Osheya 6:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Nunku nakubafila ku mei a baprofete, nakubashiha ku mei a mukana muanyi; ne kulumbulula kuanyi kudi kuhatuka bu mudi munya uhatuka.

MUKANDA WA MYIDI MUKULU

⁵ Ke pandi nnuluisha, nnutumina bambi bua banubele. Ndi nnumanyisha ne: nenubutuke. Tshindi njinga bualu buenu, tshidi patoke too bu munya.

Osheya 6:5 교차 참조

Genese 18:25

Bualu ebu kabuikadi kudi bua wewe kuenza nunku bua kushiha bantu bakane ne bantu babi hohamue, biwenza nunku bantu bakane nebikale muomumue ne bantu babi, bualu ebu kabuikadi kûdi, Mulumbuluishi wa buloba buonso katu wenza bimpe, anyi?

1 Bakalenga 14:6

Nunku hakunvua Ahiya kusesa kua makasa andi hakabueleye ku tshibi, yeye wakamuambila ne, Buela biebe, mukashi wa Yalobama; udi udifuanyikisha bu muntu mukuabo bua tshinyi? Bualu bua bundi nʼabu mbua kukuambila mei adi anemesha bujitu.

1 Bakalenga 17:1

Eliya, Muena Tishebe, wakadi usomba mu Gilada, wakambila Ahaba ne, Bu mudi Yehowa, Nzambi wa Isalele, ne muoyo, undi ngimana ku mpala kuandi, nansha mume nansha nvula kabiena bimueneka bidimu ebi anu ku dî dianyi.

1 Bakalenga 18:17

Hakamona Ahaba Eliya, yeye wakamuambila ne, Ka wewe mutatshishi wa Bena Isalele, anyi?

1 Bakalenga 19:17

Hashishe muntu udi uhanduka ku muele wa nvita wa Hazaele, Yehu neamushihe; muntu udi uhanduka ku muele wa nvita wa Yehu, Elisha neamushihe.

2 Bakalenga 1:16

Yeye wakamuambila ne, Yehowa udi wamba ne, Wewe wakatuma ba-messager bua kuebesha Bâla-zebuba, nzambi wa Ekelona, dî bualu bua kakuena Nzambi mu Isalele bua wewe kumuebesha dî, anyi? Nunku wewe kuena ujuka ha bulalu bûdi mulale, kadi neufue bulelela.

2 Kulondolola 21:12

Mukanda wakafika kudiye mutume kudi muprofete Eliya ne, Yehowa, Nzambi wa Davidi tatuʼebe, udi wamba ne, Bualu bua wewe kuena wenda mu nshila ya Yehoshafata tatuʼebe, ne ya Asa mukelenge wa Yuda,

Yobe 15:30

Yeye kena wehuka midima; ludimi lua kahia nelufubishe ntonga yandi; ku muhuya wa mukana mua Nzambi yeye neahehuke.

Yobe 34:10

Nunku nungunvuile, nuenu badi bajingulula malu; bualu ebu kabuikadi kudi Nzambi bua yeye kuenza malu mabi, anyi bua Wa Bukole Buonso kuenzeye bibi!

Misambu 119:120

Mubidi wanyi udi uzakala bua dikutshina dianyi; ne ndi ntshina kulumbulula kuebe.

Misambu 37:6

Yeye neumueneshe buakane buebe bu mudi munya umueneka, neamueneshe dibingishibua diebe bu diba dia munda munya.

Yeshaya 11:4

kadi nealumbuluishe bahele ne buakane, neakose bilumbu bia badi ne kalolo ha buloba ne kulumbulula kuakane; neakume buloba ne tshibonge tshia mukana muandi, neashihe bantu babi ku muhuya wa ku mishiku yandi.

Yeshaya 58:1

Bandisha dî diebe bikole, kudikandi nansha, bandisha dî diebe bu dî dia mpungi, manyisha bantu banyi kushiha kuabo kua mikenji ne bana ba Yakoba mihi yabo.

Yirmeya 1:10

mona, lelu eu nakukuteka ha mutu ha bisamba ne makelenge, bua kujula ne bua kushimbula, bua kubutula ne bua kunyanga, bua kuasa ne bua kukuna.

Yirmeya 1:18

Mona, lelu eu ndi nkuvuisha bu musoko wa lumbu, ne bu dikunshi dia tshiamu, ne bu bimanu bia tshiamu tshia mitaku ku mpala kua bena buloba aba bonso, ku mpala kua bakelenge ba Yuda, ku mpala kua baminyampala babo, ku mpala kua bakuidi babo, ne kua bantu ba hatuhu ba mu buloba ebu.

Yirmeya 13:13

Hashishe wewe neubambile ne, Yehowa udi wamba ne, Monai, nenkuatshishe bantu bonso ba ha buloba maluvu, kudi bakelenge badi bashikame mu nkuasa wa Davidi, bakuidi ne baprofete ne ba mu Yelushalema bonso.

