Rome 10:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Kadi bua Bena Isalele udi wamba ne, Dituku dijima nakolola bianza bianyi kudi bantu badi ne buhidia ne butontolodi.

MUKANDA WA MYIDI MUKULU

²¹ Kadi bua bena Izrayele, muaba mukuabu mbafunde ne: “Dituku dijima mvua muolole bianza kudi bantu bavua bambenga, bantombokela.”

Rome 10:21 교차 참조

Nehemya 9:26

Kadi kabakatumikila dî diebe, bakakutombokela, bakakema mikenji yebe nyima, bakashiha baprofete bebe bakasua kubabela bua kukudimusha mitshima yabo kûdi kabidi; bakakutatshisha ne ntatu mikole.

Nsumuinu 1:24

Bualu bua nakunubikila, ne nuenu nuakuhidia kunvua. Nakuolola tshianza tshianyi, kakuakadi muntu wakuitaba.

Yirmeya 25:4

Yehowa wakunutumina bantu bandi bonso, baprofete mene, ujuka biandi ne lunkelu bua kubatumina kunudi, kadi kanuakumi, kanuakuteleja matshu enu bua kunvua mei abo.

Yirmeya 35:15

Nakunutumina kabidi bena mudimu banyi honso, baprofete mene, mbika ne lunkelu bua kubatuma kunudi bua kunuambila ne, Muntu yonso alekele kuenda mu nshila wandi mubi, alongolole bienzedi biandi, kalondi nzambi mikuabo bua kuyikuatshila mudimu, bua nushikame mu buloba bunakanuha nuenu ne batatu benu. Kadi kanuakuteleja matshu enu kundi, kanuakungunvuila.

Yirmeya 35:17

nunku Yehowa, Nzambi wa misumba, Nzambi wa Isalele, udi wamba ne, Monai, nentumine Bena Yuda ne bantu bonso ba mu Yelushalema makenga onso anakubambila; bualu bua nakubambila dî, ne kabena bunvua, nakubabikila, ne kabena bitabe.

Luke 24:47

mbimpe kabidi bia kuambilabo bisamba bionso bualu bua kukudimuna kua mitshima ne bua kujimishibua kua mibi yabo mu dina diandi, babangile ku Yelushalema.

Dielulula 31:27

Bualu bua meme ndi mumanye kutomboka kuenu ne tshitshu tshienu: monai, hantshidi ne muoyo munkatshi muenu lelu, nuakumana kutombokela Yehowa; nenutambe kutomboka ku nyima kua lufu luanyi!

Dielulula 9:13

Yehowa wakangambila kabidi ne, Nakatangila bantu aba ne mona, badi bantu ba tshitshu;

1 Tesalonike 2:16

badi batukanda bua tuetu katuakudi ne ba bisamba bia bende bua bobo basungidibue; nunku bobo badi bakumbasha mibi yabo misangu yonso; kadi hashishe tshishi tshiakafika kudibo.

1 Petro 2:8

ne dibue dia kukumabo dikasa, ne mutunda wa dibue wa kubalenduisha: bobo badi balenduka ku dî dia Nzambi bualu bua buhidia buabo; bakatekibua ku bualu ebu kabidi.