Nsumuinu 9:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Kubedi mubuidi, bua yeye kakukinyi; biwabela muena meji, yeye neakunange.

MUKANDA WA MYIDI MUKULU

⁸ Kutandishi muena ditambisha, bualu neakukine. Kadi utandi-she muena meji, yeye neakunange.

Nsumuinu 9:8 교차 참조

1 Bakalenga 1:23

Bakambila mukelenge ne, Ka Natana muprofete au. Hakabueleye kudi mukelenge, yeye wakatua mpala wandi hanshi ku mesu kuandi.

1 Bakalenga 1:32

Mukelenge Davidi wakamba ne, Umbikidile Sadoka muakuidi, ne Natana muprofete, ne Benaya, muana wa Yehoyada. Bakalua kudi mukelenge.

1 Bakalenga 22:8

Mukelenge wa Isalele wakambila Yehoshafata ne, Muntu mukuabo udiku utudi mua kuebesha Yehowa mukana muandi, dina diandi Mikaya, muana wa Yimela; kadi ndi nʼandi tshiji bualu bua yeye katu wangambila malu mimpe, utu wangambila anu malu mabi, Yehoshafata wakamba ne, Mukelenge kambi nunku nansha.

Misambu 141:5

Muntu muakane antute, muanda eu newikale luse kundi; ambele biandi, kubela kuandi nekuikale bu manyi ha mutu hanyi; mutu wanyi kaubengi manyi au; bua ntshidi ndomba bua malu mabi abo.

Nsumuinu 1:5

Muena meji unvue biandi, adiunde mu malu adibo bamuyisha; muena dijingulula dia malu ahete meji adi amukuatshisha bua kuenza bimpe:

Nsumuinu 10:8

Muena mutshima wa meji udi witabusha mikenji, kadi muena biakulakula neahone hanshi.

Nsumuinu 13:1

Muana mulume udi ne meji udi unvua diyisha dia tatuʼandi, kadi mubuidi kena uteleja mibelu.

Nsumuinu 13:18

Buhele ne bundu bidi bilua kudi muntu udi ubenga diyisha, kadi udi udimuka hadibo bamubela udi mutumbishibue.

Nsumuinu 15:12

Mubuidi kena musue bantu bamubele; kena uya kudi bena meji nansha.

Nsumuinu 19:25

Kuma mubuidi, nunku mutshimbakanyi neadimuke; ubele mujinguludi wa mianda, yeye neahete lungenyi.

Nsumuinu 23:23

Sumba bushuwa, kubuhanyi nansha; sumba meji, diyisha ne dijingu tula dia mianda.

Nsumuinu 23:9

Kuambi dî mu matshu a muhote, bualu bua neahetule meji a mei ebe.

Nsumuinu 28:23

Udi ubela muntu neahete diakalengele dihite dia udi umubomba ne ludimi luandi.

Nsumuinu 29:1

Muntu udi mubedibue misangu ya bungi, kadi udi wela mpala mulu, neabutudibue mu katuha ka diba, kayi ne tshia kumusangasha nʼatshi.

Yeshaya 36:21

Kadi bantu bakahuwa talalâ, kabakamukudimuna dî; bualu hua mukelenge wakadi wela mukenji ne, Kanumukudimunyi dî.

Lewitiki 19:17

Kuikadi ne lukuna mu mutshima kudi muanʼenu, kadi ubele muena mutumba nʼebe, bua wewe kutuadi bubi bua bualu buandi.

Matayi 15:14

Nubalekele, badi balombodi bafofo, Bialombola mufofo munga mufofo, bubidi buabo nebahone mu dina.

Matayi 7:6

Kanuhi mbua tshintu tshia tshijila; kanuedi mabue enu a mushinga mukole hanshi hadi ngulube yendela, kayadiatshi munshi mua bikono, kayandamuki bua kunutuanyakanya.