Nehemya 9:37 - Mukanda wa Nzambi Dihungila Dikulukulu ne Dihungila Dihia-dihia 2003

³⁷ Budi bulua ne bintu bia bungi kudi bakelenge bawakateka ku mutu kuetu bua malu mabi etu; bobo badi ne bukokeshi bua mibidi yetu ne bua bimuna bietu, bu mudi disua diabo, ne tuetu tudi mu dikenga dikole.

MUKANDA WA MYIDI MUKULU

³⁷ Ditunga didi ne biakudia bia bungi, kadi bidi bisankisha nangananga bakalenga, bavua batubueje mu bupika bua bubi buetu. Badi benza netu, kabidi ne biuma bietu, amu bu mudibu basue. Bushuwa, tudi mu dikenga dinene!”

Nehemya 9:37 교차 참조

Ezela 4:13

Mukelenge amanye biandi kabidi ne, Bikala musoko muashibue ne ngumbu mijadikibue, kabena bafila milambu ne bia bungendʼa mushinga ne mpunga; nunku neunyanyishe luhetu lua hakelenge.

Ezela 6:8

Bualu bukuabo kabidi, ndi mulelela mukenji unudi ne bua kuenzela bakulu aba ba Bena Yuda badi basa nsubu eu wa Nzambi ne, Nuangate biuma bia mukelenge bia mu milambu ya mu buloba bua dishiya dia musulu wa Pelata, nubifile kudi bantu aba lubilu bua kubakuatshisha; kabahumbishibu kabidi.

Ezela 7:24

Tuditunuelela mukenji kabidi ne, Kanulambuishi bakuidi ne Bena Lewi ne bimbi ba misambu ne batuadi ba bintu ne Bena Netinima anyi bena mudimu bonso ba mu nsubu wa Nzambi milambu, ya bia bungendʼa mushinga ne ya mpunga.

Nehemya 5:8

Nakabambila ne, Tuetu bua bukole butuakadi nʼabu tuakuhikula bana betu Bena Yuda bakadi bahanyibue mu buhika kudi bisamba bia bantu; nuenu nudi basue kuhana bana benu, anyi? Nudi basue tuetu kubasunga, anyi? Hashishe bobo bakahuwa, kabakadi ne dî dia kungandamuna.

Muadi 5:5

Batuihatshi badi batutua tshianza mu dikoshi; tudi tuenza mudimu mukole, katuyi bahete dikisha.

Lewitiki 26:17

Meme nengumushe mesu anyi kunudi, nenuhone ku mpala kua bantu badi nʼenu lukuna, bantu badi nʼenu lukuna nebanukokeshe, nenunyeme tshianana, bantu kabayi banze ku nuihata.

Yowanane 8:33

Bakamukudimuna ne, Tudi bana ba Abalahama, katuakadi bahika ba muntu tô ne katataka; udi wamba ne, Nebanuhe budishikaminyi, munyi?

Dielulula 28:33

Tshisamba tshinudi kanuyi bamanye nebadie bintu biakadiunda mu buloba bualu bua mudimu wenu; nebanunyange, nebanudiate matuku onso;

Dielulula 28:39

Nenukune mitshi ya tumuma tukese, nenuyilame bimpe, kadi kanuena nunua nvinyo, kanuena nuhuola tumuma; bualu bua bishi nebitudie.

Dielulula 28:48

nunku nenukuatshile badi nʼenu lukuna mudimu badi Yehowa unutumina, ne nzala ne nyota ne butaka ne kuhanga kua bintu bionso. Bobo nebanuteke tshikokedi tshia tshiamu ha nshingu yenu tô ne hanuajimishibua kudibo.

Dielulula 28:51

bobo nebadie kukumbana kua bimuna bienu, ne bintu biakadiunda mu buloba buenu tô ne hanuajimishibua; kabena banushila kabidi manvua anyi nvinyo mihia-mihia anyi manyi anyi kukumbana kua bimuna bienu anyi bana ba mikoko yenu tô ne hanuajimishibua kudibo.