Nsumuinu 16:2 - Mukanda wa Nzambi Dihungila Dikulukulu ne Dihungila Dihia-dihia 2003

² Nshila yonso idi muntu wendela idi mitoke ku mesu kuandi, kadi Yehowa udi uteta mioyo ya bantu.

MUKANDA WA MYIDI MUKULU

² Muntu yonsu udi wela meji ne: bionsu bindi ngenza mbilenga. Kadi Maweja-Nangila ke udi mumanye mudi muoyi wa muntu yonsu.

Nsumuinu 16:2 교차 참조

Misambu 36:2

Bualu bua didi dimubomba ku mesu kuandi ne, Kabena bamuenesha dihambuka diebe dia ku buakane, kabena badikina.

Nsumuinu 12:15

Nshila udi muhote wenda udi muimpe ku mesu kuandi, kadi udi unvua lungenyi ludibo bamulesha udi ne meji.

Nsumuinu 16:25

Nshila udiku udi mululame ku mesu kua muntu, kadi nshikidilu wandi udi lufu.

Nsumuinu 17:3

Luesu ludiku lua kulengesha tshiamu tshia argent, tshikutu tshidiku tshia kulengeshila tshiamu tshia or; kadi Yehowa udi uteta mitshima.

Nsumuinu 21:2

Nshila yonso udi muntu wendela udi muakane ku mesu kuandi, kadi Yehowa udi uteta mitshima.

Nsumuinu 24:12

Biwamba ne, Kabiakadi bamanye muanda eu, yeye udi uteta mitshima kena ûmona, anyi? Udi ulama muoyo webe kena mûmanye, anyi? Kena ufuta muntu bu mudi mudimu wandi, anyi?

Nsumuinu 30:12

Bantu badiku badi bamba ne, Tudi balengele, kadi kabena balengeshibue ku bukoya buabo.

Nsumuinu 5:21

Bualu bua nshila ya muntu idi ku mesu kua Yehowa, yeye udi widikisha nshila yandi yonso bimpe.

Yeshaya 26:7

Nshila wa bantu bakane udi mululame; wewe udi ulandakasha nshila wa bantu bakane.

Yirmeya 17:10

Meme Yehowa, ndi ntangila meji a muntu, ndi nteta malu adi mu mutshima bua kufuta muntu yonso bu mudi bienzedi biandi, ne bu mamuma a bienzedi biandi.

Danyele 5:27

TEKEL, bakukuidikisha mu tshiamu tshia kuidikisha nʼatshi bujitu, bakukusangana kuyi mukumbane.

Dibadika 22:32

Muanjelo wa Yehowa wakamuambila ne, Wakakuma mpunda webe misangu isatu bualu kai? Tangila, meme nakulua bu muhumbishi webe, bualu bua nshila webe kena muakane ku mesu kuanyi,

Luke 16:15

Yeye wakabambila ne, Nuenu nutu nuadibingisha ku mesu kua bantu, kadi Nzambi udi mumanye mitshima yenu; tshintu tshidi tshitumba ku mesu kua bantu tshidi tshinyanguka ku mesu kua Nzambi.

Didimanyisha 2:18

Fundila muanjelo wa ekelesia wa ku Tuatila ne, Muana wa Nzambi udi ne mesu andi mafuana ludimi lua kahia, ne makasa andi adi bu tshiamu tshia mitaku tshidi tshibalakana, udi wamba malu â ne,

Didimanyisha 2:23

Nenfuishe bana bandi ne lufu, ne ekelesia yonso neimanye ne meme nyeye udi uteta meshi ne mitshima; ne nempe kudi muntu ne muntu wa munkatshi muenu difutu bu mudi midimu yandi.

Balombodi 17:6

Mu matuku au kamuakadi mukelenge mu Isalele, muntu yonso wakenza anu malu akadi mimpe ku mesu kuandi.

Balombodi 7:6

Bungi bua bantu bakalaka, bateke bianza ku mishiku, buakadi balume nkama isatu; kadi bantu bonso bakuabo bakatua binu hanshi bua kunuabo mai.

1 Samuele 16:7

Kadi Yehowa wakambila Samuele ne, Kutangidi mpala wandi, anyi bule buandi, bualu bua meme nakamuhidia; Yehowa kena utangila bu mudi bantu batangila, bualu bua bantu badi batangila anu mubidi, kadi Yehowa udi utangila mu mutshima.

1 Samuele 2:3

Bantu kabatambi kufunafuna: mei a dihetu kahatula mukana muabo: bualu bua Yehowa udi Nzambi wa lungenyi: utu widikisha bienzedi bia bantu.