Rome 12:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ anyi, bituikala ne mudimu wa mukuatshishi, tuenze mudimu wetu bimpe; ne udi uyisha alamate kudi buyishi buandi.

MUKANDA WA MYIDI MUKULU

⁷ Pikala mukuabu ne dipa dia kuambuluisha bantu, abambuluishe. Udi ne dipa dia kulongesha, udi ne bua kulongesha.

Rome 12:7 교차 참조

Misambu 34:11

Luai bienu, nuenu bana banyi ba balume, telejai matshu enu kundi; nennuyishe mudi ditshina dia Yehowa.

Misambu 51:13

Hashishe, nenyishe badi bahambuke nshila yebe, ne bantu babi nebahingane kûdi.

Muambi 12:9

Bualu bukuabo, Muambi wakadi ne meji, yeye wakayisha bantu lungenyi; bulelela, yeye wakelangana meji, wakakebakeba ne wakalondolola nsumuinu ya bungi.

Yeshaya 21:8

Ka yeye au wakadila bu nyama wa ntambue ne, Mukelenge, ndi ngimana nusangu yonso ha mutu ha tshibumba tshia nsentedi mu diba dia munya, ne badi banteka mu muaba wanyi wa butentekedi bufuku, ku dituku ku dituku.

Matayi 28:19

Bualu bua meme ndi ne bukokeshi ebu, yai bienu, nuvuishe ba bisamba bionso bayidi, nubabatize mu dina dia Tatu ne mu dia Muana ne mu dia Nyuma Muimpe;

Yowanane 3:2

yeye wakalua kudi Yesu butuku, wakamuambila ne, Labi, tudi bamanye ne, Wewe udi muyishi mufume kudi Nzambi, bualu bua kakuena muntu udi mumanye mua kuenza bimanyinu ebi biudi wenza, bikala Nzambi kai nʼandi.

Bienzedi 13:1

Munkatshi mua bena ekelesia ba mu Antiokia muakadi baprofete ne bayishi, mena abo akadi Bânaba, ne Shimeona muidika ne, Nigê, ne Lukio wa ku Kulene, ne Manaene wakakola ne muloho Helode, ne Shaula.

Bienzedi 20:20

Nudi bamanye ne, Tshiakatshina bua kunuambila malu onso akamanya mua kunukuatshisha ne bua kunuyisha hadi bantu bunguile, ne ku nsubu ne ku nsubu,

Bienzedi 20:28

Nuditangile bienu bimpe, ne tshisumbu tshionso tshiakanutekelabo batangidi kudi Nyuma Muimpe, nudishe ekelesia wa Mukelenge wakasumbeye ku mashi andi.

Bienzedi 6:1

Mu matuku â, hakadi bayidi bakumbane ba bungi, Bena Yuda bakadi bakula muaku wa Bena Gelika bakajiana Bena Ebelu ne, Ha kuabanyangana kua bintu ku dituku ku dituku, badi bahua muoyo bua bakashi betu ba mu lufuila.

1 Korente 12:28

Ne Nzambi wakateka bakuabo mu ekelesia: ba kumudilu bapostolo, bibidi baprofete, bisatu bayishi, hashishe, malu a kukema, ne bihedi bia kuondaha, ne bakuatshishi, ne bakokeshi ba bantu bandi, ne lungenyi lua kuakula miaku ya bungi.

1 Korente 12:5

Mishindu ya midimu idiku kabidi, kadi Mukelenge udi anu muomumue.

1 Korente 14:26

Nunku ntshinyi, bana betu? Hanuadisangisha, muntu ne muntu udi ne musambu, udi ne diyisha, udi ne bualu buakabuluibua kudiye, udi ne muaku udibo kabai bamanye, udi ne kujingulula kua muaku. Malu onso enjibue bua kunudiundisha.

Ngalate 6:6

Muntu udi uyishibua bualu bua Nzambi akuatshishe muyishi wandi ne bintu bimpe bionso.

Efeze 4:11

Wakaha bakuabo bua kuikala bapostolo, ne bakuabo bua kuikala baprofete, ne bakuabo bua kuikala batangadiki, ne bakuabo bua kuikala bampasata, ne bakuabo bua kuikala bayishi;

Dielulula 33:10

Bobo nebayishe bana ba Yakoba mei ebe, ne Bena Isalele mikenji yebe; nebateke musenga wa manananshi ku mpala kuebe, ne milambu ya kuosha ha kahia ha tshioshelu tshiebe.

Kolose 4:17

Nuambile Âkipo kabidi ne, Udimuke bua mudimu uwakangata mu Mukelenge, bua wewe ûshikishe.

1 Timote 2:7

Bua bualu ebu nakatekibua muambi ne mupostolo (ndi ngamba dî dilelela, tshiena nshima nasha) muyishi wa ba bisamba bia bende mu ditabusha ne mu malu malelela.

1 Timote 3:2

Nunku budi mukulu-mutangidi nʼabu mbua kuikala kai ne bilumbu; ikale biandi muena mukashi umue; ikale biandi muena meshi mahola ne buhuekele; amanye mua kulongolola malu andi bimpe; ikale musankididi wa benyi; ikale muakane wa kuyisha bakuabo.

1 Timote 4:16

Wikale mudimuke ku malu ebe ne ku diyisha diebe. Unanukile kushala mu malu â; bua bawenza nunku, neudisungile wewe ne bobo kabidi badi bunvue mei ebe.

1 Timote 5:17

Bakulu badi bakokesha bimpe babadibue habo bakanangane ne bua kunemeshibua tshiakabidi, kadi batambe kunemeka bobo badi benza mudimu mukole wa kuamba ne wa kuyisha dt dia Nzambi.

2 Timote 2:2

Malu awakunvua kundi munkatshi mua bamanyi ba bungi, malu â wafile kudi bantu badi mua kueyemenyibua, balua kukumbana mua kuyisha bakuabo kabidi.

2 Timote 2:24

Muhika wa Mukelenge kena ne bua kutandangana, kadi ikale biandi ne kalolo kudi bantu bonso, ikale muakane mua kuyisha bantu, ikale ne lutulu;

2 Timote 4:2

Ambila bantu dî dia Nzambi mene; nanukila kubambila misangu miakane ne misangu idi kayi miakane; ubakande ku malu abo, ubabele, ubasengelele ne lutulu luonso ne diyisha.

1 Samuele 12:23

Bua bualu buanyi, tshiena ngitabusha bua kuenzela Yehowa bibi bua kulekela kunulombela Nzambi; kadi meme nennuleshe nshila muimpe ne muakane.