Nsumuinu 31:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Udi mua kuheta mukashi wa tshikadilu tshimpe nganyi? Bulengele buandi budi butamba mabue a bilenga mushinga mukole.

MUKANDA WA MYIDI MUKULU

¹⁰ Mukaji wa tshitembu, mbikole bua kumupeta! Udi mupite mabue a busanga ku mushinga.

Nsumuinu 31:10 교차 참조

Yobe 28:18

Katuena mua kutela mena a mabue a corail ne a cristal diatshimue nʼau. Diheta dia meji didi ditamba dia mabue a perles mushinga mukole.

Nsumuinu 12:4

Mukashi udi ne tshikadilu tshimpe udi tshifulu tshia butumbi kudi bayandi, kadi mukashi udi umufuisha bundu udi ubolesha mifuba yandi.

Nsumuinu 14:1

Meji adi asa nsubu wau, kadi buhote budi bumusasula ne bianza biabu mene.

Nsumuinu 18:22

Udi uheta mukashi udi uheta disanka, ndiakalengele didiye uheta kudi Yehowa.

Nsumuinu 19:14

Nsubu ne biuma bidi buhianyi budi bufuma kudi batatu, kadi mukashi mubake wa meji udi diha didi difuma kudi Yehowa.

Nsumuinu 20:15

Or ne mabue a bungi a mushinga mukole bidiku; kadi mishiku idi ne mei a lungenyi idi tshianga tshia mushinga mukole.

Nsumuinu 3:15

Wowo adi ahita mabue a bilenga mushinga mukole; kakuena tshintu tshiudi ujinga tshiudi mua kuelekesha nʼau.

Nsumuinu 31:11

Mutshima wa bayandi udi umueyemena, kena ukengela bintu.

Nsumuinu 8:11

Bua meji adi ahita mabue a bilenga bulengele; bintu bionso biudi mua kujinga kabiena mua kuelekeshibua nʼau.

Muambi 7:28

kadi tshiakasangana bualu buakadi mutshima wanyi ukeba tô ne mpindiu; nakasangana muntu mulume umue mujalame munkatshi mua tshinunu tshia bantu, kadi tshiakasangana muntu mukashi munkatshi muabo.

Rute 3:11

Katataka, muan anyi, kutshinyi, nenkuenzele malu onso awakuamba, bualu bua bena musoko bonso badi bamanye ne, Wewe udi mukashi wa kanemu.

1 Samuele 25:3

Dina dia muntu eu diakadi Nabala; dina dia mukashi wandi Abigayila; mukashi eu wakadi muena meji, wakadi ne mpala mulengele; kadi mulume wandi wakadi muena lukinu, wakadi ne bienzedi bibi; wakadi wa mu tshiota tshia Kaleba.