Osheya 12:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Nunku hinganai kudi Nzambi wenu, londai luse ne kulumbulula kuakane, indilai Nzambi wenu matuku onso.

MUKANDA WA MYIDI MUKULU

⁶ Yeye ke Mvidi Mukulu wa bukole buonsu, udibu binyika ne: “Maweja-Nangila”.

Osheya 12:6 교차 참조

Genese 49:18

Yehowa, nakuindila luhandu luebe.

Misambu 123:2

Mona, bu mudi mesu a bena mudimu matangisha ku tshianza tshia nfumu wabo, bu mudi mesu a muenu mudimu mukashi matangisha ku tshianza tshia nfumu wandi mukashi; mbu mudi mesu etu atangila Yehowa Nzambi wetu tô ne hatufuileye luse.

Misambu 27:14

Windile Yehowa; wikale ne bukole, ne mutshima webe wikale ne dikima; e, windile biebe Yehowa!

Misambu 37:7

Shala holâ ku mpala kua Yehowa, umuindile ne lutulu. Kunyingabadi bualu bua muntu udi ututa dikasa dimpe mu nshila muandi, ne bua muntu udi ujadika malu mabi adiye uhangidisha.

Ekesode 3:15

Nzambi wakambila Mose kabidi ne, Wewe newambile Bena Isalele ne, Yehowa, Nzambi wa bankambua benu, Nzambi wa Abalahama, Nzambi wa Isaka ne Nzambi wa Yakoba wakuntuma kunudi edi ndina dianyi tshiendelele, etshi ntshivulukidi tshianyi kudi bantu bonso.

Nsumuinu 1:23

Andamukai bua kunvua kubela kuanyi. Monai! Nennuitshikishile nyuma wanyi hamʼbidi henu, nennumanyishe mei anyi.

Nsumuinu 21:3

Kuenza malu makane ne kukosa nsambu biakane bidi bihita kufila kua nyama mishiha kusankisha Yehowa.

Yeshaya 1:16

Nudioweshe bienu, nudilengeshe, numushe bubi bua bienzedi bienu ku mesu kuanyi; nulekele kuenza malu mabi,

Yeshaya 30:18

Nunku Yehowa udi windila bua kunulesha dinanga diandi; ne bua muanda eu neadioshe bua kunulesha luse; bualu bua Yehowa udi Nzambi udi ulumbulula biakane; bonso badi bamuindila badi bavudishibue disanka.

Yeshaya 31:6

Hinganai bienu, nuenu bana ba Isalele, kudi yeye unuakutamba kutombokela.

Yeshaya 40:31

badi bindila Yehowa nebasangashe bukole buabo; nebabande mulu ne mahuahua bu nyunyu ya mukanku, nebanyeme lubilu ne kabena babungila, nebende ne kabena bateketa.

Yeshaya 58:6

Eku kakuena kujila kua bia kudia kunakusungula, anyi? Mbua kusulula nkanu ya malu mabi, mbua kusulula majita adi asuika mutshi wa tshikokedi, mbua kulekela bakengeshibue, ne mbua kutshibula mutshi wa tshikokedi wonso.

Yeshaya 8:17

Nengindile Yehowa udi usokoka mpala wandi kudi bana ba Yakoba, nemmutekemene mene.

Yirmeya 22:15

Wewe neumanye mua kukokesha bakuabo bualu bua udi ukeba kubahita mu kuasa kua mabaya a cèdre, anyi? Tatu webe kakadia, kakanua, hakakoseye bilumbu bimpe ne hakenzeye biakane, anyi? Mu diba adi wakadi ne diakalengele.

Yezekiyele 18:30

Nunku, Mukelenge Yehowa udi wamba ne, Nuenu Bena Isalele, nennulumbuluishe, muntu yonso bu mudi bienzedi biandi. Alukilai, kudimunai mitshima yenu bua kulekela malu mabi enu, bua bubi buenu kabuikadi bu tshilenduishi kunudi.

Osheya 10:12

Nudikunyine buakane, nuhuole luse lujalame; nudime buloba buenu bukadi bubande; bualu bua etshi ntshikondo tshia kukeba Yehowa, tô ne halueye kunulokeshila buakane bu nvula.

Osheya 14:1

Nuenu, Bena Isalele, hinganai kudi Yehowa Nzambi wenu, bualu bua nuakudishinda hanshi bua mibi yenu.

