Osheya 12:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bikala Gilada tshintu tshia hatuhu, badi bashikamemu badi bantu ba hatuhu; mu Gilegala badi bafila balume ba ngombe bu milambu kudi mpingu, e, bioshelu biabo bidi bu mishiki ya mabue mu mabula a mu budimi.

MUKANDA WA MYIDI MUKULU

¹¹ Tshikondu atshi, mvua mumanyishe bambi meji anyi. Mvua mubaleje malu mishindu mishilangane. Kudi bambi ke kundi nnumanyishila, nansha lelu mene, bindi musue kuenza.

Osheya 12:11 교차 참조

1 Bakalenga 17:1

Eliya, Muena Tishebe, wakadi usomba mu Gilada, wakambila Ahaba ne, Bu mudi Yehowa, Nzambi wa Isalele, ne muoyo, undi ngimana ku mpala kuandi, nansha mume nansha nvula kabiena bimueneka bidimu ebi anu ku dî dianyi.

2 Bakalenga 17:13

Kadi Yehowa wakadimusha Bena Isalele ne Bena Yuda mukana mua muprofete yonso ne mua mumonyi yonso ne, Kudimunai mitshima yenu ku malu mabi enu; nutumikile mikenji yanyi ne mikandu yanyi bu mudi mikenji makelela bankambua benu mukana mua bantu banyi baprofete.

Yirmeya 10:15

Idi bintu bia hatuhu bua kudinga nʼabi bakuabo; mu tshikondo tshia kuyiteta neyijimine.

Yirmeya 10:8

Kadi bantu kabena ne meji, badi anu ne buhote; diyisha dia mpingu didi hatuhu; idi anu tshituha tshia mutshi!

Yirmeya 2:20

Bua kale kale wewe wakatshibula mutshi wa tshikokedi wa ha nshingu hebe, wakakosa nkanu yebe, wakamba kabidi ne, Tshiena nkukuatshila mudimu. Wakinamina mpingu mutu ha mutu ha mukuna wonso mule ne muinshi mua mutshi wonso mubishi, wenda nʼai masandi.

Yirmeya 2:28

Kadi nzambi yebe iwakudienzela idi hanyi? Yoyo ibike, biamanyayi mua kukusungila mu dituku dia dikenga diebe. Bualu bua bu mudi bungi bua misoko yebe mbu mudi bungi bua nzambi yebe, wewe Yuda.

Yezekiyele 17:2

Muana wa muntu, ubele dijimbu ne welele Bena Isalele lusumuinu elu;

Osheya 10:1

Bena Isalele badi bu muonshi udi ulamba bikole, udi ukuama mamuma a bungi. Bu muakakuamabo mamuma a bungi, mbu muakavudishabo bioshelu bia bungi; bu muakadi buimpe bua buloba buabo, mbu muakalengeshabo makunshi a tshijila.

Osheya 10:2

Mitshima yabo idi mitahuluke nseke ibidi; mpindiu badi ne bua kukenga bua muanda eu; Yehowa neatshibule bioshelu biabo bituha bituha, neashimbule makunshi abo a tshijila.

Osheya 4:15

Bena Isalele, nansha binualonda malu a masandi, Bena Yuda kabahishibu bua muanda eu nansha. Kanulu ku Gilegala, kanubandi ku Bete-awena, kanuditshihi nunku ne, Bu mudi Yehowa ne muoyo.

Osheya 6:8

Gilada udi musoko wa benji ba malu mabi, bakushiyamu bidiatshilu bia mashi.

Osheya 8:11

Bualu bua Bena Efelayima bakuvudisha bioshelu bua kuenzelahu malu mabi, nunku bioshelu ebi biakulua bintu bidi bi benzesha bubi.

Osheya 9:15

Bubi buabo buonso budi mu Gilegala, mu muaba au nakabakina. Bua malu mabi abo nembihate mu nsubu muanyi; tshiena mbananga kabidi; bakokeshi babo bonso badi bantombokedi.

Amosa 4:4

Luai ku Betele, enzai malu mabi enu; ne ku Gilegala, vudishai mibi yenu; luai ne milambu yenu buatshia-buatshia, ne bintu bienu bia tshia dikumi ku matuku asatu ku matuku asatu.

Amosa 5:5

kadi kanukebi Betele, kanuyi ku Gilegala, kanuyi ku Bê-sheba. Bualu bua ba mu Gilegala nebabuele mu buhika bulelela, ne Betele nealue muaba wa hatuhu.

Yona 2:8

Badi beyemena mpingu ya hatuhu idi ibadinga badi balekela Mubafuidi wa luse.

Dibadika 12:6

Yeye wakamba ne, Unvuai mei anyi, bikala muprofete munkatshi muenu, meme Yehowa nendimanyishe kudiye mu tshikena kumona, meme nensombe nʼandi mu tshilota.