Osheya 7:13 - Mukanda wa Nzambi Dihungila Dikulukulu ne Dihungila Dihia-dihia 2003

¹³ Mulau wikale kudibo, bualu bua bakuhambuka! Kubutuka kuikale kudibo, bualu bua bakuntombokela! Nakadi kubuhikula, kadi bakunshiminyina malu.

MUKANDA WA MYIDI MUKULU

¹³ Bena Efrayime mbena diakabi, bualu badi bannyema. mBena dikenga dipite, bualu badi bantombokela. Meme mvua musue kubasungidila, kadi padibu bayukila nanyi, badi bangambila malu a dishima.

Osheya 7:13 교차 참조

Nehemya 1:10

Aba mbena mudimu bebe ne bantu bebe bawakahikula ku bukole buebe bunene ne ku tshianza tshiebe tshikole.

Yobe 22:17

Bakambila Nzambi ne, Umuka kutudi; bakakonka ne, Wa Bukole Buonso udi mua kutuenzela tshinyi?

Misambu 106:10

Ka wakabasungila mu bianza bia wakabakina, wakababikila mu bukole bua bakadi nʼabo lukuna,

Yeshaya 30:1

Yehowa udi wamba ne, Mulau wikale kudi bana badi bantombokela, badi benza bualu buakudihangidishilabo, kadi budi kabuyi bufume kundi; badi bahunga tshihungidi, kadi kantshia Nyuma wanyi, bua kutentekasha bubi ha mutu ha bubi!

Yeshaya 30:2

Badi bahisha luendu bua kuhuekabo mu Ejipitu, ne kabena bakonka lungenyi mukana muanyi. Badi basue kunyemena tshinyemenu kudi Palô, ne kudisokoka muinshi mua mundidimbi wa Ejipitu!

Yeshaya 31:1

Mulau wikale kudi bantu badi bahueka mu nshila wa ku Ejipitu bua kudiangatshila dikuatshisha diabo, badi batekemena tubalu, badi beyemena makalu a nvita bualu bua adi a bungi, ne badi babanda ha nyima ha tubalu bualu bua badi batamba bukole, kadi kabena batangila kudi Wa Tshijila wa Isalele, ne kabena bakeba lungenyi kudi Yehowa!

Yeshaya 41:14

Kutshinyi, wewe Yakoba, tshishishi, ne nuenu Bena Isalele! Nenkukuatshishe, ndi dia Yehowa, Muhikudi webe, Wa Tshijila wa Isalele.

Yeshaya 43:1

Kadi mpindiu, Yehowa, wakakufuka wewe, Yakoba, wakakufuanyikisha wewe, Isalele, udi wamba ne, Kutshinyi, bualu bua nakukuhikula, nakukubikila ku dina diebe, wewe nguanyi.

Yeshaya 59:13

ludi tumutombokela, ne tudi tuhidia Yehowa; tudi tuhingana, katuyi tulonda Nzambi wetu; tudi tuamba mei a dikengesha ne ditomboka; tudi tuelangana meji a mashimi ne tudi tuamba mei a mashimi adi afuma mu mitshima yetu.

Yeshaya 63:8

Bualu bua yeye wakamba ne, Bulelela, badi bantu banyi, badi bana banyi badi kabayi bandinga; nunku yeye wakalua Musungidi wabo.

Yirmeya 14:10

Yehowa udi wambila bantu aba ne, Bobo bakunanga kuendakana mu nshila, kabakukanda makasa abo; nunku Yehowa kena mua kubitabusha nansha; mpindiu yeye neavuluke mibi yabo, neakengeshe benji ba malu mabi.

Yirmeya 42:20

Nuakudienzela nkayenu bibi. Bualu bua nuakuntuma kudi Yehowa Nzambi wenu ne, Utulombele Yehowa Nzambi wetu; utuambile dî dionso didi Yehowa wamba, ne tuetu netudienze.

Yirmeya 51:9

Tuakadi kushikisha disama dia Babulona, kadi disama diandi kadiena dishika. Tumulekele, tuye bietu muntu ku buloba buandi, muntu ku buloba buandi; bualu bua kulumbulula kuandi kudi kufika tô ne mu diulu, kudi kubandishibua tô ne ku matutu.

Yirmeya 7:15

Nennuihate ku mesu kuanyi bu munakihata bana benu bonso, bana bonso ba Efelayima mene.

Muadi 5:16

Tshifulu tshia butumbi tshiakutuka ku mutu kuetu; tudi ne mulau! Bualu bua tuakuenza bibi.

