Osheya 10:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Nebaye nʼandi kabidi ku Ashû, bua kumufila bu mulambu kudi Mukelenge Yaleba. Bena Efelayima nebakuatshike bundu, ne Bena Isalele nebakuatshike bundu bua meji akadibo balesha bakuabo.

MUKANDA WA MYIDI MUKULU

⁶ Bualu mvidie awu, nebaye nende ku Ashure, bu mulambu wa kulambula mukalenga munene. Bena Efrayime nebikale ne bundu. Bena Izrayele nebanyingalale, bua pavuabu basungule bua kuya mu Ashure.

Osheya 10:6 교차 참조

2 Bakalenga 17:3

Shalamanese, mukelenge wa Ashû, wakaluangana nʼandi; Hoshea wakalua muntu wandi, wakamulambula milambu.

Yobe 18:7

Biendedi bia bukole buandi nebibumbakane, ne meji adiye uhangidisha neamulenduishe.

Yeshaya 1:29

Bualu bua bundu nebubakuate bua mitshi ya telebinta inuakunanga, nenuikale babuandakashibue bualu bua bibidi binuakusungula.

Yeshaya 30:3

Nunku bukole bua Palô nebulue bu bualu bua kunufuisha bundu, ne tshisokomenu tshia mu mundidimbi wa Ejipitu netshilue dibuandakana dienu.

Yeshaya 45:16

Benji ba mpingu badi bafuishibue bundu ne badi babuandakana, buonso buabo diatshimue, badi babuela mukubuelakana hohamue.

Yirmeya 48:13

Moaba neakuatshike bundu bualu bua Kemoshe, bu muakakuatshika Bena Isalele bundu bualu bua Betele, tshieyemenu tshiabo.

Yirmeya 7:24

Kadi bobo kabakunvua, kabakateleja matshu, bakalonda anu lungenyi luabo ne tshitshu tshia mu mitshima yabo mibi; bakalukila ku nyima, kabakaya ku mpala nansha.

Yezekiyele 16:28

Kadi wakuenda masandi ne Bena Ashû kabidi, bualu bua lukuka luebe kaluakadi luanze kushika; e, wakuenda nʼabo masandi, kadi lukuka luebe kaluakadi luanze kushika.

Yezekiyele 36:31

Hashishe nenumuke bilele Dienu bibi, ne bienzedi bienu biakadi kabiyi biakane; malu enu mabi ne a bundu neanutonde mene.

Danyele 11:8

Neanyenge nzambi yabo, mpingu yakatulabo, ne malonga abo mimpe a argent ne a or, neaye nʼabi mu Ejipitu. Neadikande bidimu bikuabo bua kaluishi kabidi mukelenge wa ku nôde.

Osheya 4:19

Luhehele luakuya nʼabo mu mahuahua alu; nebakuatshike bundu bua bioshelu biabo.

Osheya 4:7

Bu muakakumbanabo ba bungi, mbu muakangenzelabo bibi; nenkudimune butumbi buabo bulue bundu.

Osheya 5:13

Hakamona Bena Efelayima disama diabo, hakamona Bena Yuda mputa wabo, mu diba adi Bena Efelayima bakaya ku Ashû, bakatuma dî kudi Mukelenge Yaleba. Kadi yeye kena ne bukole bua kunushikishila disama dienu, kena mua kunûmishila mputa wenu.

Osheya 8:6

Luhingu elu luakufuma ku buloba bua Isalele; nsenda wakulufula, ne kaluena Nzambi nansha; bulelela, muanʼeu wa ngombe wa Bena Samalea neatshibudibue bituha.

Mika 6:16

Bualu bua nudi nutumikila mikenji ya Omeli, nudi nulonda bienzedi bia mu nsubu wa Ahaba, nudi nuenda bu mudi lungenyi luabo, meme nenyishe musoko wenu tshikulu, ne bantu badimu nebedibue tshibingu, ne nuenu nenuhendibue ne bihendu bidibo bahenda nʼabi bantu banyi.