Rome 1:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Bualu bua kumudilu, udi nsakidila Nzambi wanyi mu Yesu Kilisto bua buonso buenu, bualu bua ditabusha dienu didi dimanyishibue ba buloba buonso.

MUKANDA WA MYIDI MUKULU

⁸ Bangabanga ndi ngela Mvidi Mukulu tuasakidila, mu dina dia Yezu Kristu, bualu buenu bonsu. Bualu mu buloba bujima badi bayukila bua ditaba dienu.

Rome 1:8 교차 참조

Matayi 24:14

Nebambile bantu bonso ba ha buloba lumu luimpe elu lua bukelenge buanyi, neluikale tshimanyishilu ku bisamba bionso; hashishe, nshikidilu nealue.

Luke 2:1

Mu matuku au Kaisa Augusto wakela mukenshi ne, Bafundishe mena a ba ha buloba bonso.

Bienzedi 11:28

Mukuabo, dina diandi Agabo, wakabika biandi, Nyuma mumane kumumanyisha, wakamba ne, Tshiole tshinene netshilue ha buloba buonso. Bulelela, tshiakalua hakadi Kulaudio mu bukelenge.

Bienzedi 28:22

Tudi basue kunvua bualu bûdi wela meshi; bualu bua tshisumbu etshi, tudi bamanye ne, Badi batshibanda kuonso.

Rome 10:18

Kadi ndi ngamba ne, Kabakunvua, anyi? E, bulelela, bakunvua, ne, Dî diabo diakamuangalaka ha buloba buonso, Ne mei abo akambibua kunfudilu kua buloba.

Rome 16:19

Bua lumu lua ditumikila dienu luakafika kudi bantu bonso. Nunku ndi nsanka bua bualu buenu, kadi ndi musue nuenu nuikale bena meshi ku malu mimpe ne badi ne mitshima mitoke ku malu mabi.

Rome 6:17

Tuasakidila kudi Nzambi, ne, Nuenu nuakadi bahika ba bubi, kadi nuakatumikila mu mitshima yenu mushindu wa diyisha diakanubueshabomu.

1 Korente 1:4

Ndi nsakidila Nzambi misangu yonso bua bualu buenu, bua ngasa wa Nzambi wakanuhebua mu Kilisto Yesu,

2 Korente 2:14

Kadi tuasakidila kudi Nzambi udi utulombola misangu yonso bu bantu batambibue mu Kilisto, udi ununkishila dihembu dia lungenyi luandi mu bianza bietu ku miaba yonso.

Efeze 1:15

Bua muanda eu meme kabidi, hanakunvua lumu lua ditabusha dia mu Mukelenge Yesu didi munkatshi muenu, ne lua dinanga dinudi nulesha basanto bonso,

Efeze 1:16

tshiena ndekela kusakidila Nzambi bua bualu buenu, ntu ngatela mena enu mu kutendelela kuanyi,

Efeze 3:21

butumbi buikale kudiye mu ekelesia ne mu Kilisto Yesu tô: bikondo ne bikondo tshiendelele. Amen.

Efeze 5:20

Misangu yonso nusakidile Nzambi Tatu bua bintu bionso mu dina dia Mukelenge wetu Yesu Kilisto.

Filipe 1:11

ne bua nuenu nûshibue tente ne mamuma a buakane adi afuma kudi Yesu Kilisto bua butumbi ne kutumbishibua bia Nzambi.

Filipe 1:3

Ndi nsakidila Nzambi wanyi bua dinuvuluka dianyi dionso;

Kolose 1:3

Tudi tusakidila Nzambi, Tatu wa Mukelenge wetu Yesu Kilisto, tudi tunulombela Nzambi misangu yonso.

1 Tesalonike 1:2

Tudi tusakidila Nzambi misangu yonso bua buonso buenu tutela mena enu mu milombu yetu,

1 Tesalonike 2:13

Bua muanda eu kabidi katuena tulekela kusakidila Nzambi ne, Hanuakangata dî dinuakunvua kutudi, dia Nzambi mene, nuakaditabusha, kembu dî dia bantu, kadi bu mudidi bushua, dî dia Nzambi mene, didi dienzesha munda muenu badi bitabusha.

2 Tesalonike 1:3

Bana betu, butudi nʼabu mbua kusakidila Nzambi misangu yonso bua bualu buenu, bu mudibu buakane, bua ditabusha dienu didi ditamba kudiunda, ne dinanga dia buonso buenu muntu ne muntu dinudi nunangangana nʼadi didi divulangana;

2 Timote 1:3

Ndi nsakidila Nzambi, undi nkuatshila mudimu mu muoyo-mukese mutoke, bu muakenza bankambua banyi, mundi nkuvuluka tshi ne ndekelu mu kulomba kuanyi, butuku ne munya

Filemone 1:4

Ndi nsakidila Nzambi misangu yonso, ntela dina diebe mu milombu yanyi;

Ebrewu 13:15

Nunku bua bualu buandi, tufilafile kudi Nzambi mulambu wa kumutumbisha nʼau, udi biau mamuma a mishiku idi ijukula ditabusha dia dina diandi.

1 Petro 2:5

nunku nuenu kabidi, bu mabue adi ne muoyo, nuakashibua nsubu wa Nyuma, bua kuikala bakuidi ba tshijila; bua nuenu kufila milambu idi ya nyuma mitabushibue kudi Nzambi bualu bua Yesu Kilisto.

1 Petro 4:11

Biakula muntu, akule mei bu mudiu mamba kudi Nzambi; biakuata muntu mudimu, enze bu mudi bukole buakamuha Nzambi; enze biandi bua Nzambi atumbishibue mu malu onso bua Yesu Kilisto; kudiye kuikale butumbi ne bukokeshi tô ne ku bikondo bia bikondo. Amen.