Rome 1:30 - Mukanda wa Nzambi Dihungila Dikulukulu ne Dihungila Dihia-dihia 2003

³⁰ bena bunsonge, bena lukuna ne Nzambi, bena dikamakama, badisu, bafunyifunyi, babangi ba malu mabi mahia-mahia, bahidi ba mei a baledi babo,

MUKANDA WA MYIDI MUKULU

³⁰ bajanangana; badi bakina Mvidi Mukulu, baleja dikamakama, baditambisha, baditemba. Badi bela meji ku malu mabi mapiamapia adibu mua kuenza. Badi batombokela baledi babu.

Rome 1:30 교차 참조

1 Bakalenga 20:11

Mukelenge wa Isalele wakamukudimuna ne, Numuambile ne, Muntu udi uluata bintu bia nvita kadifunyishi bu muntu udi ubivula.

2 Kulondolola 19:2

Yehu, muana wa Hanani, mumonyi wa malu a Nzambi, wakaya kusangakena nʼandi, wakambila mukelenge Yehoshafata ne, Bûdi nʼabu mbua kukuatshisha bantu babi ne bua kunanga badi ne Yehowa lukuna, anyi? Bua bualu ebu Yehowa wakakulesha tshiji tshiandi.

2 Kulondolola 25:19

Wewe udi wamba ne, Meme nakashiha Bena Edome; udi unanga tshiadi tshiebe bua kufunafuna; anji kushala kuebe. Bualu kai udi udibuesha mu malu a bakuabo bua kudikengesha ne bua kudilenduisha nʼau, wewe ne Bena Yuda?

Misambu 10:3

Bualu bua muntu mubi udi ufunafuna bua malu adi mutshima wandi musue, munyengi wa bintu udi uhenda Yehowa ne udi umuhetula.

Misambu 106:39

Nunku bakadibihisha ku bienzedi biakenzabo, bakalonda malu a masandi mu bienzedi biabo.

Misambu 49:6

Mbantu badi beyemena luhetu luabo, badi baditumbisha bua bungi bua biuma biabo.

Misambu 5:5

Bantu badi bafunafuna kabena bamanye mua kuimana ku mesu kuebe. Wewe udi ne benji ba malu mabi bonso lukuna.

Misambu 52:1

Wewe, muena tshinyangu mukole, udi ufuna bulobo mu malu mabi ebe bua tshinyi? Luse lujalame lua Nzambi ludiku matuku onso.

Misambu 81:15

Badi ne Yehowa lukuna bakadi kulua kumukokela ne lubombo, kadi tshikondo tshia Bena Isalele tshiakadi kuleha to ne kashidi.

Misambu 94:4

Badi bavudisha mei abo, badi bamba mei a diambu; benji ba malu mabi bonso badi baditumbisha.

Misambu 97:7

Bonso badi bakuatshila mpingu misonga mudimu bafuishibue bundu ku mesu, badi baditumbisha bua mpingu. Kukuilai bienu Yehowa, nuenu nzambi ya hatuhu.

Misambu 99:8

Yehowa Nzambi wetu, wewe wakitaba kudibo; wakadi Nzambi wakababuikidila mihi yabo, kadi wakadisombuela bualu bua bienzedi biabo bibi.

Nsumuinu 24:8

Udi uhangidisha bua kuenza malu mabi, nebamubikile ne, Muena tshinvundu.

Nsumuinu 25:23

Luhehele lua ku nôde ludi lulua ne nvula; ludimi lua bunsonge ludi luvuisha mpala munyenge.

Nsumuinu 30:17

Disu dia muntu udi useka tatu, ne udi uhetula ditumikila dia mamu,— nyunyu ya bikololo bia mu tshibanda nebiditue minu, nebiditule, ne bana ba nyunyu itu yadia bintu bibole nebadidie.

Nsumuinu 8:36

Kadi wahanga kunsangana udi wenzela muoyo wandi bibi; bonso badi bankina badi bananga lufu.

Muambi 7:29

Nakasangana anu bualu ebu bumue ne, Nzambi wakafuka bantu ne mitshima mijalame, kadi bobo bakadikebela malu a ngenyi yabo.

Yezekiyele 14:5

bua meme mmanye mua kukuata ba mu tshisamba tshia Bena Isalele mu nkuka ya mu mitshima yabo, bualu bua buonso buabo bakalua kundi bu bantu ba bende bualu bua mpingu yabo.

Yezekiyele 22:7

Ba munkatshi muenu bakuhetula batatu ne bamamu; ba munkatshi muenu bakukengesha muntu wa bende; ba munkatshi muenu bakuenzela bana ba nshiya ne bakashi ba na lufuila bibi.

Dibadika 10:35

Hakaya mushete ku mpala, Mose wakamba ne, Yehowa, bika biebe, bantu badi nʼebe lukuna batangadishibue, bantu badi nʼebe tshiji banyeme ku mesu kuebe.

