Rome 11:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Bua bikala Nzambi kai mubange kuahula matamba malelela, kena ubenga kuahula wewe kabidi.

MUKANDA WA MYIDI MUKULU

²¹ Bualu pavua Mvidi Mukulu mukose bena Yuda, matamba avua muaba wawu ku mutshi wa olive uvuabu bakune mu budimi, kena mua kukukosa ne wewe kabidi anyi?

Rome 11:21 교차 참조

Yirmeya 25:29

Bualu bua, monai, ndi mbanga kukengesha musoko eu udibo binyika dina dianyi, ne nuenu nenuhange kukengeshibua, anyi? Yehowa wa misumba udi wamba ne, Kanuena nuhanga kukengeshibua; bualu bua nembikile muele wa nvita bua kutaha nʼau bonso ba ha buloba.

Yirmeya 49:12

Bua Yehowa udi wamba ne, Mona, bikala badi kabayi bahile ne bua kunua luhanza, wewe neuhanduke kuyi mulengeshibue, anyi? Kuena uhanduka kabayi bakakengesha, kadi neunue luhanza bulelela.

Rome 11:17

Bikala matamba makuabo akuahudibua, ne wewe, mutshi wa oleve wa tshisuku wakalamakashibua munkatshi muau, ne wakalua muangatshi nʼau wa bukole bua muji wa mafuta wa mutshi muimpe wa oleve;

Rome 11:19

Nunku newambe ne, Bakuahula matamba bua meme kulamakashibuamu.

Rome 11:20

Bimpe; bakuâhula bua huhidia buau, kadi wewe udi ujalamamu bua ditabusha diebe. Kuedi meshi a kudilesha, kadi utshine biebe.

Rome 11:22

Ka, mona buimpe ne mutshima mukole bia Nzambi,—mutshima mukole kudi bakahona, ne buimpe bua Nzambi kudi wewe, biwananukila mu buimpe buandi; kadi biwahanga kunanukila, wewe neukoshibue kabidi.

Rome 8:32

Yeye kakimina Muana wandi mene, kadi wakamufila bua buonso buetu, munyi muahidieye kutuha nʼandi kabidi bintu bionso hatuhu?

Yuda 1:5

Nasha nuenu bamanye malu onso musangu umue tshiendelele, ndi musue kunuvuluishau kabidi ne, Mukelenge mumane kusungila bantu bandi mu buloba bua Ejipitu, ku nyima yeye wakashiha bantu bakadi kabai ne ditabusha.