Ngalate 4:24 - Mukanda wa Nzambi Dihungila Dikulukulu ne Dihungila Dihia-dihia 2003

²⁴ Malu â nunku adi lusumuinu: bakashi aba badi bu bihungidi bibidi; umue wabo wa ku mukuna wa Sinai udi ulela bana bua kuikalabo bahika, yeye udi Haga.

MUKANDA WA MYIDI MUKULU

²⁴ Munda mua bualu ebu mudi dilongesha dinene: bamamu babidi aba badi baleja ndondu ibidi: ndondu wa kumpala udi Agare uleja, ke wa pa mukuna wa Sinayi, wa bana bapika.

Ngalate 4:24 교차 참조

Genese 16:8

Yeye wakebesha Hagâ, mukashi muena mudimu wa Salai, ne, Wakufuma kudi kunyi? Uyaya kudi kunyi? Yeye wakamuandamuna dî ne, Ndi munyeme ku mesu kua mukelenge wanyi mukashi Salai.

Genese 25:12

Ei idi ndelanganyi ya bana ba Yishemaele, muana wa Abalahama wakamulelela Haga, Muena Ejipitu, muena mudimu wa bakashi wa Sala:

Yezekiyele 20:49

Hashishe nakamba ne, Aka, Mukelenge Yehowa! Badi bamba bualu buanyi ne, Yeye kena muedi wa nsumuinu, anyi?

Osheya 11:10

Nebalonde Yehowa; yeye nêle dî bu nyama wa ntambue; bualu bua yeye nêle dî diandi, bana bandi nebalue kudiye bazakale, bafume ku wesete.

Matayi 13:35

bua dî diakambabo kudi muprofete dishikishibue ne, Hanabulula mukana muanyi, nengambe mei mu nsumuinu; Nengambe malu akadi masokoka ku tshibangidilu tshia buloba tô ne katataka.

Rome 8:15

Bua kanuakuangata nyuma wa buhika tshiakabidi bua kutshina; kadi nuakuangata nyuma wa buhianyi bua bana utudi tubikila nʼandi Nzambi ne, Aba, Tatu.

1 Korente 10:11

Malu â akadi abakuata bu bifuanyikishi, akafundibua bua kutudimusha, kutudi mene kuakufika nshikidilu wa bikondo.

1 Korente 10:4

buonso buabo bakanua bia kunua biobiumue bia Nyuma; bua bakanua ku dibue dia Nyuma diakabalonda, ne dibue edi diakadi Kilisto.

Ngalate 4:25

Haga eu udi mukuna wa Sinai wa mu Alaba udi mu mulongo umue ne Yelushalema wa katataka; bualu bua yeye udi mu buhika ne bana bandi.

Ngalate 4:3

Nunku tuetu kabidi hatuakadi bana batekete, bakatuvuisha bahika ba mayisha a kumudilu a ha buloba.

Ngalate 5:1

Kilisto wakatuhikula bua tuetu tuikale ne budishikaminyi; nunku nudijadike, kanudibueshi munshi mua tshikokedi tshia buhika kabidi.

Dielulula 33:2

Yeye wakamba ne, Yehowa wakahueka ha mukuna wa Sinai, wakabika munkatshi muabo ku Sei, wakatemena ku mukuna wa Palana, wakamueneka munkatshi mua binunu makumi bia bantu bandi ba tshijila, wakalua kudibo ne mikenji mitema kahia mu tshianza tshiandi tshia bukole.

Ebrewu 11:19

wakamanya ne, Nzambi udi ne bukole bua kumubisha munkatshi mua bafue mene, kuakamuangateye kabidi mu tshifuanyikishi.

Ebrewu 12:24

ne kudi Yesu, mutuanganyi wa tshihungidi tshihia-tshihia, ne ku mashi adibo bamiamina adi atamba mashi a Ebele kuakula bimpe.

Ebrewu 13:20

Nzambi wa ditalala wakabisha mulami munene wa mikoko munkatshi mua bafue kabidi ku mashi a dihungila dia tshiendelele, Mukelenge wetu Yesu mene,

Ebrewu 7:22

nunku bua malu â kabidi, Yesu wakulua tshieya tshia dihungila didi ditamba buimpe.