Yezekiyele 16:23

Mukelenge Yehowa udi wamba ne, Ha mutu ha malu mabi ebe onso, mulau, mulau wikale kûdi!

Yezekiyele 18:2

Nudi nuelela lusumuinu elu mu buloba bua Isalele ne, Batatu bakadia tumuma tua nvinyo tua buanji, ne menu a bana adi ne nvuenvue bualu kai?

Yezekiyele 18:25

Kadi nuenu nudi nuamba ne, Nshila wa Mukelenge kena mululame. Unvuai, nuenu ba mu tshisamba tshia Bena Isalele. Nshila wanyi kena mululame, anyi? Nshila yenu kayena mikonyangale, anyi?

Yezekiyele 34:6

Mikoko yanyi yakatangadishibua, yakendakana ha mutu ha mikuna mile yonso ne ha mutu ha mikuna yonso mikuabo; bushuwa, mikoko yanyi yakatangadishibua ha buloba honso; kakuakadi muntu wakuyikeba anyi wakuyilonda.

Osheya 11:12

Bena Efelayima badi bannyunguluka ne mashimi, Bena Isalele badi bannyunguluka ne mei a kundinga nʼau; kadi Bena Yuda batshidi bamanyibue kudi Nzambi, ne batshidi beyemena Wa Tshijila.

Osheya 11:2

Kadi hanakananukila kubabikila, bobo bakatamba kumuka kundi. Bakashihela Ba-Bâla milambu ya nyama, bakoshila mpingu musenga wa manananshi.

Osheya 5:7

Bobo bakutungila Yehowa tshitungu, bualu bua bakulela bana ba mu masandi. Mpindiu ngondo muhia-muhia neabashihe mene ne bintu biabo.

Osheya 7:1

Hanakusua kushikisha disama a dia Bena Isalele, bubi bua Bena Efelayima buakusokoloka, ne bubi bua Bena Samalea buakumueneshibua. Bualu bua bakuenza malu a mashimi, muibi udi ubumbula nsubu, ne tshisumbu tshia banyengi tshidi tshinyenga bintu ha mbelu.

Osheya 7:3

Badi basankisha mukelenge ne bubi buabo, ne bakokeshi babo ne mashimi abo.

Osheya 9:12

Nansha biakoleshabo bana, nembanyengabo, bua muntu umue kashadi. E, mulau newikale kudibo hangumuka kudibo!

Osheya 9:17

Nzambi wanyi neabihate, bualu bua kabakamunvuila; nebikale bena tshiendenda munkatshi mua bisamba bia bantu.

Yona 1:10

Hashishe, bantu aba bakatamba kutshina bakamuambila ne, Tshiudi muenzele nunku ntshinyi? Bua bantu aba bakamanya ne yeye wakadi unyema Yehowa, bualu bua wakamana kubambila nunku.

Yona 1:3

Kadi Yona wakabika bua kunyemeneye ku Tâshishi bua kumuka ku mesu kua Yehowa. Wakahueka ku Yopa, wakasangana buatu buamba kuya ku Tâshishi; wakafuta mushinga wa luendu, wakabuela mu buatu bua kuyeye ne bena buatu ku Tâshishi, unyema Yehowa.

Mika 6:12

Bualu bua bantu babanji ba mu musoko eu badi bûle tente ne tshimbambila, ne bena musoko badi bamba malu a mashimi, ludimi luabo ludi anu ne mashimi mukana muabo.

Mika 6:4

Bualu bua nakanuluhula mu buloba bua Ejipitu, nakanuhikula mu nsubu wa buhika; nakatuma Mose, Alona ne Miyama ku mpala kuenu.

Matayi 23:37

Wewe Yelushalema, Yelushalema, udi ushiha baprofete, udi ukuma bakukutuminabo mabue! Misangu ya bungi nakasua kusangisha bana bebe bu mudi nsolo usangisha bana bandi mu mahuahua andi, kadi nuenu nuakuhidia.

Dielulula 15:15

Uvuluke ne wewe wakadi muhika mu buloba bua Ejipitu, ne Yehowa, Nzambi wenu, wakakubikula: ka nunku ndi nkuelela mukenji eu lelu.

1 Yone 1:10

Bituamba ne, Katuakuenza bibi, tudi tumuvuisha ne, Muena mashimi, ne dî diandi kadiena munda muetu.

Didimanyisha 8:13

Nakatangila, ne nakunvua nyunyu wa mukanku umuehele uhahala munkatshi mua diulu, wamba ne dî dikole ne, Mulau, mulau, mulau, kudi badi bikala ha buloba, bualu bua mei makuabo a mpungi ya banjelo basatu badi balua kuela.