Nsumuinu 15:28 - Mukanda wa Nzambi Dihungila Dikulukulu ne Dihungila Dihia-dihia 2003

²⁸ Mutshima wa muntu muakane udi welangana meji a bualu budiye mua kukudimuna, kadi mukana mua bantu babi mudi muhatula malu mabi.

MUKANDA WA MYIDI MUKULU

²⁸ Muntu muakane udi wela meji bangabanga ne kuandamunaye. Kadi muntu mubi udi upututuka bua kujanangana.

Nsumuinu 15:28 교차 참조

Misambu 59:7

Mona! Badi bahumuna mei mabi mukana muabo, miele ya nvita idi ku mishiku yabo. Badi bamba ne, Nganyi udi mutunvue?

Nsumuinu 10:19

Havulangana mei, kushiha kua mikenji kudiku, kadi udi ukanda mishiku yandi udi ne meji.

Nsumuinu 10:32

Mishiku ya muntu muakane idi mimanye tshidi mua kusankisha bantu, kadi mukana mua bantu babi mudi ne tshitshu.

Nsumuinu 13:16

Muntu mudimuke yonso udi wenza malu andi ne lungenyi, kadi muhote udi ulesha bantu buhote buandi.

Nsumuinu 15:2

Ludimi lua muena meji ludi luhatula lungenyi, kadi mukana mua bahote mudi muhatula buhote.

Nsumuinu 16:23

Mutshima wa muena meji udi uyisha mukana muandi lungenyi, udi uhetamu bukole bua kuitabushisha bantu.

Nsumuinu 29:11

Muhote udi uhatula tshiji tshionso tshidiye nʼatshi, kadi muena meji udi ntshibanda, udi utshiholesha.

Nsumuinu 29:20

Udi umona muntu udi wamba mei andi lukasa lukasa, anyi? Ditekemena didibo nʼadi bua muhote didi dihita didibo nʼadi bua muntu au bunene.

Muambi 5:2

Mei kâluhuki mukana muebe lukasa; mutshima webe kauhatudi bualu ku mpala kua Nzambi lubilu; bualu bua Nzambi udi mu diulu, wewe udi ha buloba; nunku mei ebe ikale makehele.

Muambi 5:6

Kuitabushi bua mukana muebe kukulenduisha; kuambidi messager ne, Nakadi mutuhakane; udi musue Nzambi ikale ne tshiji bua mei ebe, ashihe mudimu wa bianza biebe bua tshinyi?

Matayi 12:34

Nuenu bana ba nyoka, nudi babi, nudi bamanye mua kuamba mei mimpe munyi? Bua mukana mudi muamba anu malu adi matambe kuvulangana mu mutshima.

1 Petro 3:15

kadi nujidile Kilisto mu mitshima yenu bu Mukelenge; nuikale badilongolola misangu yonso, bua kukudimuna dî kudi muntu yonso udi unukonka bua muanda wa ditekemena didi munda muenu; kadi nuenze nunka ne kalolo ne dishina.

2 Petro 2:18

Bualu bua hadibo bakula mei manene a diambu, ku bienzedi biabo bia masandi, badi balobesha bakuabo mu nkuka ya mubidi, mbobo badi bamba kuhanduka kudi badi balonda dihambuka;