16:7

Kadi Yehowa wakambila Samuele ne, Kutangidi mpala wandi, anyi bule buandi, bualu bua meme nakamuhidia; Yehowa kena utangila bu mudi bantu batangila, bualu bua bantu badi batangila anu mubidi, kadi Yehowa udi utangila mu mutshima.