Osheya 4:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Unvuai dî dia Yehowa, nuenu Bena Isalele! Bualu bua Yehowa udi ne tshilumbu tshia kulumbuluisheye bantu ba mu buloba ebu; bualu bua kakuena bulelela, kakuena buimpe, kakuena kumanya kua Nzambi kudibo mu buloba.

MUKANDA WA MYIDI MUKULU

¹ Maweja-Nangila udi umanyisha bena ditunga tshilumbu tshidibu natshi kudiye. Nuenu bena Izrayele, telejayi: Maweja-Nangila udi unuambila ne: “Nuenu bena ditunga edi, kanuena nulamatangana kabidi ne muoyi umue, kanuena nuenzelangana kabidi bimpe to. Kanuena bamanye Mvidi Mukulu. Kanuena nuenza tshidiye musue.

Osheya 4:1 교차 참조

1 Bakalenga 22:19

Mikaya wakamba ne, Unvuai dî dia Yehowa: Nakatangila Yehowa mushikame mu nkuasa wandi wa butumbi, ne bisumbu bia bonso badi mu diulu bakadi bimane ha buihi nʼandi ku tshianza tshiandi tshia balume ne ku tshianza tshiandi tshia bakashi.

Misambu 81:9

Nzambi wa bende kikadi munkatshi muenu, kanukukuidi nzambi wa bantu ba bende.

Yeshaya 1:10

Nuenu bakokeshi ba mu Sodoma, unvuai dî dia Yehowa! Nuenu bantu ba mu Amola, telejai matshu enu ku diyisha dia Nzambi wetu!

Yeshaya 1:18

Yehowa udi Wamba ne, Luai bienu, tuhunge dî bua bualu ebu: nansha hikala mihi yenu mikunze-kunzû, neyikale ne butoke bua neige; anyi bikalayi mikunze bu mashi, neyikale mitoke bu miosa ya mikoko.

Yeshaya 28:14

Nunku, unvuai bienu dî dia Yehowa, nuenu babuidi badi bakokesha bantu aba ba mu Yelushalema!

Yeshaya 34:1

Nuenu ba mu bisamba bia bantu, luai bienu ha buihi bua kunvua; nungunvuile, nuenu bantu bonso! Buloba bunvue, ne tshiuwidi tshiabu tshionso; buloba buine ne bintu bionso bidi bifuma kudibu.

Yeshaya 34:8

Bualu bua Yehowa udi ne dituku dia kusombuela ne tshidimu tshia kubafutshisha ditutu bua malu mabi akenzelabo ba mu Siona.

Yeshaya 5:3

Nunku, nuenu badi bashikame mu Yelushalema, ne bantu ba mu Yuda, ndi nnusengelela ne, Nulumbulule tshilumbu tshidi hankatshi hanyi ne budimi buanyi.

Yeshaya 59:4

Kakuena muntu udi ufunda tshilumbu ne mutshima muakane, kakuena muntu udi wakula tshilumbu tshiandi mu bulelela; buonso buabo badi beyemena malu a hatuhu, badi bamba mashimi; badi bimita mafu adi ne malu mabi ne badi balela bualu bubi.

Yeshaya 59:8

Kabena bamanye nshila wa ditalala, kakuena kulumbulula kuakane mu bidiatshilu biabo; bakukonyangasha nshila yabo; muntu yonso udi wendelamu kena mumanye ditalala.

Yeshaya 66:5

Nuenu badi bazakala hanunvua dî diandi, unvuai dî dia Yehowa ne, Bana benu badi nʼenu lukuna ne bakanuihata bua bualu bua dina dianyi bakuamba ne, Yehowa atumbishibue, bua tuetu tumone disanka dienu; kadi mbobo bine balualua kufuishibua bundu.

Yirmeya 11:7

Bualu bua nakasengelela bankambua benu bikole mu dituku dinakabaluhula mu buloba bua Ejipitu tô ne ku dituku edi, mbika ne lunkelu bua kubadimusha ne, Nutumikile dî dianyi.

Yirmeya 19:3

Ubambile ne, Unvuai bienu dî dia Yehowa, nuenu bakelenge ba mu Yuda ne bantu ba mu Yelushalema. Yehowa wa misumba, Nzambi wa Isalele, udi wamba ne, Monai, nentume makenga ku muaba eu; hunvua muntu yonso lumu luau, matshu andi neahate.

Yirmeya 2:4

Unvuai bienu dî dia Yehowa, nuenu ba mu tshiota tshia Yakoba ne bonso ba mu meku a Bena Isalele.

Yirmeya 2:9

Yehowa udi wamba ne, Bua bualu ebu tshidi ntanda nʼenu, nentande kabidi ne bana ba bana benu baledibue.

Yirmeya 25:31

Diyoyo adi nedifike tô ne kunfudilu kua buloba; bualu bua Yehowa udi ne ba mu bisamba bionso tshilumbu; nealumbuluishe bonso badi ne muoyo; ne bua bantu babi Yehowa udi wamba ne, Nembafile ku muele wa nvita.

Yirmeya 34:4

Kadi unvue dî dia Yehowa, wewe Sedekiya, mukelenge wa Yuda! Yehowa udi wamba dî edi bua bualu buebe ne, Wewe kuena ufua ku muele wa nvita;

Yirmeya 4:22

Bantu banyi badi bahote, kabena bammanye; badi bu bana badi kabayi ne lungenyi, kabena ne dijingulula dia malu; badi ne lungenyi lua kuenzabo malu mabi, kadi kabena ne lungenyi lua kuenzabo malu mimpe.

