Osheya 13:2 - Mukanda wa Nzambi Dihungila Dikulukulu ne Dihungila Dihia-dihia 2003

² Mpindiu badi bananukila kulonda malu mabi, badi badifudila bifuanyikishi bia nzambi yabo ku tshiamu tshiabo tshia argent, ne mpingu bu mudi lungenyi luabo, bintu ebi bionso biakadi midimu ya bansenda. Badi bamba bualu buabi ne, Badi bafila milambu, badi baluangana ne bana ba ngombe mishiku.

MUKANDA WA MYIDI MUKULU

² Mpindiewu, monayi bena Efrayime abu, batshidi anu batungunuka ne buenzayi. mBadienzele mvidie, ne lupingu lua tshiamu tshitoke tshia mushinga mukole. Nansha mudimu ewu muenza kudi basongi ba mpingu, badi anu bamba ne: “Lambulayi mvidie ewu milambu!” Padi bantu bupukilangana ne mpingu ya tuana tua ngombe, nudi mua kumvua bualu ebu anyi?

Osheya 13:2 교차 참조

1 Bakalenga 19:18

Kadi nenshale bianyi ne bantu binunu muanda mutekete mu Isalele, badi kabayi banze kutua binu biabo hanshi kudi Bâla, badi kabayi banze kuluangana nʼandi mishiku.

2 Kulondolola 28:13

Bakabambila m, Kanuena nuhitaku ne bantu banuakukuata mu nvita; bualu bua nudi nukeba kutubuesha mu malu mabi kudi Yehowa ha mutu ha mibi yetu ne malu mabi etu; bualu bua mibi yetu idi minene, ne tshiji tshikole tshidi kudi Bena Isalele.

2 Kulondolola 33:23

Yeye kakadihuekesha ku mesu kua Yehowa bu muakenza Manashe tatu wandi hakadihuekesheye; kadi Amona eu wakatamba kuenzenza malu mabi.

Misambu 2:12

Nuluangane mishiku ne muana wandi wa balume, bua yeye kikadi ne tshiji, ne bua nuenu kanujiminyi mu nshila. Bualu bua tshiji tshiandi tshidi tshitemeshibua lukasa. Disanka didi kudi bonso badi bamueyemena!

Yeshaya 1:5

Bualu kai nutshidi ne bualu bua banukume kabidi, bua nudi nunanukila kutombokela? Mutu wonso udi musame, mutshima wonso udi muhungile.

Yeshaya 30:1

Yehowa udi wamba ne, Mulau wikale kudi bana badi bantombokela, badi benza bualu buakudihangidishilabo, kadi budi kabuyi bufume kundi; badi bahunga tshihungidi, kadi kantshia Nyuma wanyi, bua kutentekasha bubi ha mutu ha bubi!

Yeshaya 44:11

Monai, bonso badi bakuata nʼandi mudimu eu nebafuishibue bundu, ne bena mudimu bandi badi anu bantu. Buonso buabo badisangishe hohamue, badimanyike; nebatshine, nebafuishibue bundu diatshimue.

Yeshaya 45:20

Nudisangishe hohamue, nulue; nusemene ha buihi hohamue, nuenu badi bahanduke munkatshi mua bisamba bia bantu! Badi benda batuala mutshi wa luhingu luakusongabo, badi batendelela nzambi udi kayi mumanye mua kubasungila, kabena ne lungenyi.

Yeshaya 46:6

Badi bahumuna or mu tshibombi, badi bidikisha argent mu tshiamu tshia kuidikisha nʼatshi bujitu, badi ba buesha mutudi wa tshiamu tshia or mu mudimu wabo, ne yeye udi utula nʼatshi luhingu lua nzambi wabo; badi binama mitu yabo kudilu, e, badi batendelela!

Yeshaya 46:8

Nuvuluke bualu ebu, nubujadike; nuelangane meji kabidi mu mitshima yenu, nuenu bantombokedi,

Yirmeya 10:4

Udi ûlengesha ne argent ne or; badi baushimika ne misumadi ne marteau bua kautuki.