Yirmeya 23:29

Yehowa udi wamba ne, Dî dianyi kadiena bu kahia, anyi? Kadiena bu marteau udi uhanda mabue bihesa bihesa, anyi?

Yirmeya 5:14

Nunku Yehowa, Nzambi wa misumba, udi wamba ne, Bualu bua nudi nuamba dî edi, tangilai, nenvuishe mei anyi a mukana muebe bu kahia, nenvuishe bantu aba bu nkunyi, nekabashidishe.

Yezekiyele 11:4

Nunku ubambile mei a kubahisha nʼau, ubambile mei a, muana wa muntu.

Yezekiyele 3:9

Nenvuishe mutu webe mukole bu dibue dia mbonga mene, muhite dibue dia mutemu bukole. Kubatshinyi nansha, kukuatshiki buowa ku mesu kuabo, bua badi diku dia bantombokedi.

Yezekiyele 32:18

Muana wa muntu, ashile tshisumbu tshia ba mu Ejipitu muadi, ubahuekeshe hanshi, yeye ne bana bakashi ba mu bisamba bineme bia bantu, ubatume tô ne mu ndondo wa buloba, hohamue ne bantu aba badi bahueka mu Dina dia Bafue.

Yezekiyele 43:3

Tshinfuanyi tshinakamona tshiakadi bu tshinfuanyi tshinakamona hakalueye bua kushiha musoko, ne bu tshinfuanyi tshinakamona ku muelelu wa musula wa Kebâ; nakatua mpala wanyi hanshi.

Sefanya 3:5

Yehowa udi muakane munkatshi muau; yeye kena wenza bualu bubi. Ku dinda ku dinda udi umuenesha kulumbulula kuakane hatoke, katu wahanga; kadi badi kabayi ne buakane kabena bamanye bundu.

Bienzedi 7:31

Hakamona Mose bualu ebu, wakakema; hakayeye ha buihi bua kubumona, dî dia Mukelenge diakalua ne,

Rome 2:5

Bualu bua tshitshu tshiebe ne mutshima webe wa buhidia, wewe udi udibutshila tshishi tô ne ku dituku dia tshishi ne dia dibuluibua dia kulumbulula kuakane kua Nzambi.

Efeze 6:17

Nuangate tshifulu tshia luhandu, ne muele wa Nyuma udi dî dia Nzambi;

Ebrewu 4:12

Bualu bua dî dia Nzambi didi ne muoyo ne bukole, didi dihita muele wonso musakisha nseke ibidi kutua, didi ditubula tô ne ku dihandulula dia muoyo ne nyuma, ne dia manungu ne buongo bua mikuha, didi dijingulula lukasa meshi ne mata adi mutshima musue kuenza.

Didimanyisha 1:16

Wakadi ne mitoto muanda mutekete mu tshianza tshiandi tshia balume, ne mukana muandi muakahatuka muele wa nvita mutue mutuisha nseke ibidi; ne mpala wandi wakadi bu diba hatemadi ne bukole buadi.

Didimanyisha 2:16

Nunku, ukudimune mutshima webe; anyi nendue kûdi lubilu, ne nenduangane nʼabo nvita ne muele wa nvita wa mukana muanyi.

Didimanyisha 9:15

Ne banjelo banai bakasuludibua bakadi balongolodibua bua luhola ne dituku ne ngondo ne tshidimu, bua kushiha tshituha tshisatu tshia bantu.

Didimanyisha 9:21

ne kabakakudimuna mitshima yabo bua mashihangana abo, nasha bua muhongo wabo, nasha bua masandi abo, nasha bua buibi buabo.

1 Samuele 13:13

Samuele wakambila Shaula ne, Wewe wakenza buhote: wewe kuakanemeka mukenji wa Yehowa, Nzambi webe, wakakuambileye; bu wewe muenze nunku, Yehowa wakadi kujadika bukelenge buebe mu Isalele tshiendelele.

1 Samuele 15:22

Samuele wakakonka ne, Yehowa udi utamba kusanka bua milambu ya kuosha ne nyama mishiha bu mudiye usanka bua kutumikila kua dî dia Yehowa, anyi? Tangila, kutumikila kudi kuhita mulambu wa kuosha ne kunvua kudi kuhita manyi a bimpanga bulengele.

1 Samuele 15:32

Hashishe Samuele wakamba ne, Nulue kundi ne Agaga, mukelenge wa Bena Amaleka. Agaga wakalua kudiye ne disanka. Agaga wakamba ne. Bulelela, kanyinganyinga ka lufu kakashika.

1 Samuele 15:33

Samuele wakamba ne, Bulelela, bu muakadi muele webe wa nvita mushiye bakashi kabayi ne bana, nunku mamu webe neikale munkatshi mua bakashi kayi ne bana. Samuele wakakosa Agaga bituha bituha ku mpala kua Yehowa mu Gilegala.