Rome 1:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Bualu bua hakamanyabo Nzambi, kabakamutumbisha bu Nzambi, kabakamusakidila; kadi meshi akelabo akalua a hatuhu, ne mitshima yabo mijibale yakalua mîdima.

MUKANDA WA MYIDI MUKULU

²¹ Bualu badi bamanye Mvidi Mukulu, kadi kabena bamunemeka. Kabena bamuela tuasakidila mudibu ne bua kuela Mvidi Mukulu nansha. Kadi meji abu adi matatakana. Mioyi yabu ya bupote idi miwule tente ne miidima.

Rome 1:21 교차 참조

Genese 6:5

Yehowa wakamona ne, Mibi ya bantu idi idiundadiunda munkatshi mua ba ha buloba ne meji adibo bela mu mitshima yabo adi mabi matuku onso.

Genese 8:21

Yehowa wakanunkila dihembu dimpe: Yehowa wakamba mu mutshima wandi ne, Tshiena ngela buloba mulau kabidi bualu bua bantu badi ne meji mabi mu mitshima yabo hatshidibo bitende tô ne hakulumpabo, tshiena njimisha bifukibua bionso bidi ne muoyo kabidi bu munakenza diambedi.

1 Bakalenga 20:23

Bantu ba mukelenge wa Sulia bakamuambila ne, Nzambi wabo udi nzambi wa ku mukuna, nunku bakatuhita bukole; kadi bitualuangana nʼabo mu mpata, tuetu netubahite bukole.

2 Bakalenga 17:15

Bakabenga mikenji yandi ne tshihungidi tshiakahungeye ne bankambua babo ne mei andi akabambileye; bakalonda malu a hatuhu, bakalua bahote, bakalonda bisamba biakadi ha buihi nʼabo biakabambila Yehowa diambedi ne, Kanuenji bu mudibo benza.

Misambu 50:23

Udi ufila disakidila bu mulambu wandi udi untumbisha; nendeshe luhandu lua Nzambi kudi muntu udi ulongolola nshila wandi bimpe.

Misambu 81:12

Nunku nakabalekela bua kulondabo tshitshu tshia mu mitshima yabo, bua kuendabo mu nshila wakadi meji abo masungule.

Misambu 86:9

Ba mu bisamba bionso bia bantu biwakufuka nebalue kukukuila ku mesu kuebe, Mukelenge, nebatumbishe dina diebe.

Muambi 7:29

Nakasangana anu bualu ebu bumue ne, Nzambi wakafuka bantu ne mitshima mijalame, kadi bobo bakadikebela malu a ngenyi yabo.

Yeshaya 60:2

Bua mena, midima neyibuikile buloba, ne mîdima mifike-fitutû neyibuikile bantu; kadi Yehowa neabande hamʼbidi hebe mene, butumbi buandi nebumueneshibue hamʼbidi hebe.

Yirmeya 16:19

Wewe Yehowa, bukole buanyi ne musoko wanyi mukoleshibue ne ngumbu, tshinyemenu tshianyi mu dituku dia dikenga, ba mu bisamba bia bantu nebalue kûdi, bafume kunfudilu kua buloba, bamba ne, Batatu betu bakahiana anu mashimi ne malu a hatuhu adi kâyi mua kubakuatshisha.

Yirmeya 17:9

Mutshima udi uhita bintu bionso kudinga muntu, ne udi utamba kunyanguka, muntu kai udi mua kûmanya?

Yirmeya 2:5

Yehowa udi ukonka ne, Batatu benu bakasangana dihanga kai munda muanyi bua bobo bakandekela, bakaya kule, bakalonda tshintu tshia hatuhu, ne bobo bine bakalua ba hatuhu?

Yirmeya 9:14

kadi bakulonda anu mampaka a mu mitshima yabo, ne bakulonda Babâla, bu muakabayishabo kudi batatuʼabo.

Yezekiyele 14:5

bua meme mmanye mua kukuata ba mu tshisamba tshia Bena Isalele mu nkuka ya mu mitshima yabo, bualu bua buonso buabo bakalua kundi bu bantu ba bende bualu bua mpingu yabo.

Yezekiyele 20:25

Nakabaha mei a kulondabo akadi kâyi makane, ne mikenji yakadi kayiyi mua kubavuisha muoyo.

Osheya 2:8

Yeye kakamanya ne mmeme mene nakamuha manvua, nvinyo mihia-mihia ne manyi; nakamukumbashila argent ne or biakukuatshilabo nʼabi Bâla mudimu.

Yowanane 3:19

Etshi ntshilumbu tshia bantu ne, Munya wakalua ha buloba, kadi bantu bakasua midima, kabakasua munya, bua bienzedi biabo biakadi bibi.

Bienzedi 26:18

bua wewe kubulula mesu abo, bakome nyima ku midima batangile ku munya, bakoma nyima ku bukole bua Satana batangile kudi Nzambi, bua bobo bahete dijimisha dia mibi yabo ne buhianyi munkatshi mua badi balengeshibue ku ditabusha didibo bangitabusha nʼadi.

Rome 1:19

Bualu bua mianda ya Nzambi idi mimanyibue kudi bantu idi imueneka munda muabo, bualu bua Nzambi wakaimuenesha kudibo.

Rome 1:28

Bu muakahidiabo kuikala ne Nzambi mu meshi abo, nunku Nzambi wakabafila ku meshi a hatuhu akahidleye, bua kuenzabo malu adi kâi makanangane ne lungenyi.

Rome 11:10

Mesu abo ikale mîdima bua kabamonyi, Ukobemeshe nyima yabo matuku onso.

Rome 15:9

ne bua ba bisamba bia bende batumbishe Nzambi bua luse luandi, bu muakafundabo ne, Bua bualu ebu nenkuhe butumbi munkatshi mua bisamba bia bende, Nengimbile dina diebe misambu.

Dielulula 28:29

nenububute munda munya bu mudi muntu mufofo ububuta mu midima; kanuena nuenda dikasa dimpe mu nshila yenu, nebanutatshishe, nebanuibe, kakuena muntu udi mua kunusungila.

2 Timote 3:2

Bantu nebikale badisui, banangi ba biuma, baditumbishi, badileshi, bahendi ba Nzambi, kabai batumikila mei a baledi babo, kabai ne kusakidila, kabai ne tshijila,

1 Petro 1:18

Bualu bua nudi bamanye ne, Tuakahikudibua, kenku bintu bidi bijimina, ku argent anyi ku ngolo, mu malu a hatuhu a muoyo wenu akanushilabo kudi batatuʼenu;

1 Petro 2:9

Kadi nuenu nudi tshisamba tshisungudibua, ne bakuidi ba bukelenge, ne tshisamba tshia tshijila, bantu badi bikale ba Nzambi muine, bua nuenu nuambe bua buimpe bua Nzambi wakanubikila bua kunuhatula mu mîdima bua kunubuesha mu munya wandi wa dikema.

Didimanyisha 14:7

udi wamba ne dî dikole ne, Nutshine Nzambi, numutumbishe, bualu bua diba dia dilumbuluisha diandi diakulua; nukukuile yeye wakafuka diulu ne buloba ne mai manene ne mishimi ya mai.

Didimanyisha 15:4

Mukelenge, nganyi udi kai utshina, udi kai utumbisha dina diebe? Bualu bua wewe nkayebe udi wa tshijila; bualu bua ba mu bisamba bionso nebalue ne nebakukuile ku mpala kuebe; bualu bua bienzedi biebe biakane biakumueneshibua.