Osheya 4:1

Unvuai dî dia Yehowa, nuenu Bena Isalele! Bualu bua Yehowa udi ne tshilumbu tshia kulumbuluisheye bantu ba mu buloba ebu; bualu bua kakuena bulelela, kakuena buimpe, kakuena kumanya kua Nzambi kudibo mu buloba.

Yowele 2:12

Yehowa udi wamba ne, Mpindiu mene, nuhingane kundi ne mitshima yenu yonso, jilai bia kudia, dilai, asai miadi.

Yowele 2:13

Handai mitshima yenu, kanuhandi hivualu bienu, hinganai kudi Yehowa, Nzambi wenu; bualu bua yeye udi unulesha dinanga ne udi unufuila luse, kena ukuata tshiji lukasa, udi ne luse lujalame lukumbane; udi ukudimuna mutshima wandi bua makenga adiye wamba kutumina bantu.

Amosa 4:13

Monai, yeye udi wimanyika mikuna ne udi utuma luhehele, udi umanyisha muntu meji adi munda muandi, udi uvuisha kabundubundu midima, udi wenda ha miaba mibandile ya ha buloba; Yehowa, Nzambi wa misumba, ndina diandi.

Amosa 5:24

Kadi kulumbulula kuakane kuhueke hanshi bu mai, ne buakane buikaleku bu musulu udi uhueka tshiendelele.

Mika 6:8

Wewe kampanda, bakukulesha bualu budi buakane; ne Yehowa udi utekemena malu kai kûdi? Anu bua wewe kuenza malu makane, kunanga kulesha bakuabo luse, ne kuenda ne Nzambi webe ne mutshima muhuekele.

Mika 7:7

Kadi meme hanyi nentangishe mesu anyi kudi Yehowa; nengindile Nzambi wa luhandu luanyi; Nzambi wanyi neangunvuile.

Abakuke 2:3

Bualu bua tshikena kumona etshi ntshia tshikondo tshiakuhangishishabo bua kumuenekatshi, tshidi tshienda lukasa ku tshikondo tshiatshi, katshiena tshidinga, biajangulukatshi, utshindile; bualu bua netshimueneke bulelela, katshiena tshihanga kulua.

Sefanya 3:8

Nunku Yehowa udi wamba ne, Nungindile, tô ne ku dituku dindi mbika bua kunyenga bintu; hualu bua nakuhangidisha bua kusangisha bisamba bia bantu, bua kukungisha makelenge, bua meme kuhumuna tshiji tshianyi hamʼbidi habo, kahia konso ka tshiji tshianyi mene; bualu bua buloba buonso nebulue mu kahia ka lukunukunu luanyi.

Zekâya 1:3

Nunku ubambile ne, Yehowa wa misumba udi wamba ne, Hinganai kundi, ne meme nempingane kunudi! Yehowa wa misumba udi wamba nunku.

Zekâya 7:9

Yehowa wa misumba wakamba ne, Kosai bilumbu ne dikosa dia bushuwa, leshanganai dinanga ne nufuilangane luse, muntu ne muntu ne mukuabo.

Zekâya 8:16

Nudi ne bua kuenza malu â. Ambilanganai mei a bushuwa, buonso buenu, muntu ne muntu ne muena mutumba nʼandi; kosai bilumbu mu bilumbuluidi bidi ku bibuelelu bia musoko ne kulumbulula kua bushuwa ne kua ditalala.

Bienzedi 2:38

Petelo wakabambila ne, Kudimunai mitshima yenu, nubatijibue buonso buenu mu dina dia Yesu Kilisto bualu bua kunujimishilabo mibi yenu; nunku nenuangate kuha kua Nyuma Muimpe.

Bienzedi 26:20

kadi nakambila ba mu Damaseke diambedi, ne ba mu Yelushalema, ne ba mu luseke luonso lua Yudaya, ne ba bisamba bia bende kabidi, bua kukudimunabo mitshima yabo, batshinguluke kudi Nzambi, benze malu adi makanangane ne dikudimuna dia mitshima yabo.

Yakobe 1:27

Bualu bua Nzambi bua bushua ne budi kabui bunyanguka ku mesu kua Nzambi Tatu budi nunku, bua kuya kutangila bana ba nshîa ne bakashi ba mu lufuila mu dikenga diabo, ne bua kudilama kai ne ditoba dia ku malu a ha buloba.

Yakobe 2:13

Bualu bua dilumbulula kadiena ne luse kudi muntu udi kai muleshe bakuabo luse; luse ludi lutamba dilumbulula kutumba.