Nsumuinu 10:29 - Mukanda wa Nzambi Dihungila Dikulukulu ne Dihungila Dihia-dihia 2003

²⁹ Nshila wa Yehowa udi musoko wa ngumbu kudi muntu muakane, kadi udi kubutuka kudi benji ba malu mabi.

MUKANDA WA MYIDI MUKULU

²⁹ Maweja-Nangila udi tshieyemenu tshia bantu bakane, kadi udi ubutula badi benza bibi.

Nsumuinu 10:29 교차 참조

Yobe 31:3

Kabuena dikenga kudi bantu babi, anyi? Kabuena dibutuka kudi benji ba malu mabi, anyi?

Misambu 1:6

Bualu bua Yehowa udi mumanye nshila wa bantu bakane, kadi nshila wa bantu babi neajimine.

Misambu 36:12

Mu muaba wawa benji ba malu mabi badi balala hanshi, bakedibua hanshi, kabayi bamanye mua kujuka kabidi.

Misambu 37:20

Kadi bantu babi nebajimine, ne badi ne Yehowa lukuna nebikale bu bulengele bua mashinde a mu madimi; nebajimine — bu mudi muishi wa kahia ujimina, nebajimine biabo.

Misambu 84:7

Badi baya ku bukole ne bukole; muntu yonso wa munkatshi muabo udi umueneka ku mpala kua Nzambi mu Siona.

Misambu 92:7

ne, Biadiunda bantu babi bu mudi mashinde atoloka, ne bikala benji ba malu mabi bonso ne diakalengele, budi bua bobo kujimishibua tshiendelele.

Nsumuinu 11:7

Hafua muntu mubi, ditekemena diandi didi dijimina; ditekemena dia badi beyemena bukole didi dijimina.

Nsumuinu 13:6

Buakane budi bulama muntu udi ne mutshima mutoke, kadi bubi budi bubutula muenji wa malu mabi.

Nsumuinu 21:15

Kulumbulula biakane kudi disanka kudi muntu muakane, kadi kudi kukuatshisha benji ba malu mabi buowa.

Yeshaya 40:31

badi bindila Yehowa nebasangashe bukole buabo; nebabande mulu ne mahuahua bu nyunyu ya mukanku, nebanyeme lubilu ne kabena babungila, nebende ne kabena bateketa.

Osheya 14:9

Udi ne meji ajingulule malu â; udi ne lungenyi lua kuamanya, âmanye biandi; bualu bua nshila ya Yehowa idi milulame; bantu bakane badi bendamu, kadi bantu babi badi badishindamu.

Zekâya 10:12

Yehowa udi wamba ne, Nembakoleshe mu Yehowa, nebatumbile mu dina dianyi.

Filipe 4:13

Ndi mumanye mua kuenza malu onso mu Mukelenge udi unkolesha.