Yirmeya 10:8

Kadi bantu kabena ne meji, badi anu ne buhote; diyisha dia mpingu didi hatuhu; idi anu tshituha tshia mutshi!

Yirmeya 8:5

Kadi Bena Yelushalema badi balukila ku nyima tshiendelele bualu kai? Badi bakuata malu a mashimi bikole; badi babenga kuhingana.

Osheya 10:1

Bena Isalele badi bu muonshi udi ulamba bikole, udi ukuama mamuma a bungi. Bu muakakuamabo mamuma a bungi, mbu muakavudishabo bioshelu bia bungi; bu muakadi buimpe bua buloba buabo, mbu muakalengeshabo makunshi a tshijila.

Osheya 10:5

Bua muana wa ngombe wa ku Bete-awena Bena Samalea nebakuatshike buowa; bualu bua bantu bandi ne bakuidi bandi nebamuashile madilu; nebase muadi bua butumbi buandi, bualu bua buakûmuka kudiye.

Osheya 11:2

Kadi hanakananukila kubabikila, bobo bakatamba kumuka kundi. Bakashihela Ba-Bâla milambu ya nyama, bakoshila mpingu musenga wa manananshi.

Osheya 11:6

Muele wa nvita neufike mu misoko yabo, neubutule badi bafuna bulobo, neubashihe, bualu bua mei akahungabo.

Osheya 14:3

Bena Ashû kabena batusungila; katuena tubanda ha nyima ha tubalu tua nvita bua kuenda; katuena tuambila bintu bituakufula ku bianza bietu ne, Nudi nzambi yetu; bualu bua bana ba nshiya badi baheta luse kûdi.

Osheya 2:8

Yeye kakamanya ne mmeme mene nakamuha manvua, nvinyo mihia-mihia ne manyi; nakamukumbashila argent ne or biakukuatshilabo nʼabi Bâla mudimu.

Osheya 4:17

Bena Efelayima bakudilamika kudi mpingu yabo, nubalekele nʼai!

Osheya 8:4

Bakadisunguila bakelenge, tshiyi mubambile; bakaditekela bakokeshi, kadi tshiakamanya muanda eu; bakadifudila mpingu ku biamu bia argent ne bia or, bua bobo babutudibue.

Osheya 8:5

Bena Samalea, nakûmusha muanʼa ngombe wenu! Tshiji tshianyi tshiakubatemena bikole; nebashale musangu bule munyi bua kulengesha mitshima yabo?

Osheya 8:6

Luhingu elu luakufuma ku buloba bua Isalele; nsenda wakulufula, ne kaluena Nzambi nansha; bulelela, muanʼeu wa ngombe wa Bena Samalea neatshibudibue bituha.

Dibadika 32:14

Nuenu nuakadibisha mu miaba ya batatu benu bu bana ba bantu babi bakavulangana, bua kudiundisha bukole bua tshiji tshia Yehowa kudi Isalele.

Rome 11:4

Kadi diandamuna dia Nzambi didi dimuambila tshinyi? Udi Wamba ne, Bua bualu buanyi nakadishila balume binunu muanda mutekete badi kabai batue binu hanshi kudi Bâla.

Rome 2:5

Bualu bua tshitshu tshiebe ne mutshima webe wa buhidia, wewe udi udibutshila tshishi tô ne ku dituku dia tshishi ne dia dibuluibua dia kulumbulula kuakane kua Nzambi.

2 Timote 3:13

Kadi bantu babi ne badingi ba bakuabo nebadiundadiunde mu malu mabi abo matuku onso, badingangana, badingila.

1 Samuele 10:1

Hashishe Samuele wakangata mulondo wa manyi, wakâhongolola ha mutu handi, wakamutua mishiku, wakamba ne, Yehowa kakakuela manyi bua wewe wikale mukelenge ku mutu kua buhianyi buandi, anyi?