Nsumuinu 18:2 - Mukanda wa Nzambi Dihungila Dikulukulu ne Dihungila Dihia-dihia 2003

² Muntu muhote kena ne disanka mu dijingulula dia mianda, kadi udi usanka anu hiasokolola mutshima wandi meji adiye nʼau.

MUKANDA WA MYIDI MUKULU

² Mupote kena musue kumvua bidibu bamuambila. Kadi udi ujinga kuleja amu bidi mu meji ende.

Nsumuinu 18:2 교차 참조

Nsumuinu 1:22

Nuenu batshimbakanyi, nenunange butshimbakane musangu bule munyi? Badi babuidia nebasanke mu kubuidia kuabo, bahote nebakine lungenyi musangu bule munyi?

Nsumuinu 1:7

Ditshina dia Yehowa ntshibangidilu tshia lungenyi; bahote badi bahetula meji ne diyisha.

Nsumuinu 12:23

Muntu mudimuke udi usokoka lungenyi luandi, kadi meji a bahote adi asokolola buhote buabo.

Nsumuinu 13:16

Muntu mudimuke yonso udi wenza malu andi ne lungenyi, kadi muhote udi ulesha bantu buhote buandi.

Nsumuinu 17:16

Bua tshinyi muhote udi ne mushinga mu tshianza tshiandi bua kusumba nʼau meji, hadiye kayi ujingulula mianda?

Nsumuinu 18:3

Halua muntu mubi, dihetu didi dilua kabidi; bihendu ne bundu bidi bilua diatshimue.

Muambi 10:3

Bulelela, henda muhote mu nshila, mutshima wandi udi umuhangisha, yeye udi umanyisha bantu bonso ne, Ndi muhote.

Matayi 8:34

Bantu bonso ba mu musoko bakalua kusangila ne Yesu; hakamumonabo, bakamutendekena ne, Umuka ku luseke luetu.

1 Korente 14:12

Nunku nuenu kabidi, bualu bua nudi nutamba kunanukila kukeba bihedi bia Nyuma, nukebe mua kukumbanamu bualu bua kudiundisha kua ekelesia.

1 Korente 8:1

Bualu bua bintu bidibo batendelela nʼabi mpingu: Tudi bamanye ne buonso buetu tudi ne lungenyi lua bualu ebu. Lungenyi ludi luvuisha muntu kudisua, kadi dinanga didi dimudiandisha.

Filipe 1:15

Bulelela, bakuabo badi bamba Kilisto bualu bua mukau ne kutandangana; ne bakuabo kabidi badi bamuamba bualu bua disanka dimpe;