Matayi 15:4

Nzambi wakamba ne, Unemeke tatuʼebe ne mamuʼebe; yeye wakamba kabidi ne, Udi wamba mei mabi bua tatuʼandi anyi mamuʼandi afue biandi bulelela.

Matayi 16:21

Ku tshikondo atshi Yesu wakabanga kulesha bayidi bandi ne, Bundi nʼabu mbua kuya ku Yelushalema, ne bua kukengeshibua makenga a bungi kudi bakulu ne kudi bakuidi banene ba Nzambi ne kudi bafundi, ne bua kushihibua, ne bua kubishibua hahita matuku asatu.

Luke 21:16

Nebanutungile tshitungu kudi baledi benu mene ne bana benu ne ba tshiota tshienu ne balunda benu; nebashihe bakuabo benu.

Yowanane 7:7

Ba ha buloba kabena bamanye mua kuikala nʼenu lukuna; kadi badi nʼanyi lukuna, bualu bua ndi mbamba ne, Malu adibo benza nmabi.

Bienzedi 5:36

Bualu bua ku mpala kua matuku â Teuda wakabika biandi, wakamba ne, Meme ndi muntu munene; bantu bu nkama inai bakadisangisha nʼandi; kadi yeye wakashihebua; bonso bakadi bamutumikila bakatangadishibua, bualu buabo buakalua tshianana.

Rome 2:17

Kadi biwikala muidike ne, Muena Yuda, udi weyemena mikenshi, udi uditumbisha bua Nzambi,

Rome 2:23

Wewe udi uditumbisha bua mikenshi, udi ufuisha Nzambi bundu bua bushihi buebe bua mikenshi, anyi?

Rome 3:27

Nunku kuditumbisha kudi hanyi? Kuakûmushibua. Ku mukenshi wa mushindu kai? Ngua bienzedi, anyi? Nasha, kadi anu ku mukenshi wa ditabusha.

2 Korente 10:15

Katuakahita luelekeshi lua kutumba kuetu bua mudimu wa bakuabo; kadi tudi tutekemena ne, Bu mudi ditabusha dienu didiundisha, tuetu netutumbishibue munkatshi muenu bu mudi luidi luetu lua ku dikumbana dia mudimu wetu,

2 Korente 12:20

Ndi ntshina ne hanalua kunudi, bumue tshiena nusangana bu mundi musue kunusangana; ne nuenu kanuena nusangana bu munudi basue kunsangana; tshiena musue kusangana ditandangana ne mukau ne tshishi ne matahuluka ne bunsonge ne mikoso ne kudisua ne mitoyo;

Dielulula 27:16

Muntu yonso udi uhenda tatu wandi anyi mamu wandi udi ne mulau; bantu bonso nebakudimune dî ne, Amen.

Dielulula 7:10

utu wafuta bantu badi nʼandi lukuna difutu diabo ku mesu kuabo, bua kubashiha: yeye kena uhanga muntu udi nʼandi lukuna, neamufute ku mesu kuandi.

2 Tesalonike 2:4

Yeye ngudi udimanyika ne udi udibandisha ku mpala kua bionso bidi bidikibua ne, Nzambi, anyi bionso bidi bantu batendelela; nunku yeye udi ushikama mu ntempelo wa Nzambi udilesha kudi bantu ne, Meme ndi Nzambi.

2 Timote 3:2

Bantu nebikale badisui, banangi ba biuma, baditumbishi, badileshi, bahendi ba Nzambi, kabai batumikila mei a baledi babo, kabai ne kusakidila, kabai ne tshijila,

Tite 3:3

Bualu bua tuetu tuakadi bahote diambedi, tuakadi ne buhidia, tuakadi badingishibua, tuakadi tulonda nkuka ne masanka bia mishindu ya bungi; tuakadi tuikala ne lukinu ne mukau; tuakadi tukinyibua, tuakadi tukinangana.

Yakobe 3:5

Nunku ludimi ludi tshituha tshikese, ludi lufunafuna malu manene. Tangilai mudi kahia kakese katemesha nkunyi ya bungi be!

Yakobe 4:16

Biadi katataka nudi nuditumbisha mu kufunafuna kuenu; kuditumbisha kuonso kua nunku kudi kubi.

2 Petro 2:18

Bualu bua hadibo bakula mei manene a diambu, ku bienzedi biabo bia masandi, badi balobesha bakuabo mu nkuka ya mubidi, mbobo badi bamba kuhanduka kudi badi balonda dihambuka;

Yuda 1:16

Bantu aba badi batontolodi, bajianyi, benda bu mudi nkuka yabo (mishiku yabo idi yakula mei manene a diambu), badi banyisha bantu bua kuangata difutu.