Yirmeya 4:28

Bua bualu ebu ba ha buloba nebase miadi, diulu nedikale difike; bualu bua nakuamba bualu ebu, nakubuhangidisha, ne tshiakukudimuna mutshima wanyi bua bualu ebu, tshiena akudimuka kabidi.

Yirmeya 5:4

Mu diba adi nakamba ne, Bulelela, bantu aba badi anu bahele, badi bahote; bualu bua kabena bamanye nshila wa Yehowa, anyi mikenji ya Nzambi wabo.

Yirmeya 51:5

Bualu bua Nzambi wabo, Yehowa wa misumba, kena mushiye Bena Isalele anyi Bena Yuda bua kuikalabo bakashi bu ba mu lufuila nansha buloba buabo buikale bûle tente ne malu mabi akenzelabo wa Tshijila wa Isalele.

Yirmeya 6:13

Bualu bua buonso buabo, kudi mutambe buhuekele tô ne kudi mutambe bunene munkatshi muabo badi bakuatshike ne lukuka lua bintu; buonso buabo, kudi muprofete tô ne kudi muakuidi, badi badingangana.

Yirmeya 7:28

Nunku ubambile ne, Etshi ntshisamba tshidi katshiyi tshiunvua dî dia Yehowa Nzambi wabo, tshidi katshiyi tshianji kubuesha diyisha diandi mu mitshima yabo; dî dilelela diakujimina kudibo, diakûmuka mukana muabo.

Yirmeya 9:20

Kadi nuenu bakashi, unvuai dî dia Yehowa; matshu enu itabushe dî dia mukana muandi; nuyishe bana benu bakashi mua kuasabo muadi; muntu yonso ayishe muena mutumba nʼandi bua kudileye.

Yirmeya 9:3

Yehowa udi wamba ne, Badi banana ndimi yabo bua kushimabo bu mudibo banana buta; bakulua bantu bakole mu buloba, kadi kabena ne bukole bua kunanukila mu buakane, bualu bua badi baya kuenza bualu bubi butentekasha ha mutu ha bualu bubi ne kabena bammanye meme.

Yirmeya 9:7

Nunku Yehowa wa misumba udi wamba ne, Monai, nembengulule, nembatete, bualu kai bukuabo bundi mua kuenza muana mukashi wa bana betu?

Yezekiyele 16:35

Bua malu â, wewe ndumba, unvua dî dia Yehowa.

Osheya 12:2

Yehowa udi ne tshilumbu tshia kulumbuluisha Bena Yuda, ne neakengeshe Yakoba bu mudi bienzedi biandi; neamufute bu mudi midimu yandi.

Osheya 12:3

Hakadiye mu difu dia mamuʼandi, wakakuata muanʼabo ku tshikankanya; ne hakakoleye, wakaluangana ne Nzambi.

Osheya 5:1

Unvuai dî edi, nuenu bakuidi! Nungunvuile, nuenu Bena Isalele! Telejai matshu enu, nuenu ba mu nsubu wa mukelenge! Bualu bua tshilumbu tshidi tshinukuata mene; bualu bua nuakulua buteyi ku Misepa, ne bukuondo buvungulule ha mukuna wa Tabô.

Osheya 5:4

Bienzedi biabo kabiena bikumbana bua bahingane kudi Nzambi wabo, bualu bua mutshima wa masandi udi munda muabo, kabena bamanye Yehowa.

Yowele 1:2

Unvuai dî edi, nuenu bantu bakulumpe; telejai matshu enu, nuenu badi bashikame mu buloha ebu! Muanda bu nunku wakamueneka mu matuku enu, anyi? Wakamueneka mu matuku a batatu benu, anyi?

Amosa 3:1

Nuenu Bena Isalele, unvuai dî edi didi Yehowa unuhisha nʼadi, dia kunuisha nʼadi bonso ba mu tshisamba tshinakahatula mu buloba bua Ejipitu, ne,

Amosa 7:16

Wewe unvua dî dia Yehowa; wewe udi wamba ne, Kuambi dî dia kuhisha nʼadi Bena Isalele, kuhatudi dî diebe bua kuhisha ba mu tshiota tshia Isaka.

Mika 6:2

Nuenu mikuna minene, unvuai mpata idi Yehowa nʼai; telejai matshu, nuenu bishimikidi bia buloba, bualu bua Yehowa udi ne mpata kudi bantu bandi, ne yeye nealumbulule ne Bena Isalele.

Yowanane 8:55

nuenu kanuakumumanya, kadi meme ndi mumumanye; binamba ne, Tshiena mumumanye, nengikale muena mashimi bu nuenu; meme ndi mumumanye, ntu ngatumikila dî diandi.

Rome 1:28

Bu muakahidiabo kuikala ne Nzambi mu meshi abo, nunku Nzambi wakabafila ku meshi a hatuhu akahidleye, bua kuenzabo malu adi kâi makanangane ne lungenyi.

1 Korente 15:34

Nutabale biakane, nulekele kuenza malu mabi; bualu bua bakuabo kabena bamanye Nzambi. Ndi ngamba nuaku bua kunufuisha bundu.

Didimanyisha 2:11

Udi ne matshu unvue budi Nyuma wambila ekelesia. Udi uhita bukole kena ukengeshibua ku lufu luibidi.

Didimanyisha 2:29

Udi ne matshu unvue budi Nyuma wambila ekelesia.