Ngalate 3:28 - Mukanda wa Nzambi Dihungila Dikulukulu ne Dihungila Dihia-dihia 2003

²⁸ Kakuena Muena Yuda anyi Muena Gelika; kakuena muhika anyi mudishikamine; kakuena mulume anyi mukashi; bualu bua buonso buenu nudi muntu umue mu Kilisto Yesu.

MUKANDA WA MYIDI MUKULU

²⁸ Nanku nansha wewe muena Yuda nansha muntu wa tshisamba tshikuabu, nansha wewe mupika nansha muntu udi udienzela malu mudiye musue, nansha wewe mulume nansha mukaji, ebi bionsu kabiena ne bualu. Nudi nuenza bonsu tshintu tshimue, panudi badisange ne Kristu.

Ngalate 3:28 교차 참조

Yowele 2:29

Nengitshikishile Nyuma wanyi kabidi hamʼbidi ha bahika balume ne bahika bakashi mu matuku au.

Yowanane 10:16

Ndi ne mikoko mikuabo idi kayi ya mu luhangu elu; bundi nʼabu mbua kulua nʼai, neyunvue dî dianyi; neilue tshisumbu tshimue, ne mulami umue.

Yowanane 11:52

yeye kakafuila anu tshisamba tshimue, kadi wakafuila bua kusangisha mu tshisumbu tshimue bana ba Nzambi bakadi batangadike.

Yowanane 17:11

Meme tshiena ngikala ha buloba kabidi, kadi aba badi ha buloba, meme ndi ndua kûdi. Tatu wanyi wa tshijila, ubalame mu dina diebe diwakumpa, bua bobo kuikala bamue bu mutudi bietu bamue.

Rome 1:16

Bualu bua tshiena nfua bundu bua lumu luimpe; bua ludi bukole bua Nzambi ku luhandu kudi muntu yonso udi witabusha, kudi Muena Yuda diambedi, ne kudi Muena Gelika kabidi.

Rome 3:22

Buakane mene bua Nzambi bua ku ditabusha dia mu Yesu Kilisto kudi bonso badi bamuitabusha; bualu bua kakuena ditahuluka.

Rome 8:1

Nunku kakuena dihila mpindiu kudi badi mu Kilisto Yesu.

Rome 9:24

tuetu mene, bakabikileye kabidi, kamba munkatshi mua Bayuda nkayabo, kadi ba munkatshi mua bisamba bia bende kabidi; ebu mbualu bukole, anyi?

1 Korente 7:14

Bualu bua mulume udi kai muena ditabusha udi mujidila mu mukashi wandi, ne mukashi udi kai muena ditabusha udi mujidila mu mulume wandi udi muena ditabusha; bikala bualu ebu kabui nunku, bana benu batshidi babiha; kadi katataka badi ba tshijila.

1 Korente 7:19

Kuikala mutengula kakuena bualu; kuikala kai mutengula kakuena bualu; kadi anu kutumikila kua mikenshi ya Nzambi kudi bualu bunene.

Ngalate 3:14

bua disanka dia Abalahama dilue kudi bisamba bia bende mu Kilisto Yesu; bua tuetu kuangata mulayi wa Nyuma bua ditabusha.

Ngalate 3:26

Bua buonso buetu tudi bana ba Nzambi bua ditabusha dia mu Kilisto Yesu.

Ngalate 4:14

Kanuakampetula, kanuakampidia bualu bua butekete bua mubidi wanyi buakadi bu buteyi kunudi; kadi nuakangitabusha bu muanjelo wa Nzambi, bu Kilisto Yesu mene.

Ngalate 5:24

Badi mu Kilisto Yesu bakamana kushiha mubidi ne milou yau ne nkuka yau ku mutshi mutshiamakane.

Ngalate 5:6

Bualu bua mu Kilisto Yesu, bikala muntu mutengula anyi bikaleye kai mutengula, kakuena bualu, kadi anu ditabusha didi dienza malu mu luse.

Efeze 1:1

Paulo, mupostolo wa Kilisto Yesu, bua disua dia Nzambi, kudi basanto badi mu Efeso ne kudi badi mua kueyemenyibua mu Kilisto Yesu;

Efeze 4:4

Mubidi udi umue ne Nyuma udi umue, bu munuakabikidibua kabidi mu ditekemena dimue dia dibikidibua dienu.

Filipe 1:1

Paulo ne Timote, bahika ba Kilisto Yesu, kudi basanto bonso ba mu Kilisto Yesu badi ku Filipoi, ne bakulu batangidi ne bulami;

Kolose 1:4

Tuakulua lumu lua ditabusha dienu dia mu Kilisto Yesu ne bua dinanga dinudi nʼadi kudi basanto bonso,

Kolose 3:11

Nunku kakuena mua kuikala Muena Gelika ne Muena Yuda, Muena ditengula ne udi kai muena ditengula, musenshi, Muena Sekutia, muhika ne mudishikamine; kadi Kilisto udi malu onso ne udi mu malu onso.

1 Timote 1:12

Ndi musakidile Kilisto Yesu Mukelenge wetu mene, wakampa bukole bualu bua yeye wakambala bu muntu udi mua kueyemenyibua, wakanteka ku mudimu wandi;

2 Timote 1:1

Paulo, mupostolo wa Kilisto Yesu, bua disua dia Nzambi, bu mudi mulayi wa muoyo wa mu Kilisto Yesu,