Rome 12:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Bualu bua tudi ne bihedi bitahuluka bu mudi ngasa wakatuhabo, bitu ikala ne mudimu wa buambi, tuambe bietu bu mudi tshidikishilu tshia ditabusha dietu;

MUKANDA WA MYIDI MUKULU

⁶ Tudi ne mapa mashilangane. Tukuate nawu mudimu, bilondeshile bivua Mvidi Mukulu mupeshe muntu yonsu amu patupu ku luse luende. Padi muntu wa kutudi ne dipa dia kuambila bantu malu adi Mvidi Mukulu umumanyisha, udi ne bua kuenza nanku, bilondeshile ditaba didiye nadi.

Rome 12:6 교차 참조

Matayi 23:34

Meme ndi nutumina baprofete ne bena meshi ne bafundi: nuenu nenushihe bakuabo tshianana, bakuabo ha mitshi mitshiamakane; nenukume bakuabo mu nsunagoga yenu, nenubalonde bua kubakengesha ku musoko ne ku musoko;

Matayi 25:22

Wakadi muangate ntalanta ibidi wakalua, wakamba ne, Mukelenge, wewe wakampa ntalanta ibidi, mona, nakuheta minga ibidi.

Luke 11:49

Ebu mbuakamba lungenyi lua Nzambi kabidi ne, Nembatumine baprofete ne bapostolo; nebashihe bakuabo, nebabakengeshe;

Bienzedi 13:1

Munkatshi mua bena ekelesia ba mu Antiokia muakadi baprofete ne bayishi, mena abo akadi Bânaba, ne Shimeona muidika ne, Nigê, ne Lukio wa ku Kulene, ne Manaene wakakola ne muloho Helode, ne Shaula.

Bienzedi 15:32

Bualu bua Yuda ne Sila bakadi baprofete, bakambila bantu mei a bungi, bakakolesha mitshima yabo.

Bienzedi 2:17

Nzambi udi wamba ne, Halua matuku a kunshikidilu, Nengitshikishile bantu bonso Nyuma wanyi, Bana benu balume ne bana benu bakashi nebambe malu adi kâi manze kulua, Bansongalume benu nebamone bikena kumona, Bakulumpe benu nebalote bilota,

Bienzedi 21:9

Yeye wakadi ne bana bakashi banai bakatshidi tumama, bakadi bamba malu akadi kâi manze kulua.

Rome 1:11

Bualu bua udi njinga bua kunumona bua kunuhesha kuha kukuabo kua Nyuma, bua nuenu nujadikibue.

Rome 12:3

Bua ndi ngambila muntu yonso udi munkatshi muenu, ku ngasa wakumpabo ne, Katambi kudielangana meshi mahite adiye ne bua kuela, kadi bua kuela meshi ne meshi adi malulame, bu mudi Nzambi muidikishile muntu yonso tshidikishilu tshia ditabusha.

1 Korente 12:18

Kadi katataka Nzambi wakalongolola bituha mu mubidi, tshituha ne tshituha, bu muakasueye.

1 Korente 13:2

Ne bingikala ne tshihedi tshia kuambila bantu dî dia Nzambi, ne binamanya malu onso atshidi masokoka ne lungenyi luonso, ne bingikala ne ditabusha dionso dindi mua kumusha nʼadi mikuna, kadi bingikala tshi ne luse, ndi tshianana.

1 Korente 14:1

Nulonde luse, nanukilai kukeba bihedi bia Nyuma, kadi nulambe kubikeba bua nuenu mimanye mua kuambila bantu dî dia Nzambi.

1 Korente 14:24

Kadi biamba buonso buabo dî dia Nzambi, ne biabuela muntu udi kai muena ditabusha anyi udi kai mumanye miaku, yeye udi ubedibua kudi buonso buabo, udi ulumbuluishibua kudi buonso buabo;

1 Korente 14:29

Baprofete babidi anyi basatu bakule, ne bakuabo bajingulule mei abo.

1 Korente 3:5

Nunku Apolo udi bu tshinyi? Paulo udi bu tshinyi? Badi bakuatshi ba mudimu ne nuenu nuakitabusha bua bualu buabo, bu muakabaha Mukelenge bukole muntu ne muntu.

1 Korente 7:7

Kadi nakadi kusua balume bonso bikale bu meme. Kadi muntu ne muntu udi ne tshihedi tshiandi kudi Nzambi, mukuabo nunku mukuabo nunku.

2 Korente 8:12

Bikala kudilongolola kudiku, bidi bitabushibua bu mudi muntu nʼabi, kembu mudiye kai nʼabi.

Efeze 3:5

kabuakadi bumanyishibua bukua bantu mu bikondo bikuabo, kadi katataka buakabuluidibua bapostolo bandi ba tshijila ne baprofete mu Nyuma Muimpe;

Efeze 4:11

Wakaha bakuabo bua kuikala bapostolo, ne bakuabo bua kuikala baprofete, ne bakuabo bua kuikala batangadiki, ne bakuabo bua kuikala bampasata, ne bakuabo bua kuikala bayishi;

Filipe 3:15

Nunku buonso buetu bakamana kukola mu bualu bua Nzambi tuikale ne meshi momumue; ne binuikala ne meshi makuabo mu bualu bukuabo, Nzambi neanubuluile bualu ebu kabidi;

1 Tesalonike 5:20

Kanuhetudi mayisha a baprofete.

2 Petro 1:20

numanye bualu ebu diambedi ne, Kakuena diyisha dia baprofete dia mu Mukanda wa Nzambi didi difuma ku dijingulula dia muntu.