Rome 15:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Nzambi wa ditekemena anûshe tente ne disanka ne ditalala dia mu ditabusha dienu, bua nuenu nukumbane mu ditekemena mu bukole bua Nyuma Muimpe.

MUKANDA WA MYIDI MUKULU

¹³ Bu munudi nuitaba Mvidi Mukulu, udi utupa ditekemena, anuwuje kabidi ne disanka, kabidi ne bupole tshishiki, bua ditekemena dienu diye amu kumpala ku bukole bua Mueyelu wa Tshijila.

Rome 15:13 교차 참조

Yeshaya 55:12

Bualu bua nenduhuke ne disanka, nebanulombole ne ditalala; mikuna minene ne mikuna mikese neyibishe mei ai mu kuimba kua misambu ku mpala kuenu; mitshi yonso ya mu mpata neyitutakashe bianza.

Yirmeya 14:8

Wewe ditekemena dia Bena Isalele, Musungidi wabo mu tshikondo tshia dikenga; wewe ukadi kutudi bu muenyi wa mu buloba ebu, bu muena luendu udi utula bua kulaleye anu butuku bumue bua tshinyi?

Yowele 3:16

Yehowa udi wela dî diandi dikole difume ku Siona, udi wela dî diandi bu mukungulu wa nvula difume ku Yelushalema; diulu ne buloba bidi bikanka. Kadi Yehowa udi tshinyemenu kudi bantu bandi, udi bu musoko wa ngumbu kudi Bena Isalele.

Yowanane 14:1

Mitshima yenu kaizakadi; nuitabushe Nzambi, nungitabushe meme kabidi.

Yowanane 14:27

Ndi nushila ditalala, ndi nuha ditalala dianyi; tshiena nuhadi bu mudi ba ha buloba banuhadi. Mitshima yenu kaizakadi, kaitshinyi.

Rome 12:12

Nusanke mu ditekemena dienu, nuikale ne ditantamana mu makenga; nunanukile mu kutendelela.

Rome 14:17

Bua bukelenge bua Nzambi kabuena bualu bua kudia ne bua kunua, kadi mbua buakane ne ditalala ne disanka bia mu Nyuma Muimpe.

Rome 15:19

mu bukole bua bimanyinu ne bua malu a kukema ne mu bukole bua Nyuma Muimpe. Nunku nakuvudisha kuamba kuanyi kua lumu luimpe lua Kilisto ku Yelushalema ne ku nseke idi miunyunguluke tô ne ku Iluliko.

Rome 15:5

Nzambi wa ditantamana ne wa busambi anuhe bualu ebu mene,—bua kuikalangana ne meshi amue bu mudi Kilisto Yesu,

1 Korente 2:4

Dî dianyi ne kuamba kuanyi kabiakadi mu mei a meshi a kuitabushisha nʼau bantu, kadi biakadi mu dimuenesha dia Nyuma Muimpe ne dia bukole;

2 Korente 9:8

Nzambi udi mumanye mua kukumbasha ngasa yonso kunudi; bua nuenu, bua misangu yonso nudi ne dikumbana dionso mu muanda wonso, nukumbane mu mudimu muimpe wonso;

Ngalate 5:22

Kadi mamuma a Nyuma adi dinanga, disanka, ditalala, lutulu, luse, buimpe, bunanukidi bua lulamatu,

Efeze 1:2

ngasa kunudi ne ditalala bia kudi Nzambi Tatu wetu ne kudi Mukelenge Yesu Kilisto.

1 Tesalonike 1:5

bualu bua lumu luimpe lutudi tuamba kaluakalua kunudi anu mu dî nkayadi, kadi luakalua mu bukole ne mu Nyuma Muimpe ne mu kumanya kujalama; bu munudi bamanye mushindu wa bantu utuakadivuisha munkatshi muenu bua bualu buenu.

1 Timote 1:1

Paulo, mupostolo wa Kilisto Yesu bu mudi mukenshi wa Nzambi Musungidi wetu, ne wa Kilisto Yesu ditekemena dietu,

Ebrewu 6:11

Tudi basue muntu ne muntu wa munkatshi muenu aleshe disuminyina diodiumue bua kuheta tshiuwidi tshia ditekemena tô ne kunshikidilu;

1 Petro 1:8

Yeye, unuakadi kanui batangile ku mesu, nyeye unudi nunanga; kadi nudi numuitabusha, kanui numutangila katataka, ne nudi nusanka bikole ne disanka didi hadi mua kuambibua ne didi diûle tente ne butumbi;

1 Samuele 1:18

Yeye wakamba ne, Witabushe bua muntu webe mukashi asangane luse ku mesu kuebe. Nunku mukashi wakabika, wakaya mu nshila wandi, wakadia bidia; mutshima wandi kawakadi unyingalala kabidi.