Nsumuinu 3:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Luse ne lulamatu lua ku bushuwa kabiumuki kûdi. Ubisuike mu nshingu muebe, ubifunde mu mutshima webe.

MUKANDA WA MYIDI MUKULU

³ Wikale muena dinanga ne muena muoyi umue. Ngenzelu eyi ikale bu webe nsala wa lumu. Uyifunde mu muoyi webe.

Nsumuinu 3:3 교차 참조

2 Samuele 15:20

Bualu bua wewe wakalua anu makelela eu, bûdi nʼabu mbua kubanda nʼetu ne kuhueka nʼetu lelu, anyi? Bualu bua meme nyaya kundi mua kuya; hingana biebe, uye ne bana benu, luse ne bulelela bikale nʼebe.

Misambu 119:11

Nakulama dî diebe mu mutshima wanyi, bua meme tshikuenzedi bibi.

Misambu 25:10

Nshila yonso ya Yehowa idi ya luse lujalame ne lulamatu kudi badi batumikila tshihungidi tshiandi ne mikenji yandi.

Misambu 85:10

Luse lujalame ne lulamatu lua bushuwa biakusangakanangana; buakane ne ditalala biakutuangana mishiku.

Ekesode 13:9

Bualu ebu nebuikale bu tshimanyinu ku tshianza tshiebe ne bu tshivulukidi hankatshi ha mesu ebe, bua dî dia Yehowa dikale mukana muenu, bualu bua Yehowa wakanuhatula mu Ejipitu ne tshianza tshikole.

Ekesode 34:6

Yehowa wakahita ku mpala kuandi, wakela dî ne, Yehowa, Yehowa, Nzambi wa luse ne dinanga, kena ukuata tshiji lubilu, udi mûle tente ne luse lujalame ne bushuwa,

Nsumuinu 1:9

Bualu bua biobi nebikale tshitotolo tshilengele tshia ku mutu webe, ne nkanu ya mu nshingu muebe.

Nsumuinu 14:22

Badi bahangidisha malu mabi kabena bahambuka mu nshila, anyi? Kadi badi bahangidisha malu mimpe badi basangana luse lujalame ne bulelela.

Nsumuinu 16:6

Luse lujalame ne lulamatu lua ku bushuwa bidi bibuikila malu mabi, ne bua ditshina diabo dia Yehowa bantu badi bahanduka mu dikenga.

Nsumuinu 20:28

Luse lujalame ne lulamatu lua bushuwa bidi bilama mukelenge; nkuasa wandi wa bukelenge udi mushindame ku luse lujalame.

Nsumuinu 6:21

Ubilame matuku onso mu mu tshima webe, ubijingile mu nshingu muebe.

Nsumuinu 7:3

Ubisuike ku minu yebe; ubifunde mu mutshima webe.

Yirmeya 17:1

Bubi bua ba mu Yuda budi bifundibue ne tshiamu tshia kutaha nʼatshi maleta ne ku lusongo lua dibue dia diamant; budi butahibue ha dibue dia mu mitshimai yabo ne ha nsengu ya bioshelu biabo.

Osheya 4:1

Unvuai dî dia Yehowa, nuenu Bena Isalele! Bualu bua Yehowa udi ne tshilumbu tshia kulumbuluisheye bantu ba mu buloba ebu; bualu bua kakuena bulelela, kakuena buimpe, kakuena kumanya kua Nzambi kudibo mu buloba.

Malaki 2:6

Diyisha dia mei a bushuwa diakadi mukana muabo, ne mei mabi kakahatuka ku mishiku yabo. Bobo bakenda nʼanyi mu ditalala ne mu buakane, bakadimusha mitshima ya ba bungi bua balekele bubi buabo.

Matayi 23:23

Nuenu bafundi ne Bafalese, nudi bena lubombo! Mulau ulualua kunudi; bualu bua nuenu nutu nuafila tshia dikumi tshia luenyi, ne tshia tshidibiʼa luenyi, ne tshia tshikote, kadi nuakulekela kuenza malu makole a mikenshi ya Nzambi, bulelela ne luse ne ditabusha; biakadi bimpe bia nuenu kuenza malu â a ku nyima, kambimpe nulengulule mua kuenza malu au a ku mpala kabidi.

2 Korente 3:3

budi bumueneshibua ne, Nuenu nudi mukanda wa Kilisto, muenjibue kutudi, wakafundibua kene mai a mikanda, kadi ne Nyuma wa Nzambi udi ne muoyo; kempa mabue, kadi mu mitshima ya bantu.

Efeze 5:9

(mamuma a munya adi malu mimpe onso ne malu makane ne malu malelela),

Dielulula 6:8

Wewe newasuike bu tshimanyinu ku tshianza tshiebe, ne hankatshi ha makiki.

Ebrewu 10:16

Etshi ntshihungidi tshinahunga nʼabo; Ku nyima kua matuku â, Mukelenge udi wamba, Nenteke mikenshi yanyi mu mitshima yabo, Nenyifunde ha meshi abo kabidi, hashishe udi wamba ne,