Nehemya 9:32 - Mukanda wa Nzambi Dihungila Dikulukulu ne Dihungila Dihia-dihia 2003

³² Nunku Nzambi wetu munene, Nzambi mukole ne wa dishina, utu walama bihungidi ne luse lujalame, dikenga edi dikole diakatukuata ne bakelenge betu ne bantu betu banene ne bakuidi betu ne baprofete betu ne batatu betu ne bantu bebe bonso kadikadi dikese ku mesu kuebe, ku tshikondo tshia bakelenge ba Ashû tô ne ku dituku edi.

MUKANDA WA MYIDI MUKULU

³² Wewe, Mvidi Mukulu wetu, udi munene, wa bukole buonsu ne wa kutshina. Udi ulama bimpe ndondu iuvua mutue netu. Vuluka dikenga divua dikuate bantu bebe, dikuate bakalenga betu, ne bamfumu betu, batuangaji betu, ne bambi betu, bankambua betu, ne tuetu mene, biangatshile tshikondu tshia bakalenga ba bena Ashure, too ne mpindiewu.

Nehemya 9:32 교차 참조

1 Bakalenga 8:23

wakamba ne, Yehowa, Nzambi wa Isalele, kakuena nzambi mukuabo bu wewe mu diulu anyi hanshi ha buloba: utu wamana bihungidi ne luse lujalame kudi bantu bebe badi benda ku mpala kuebe ne mitshima yabo yonso;

2 Bakalenga 15:19

Pula, mukelenge wa Ashû, wakalua bua kuhaula buloba. Menahema wakaha Pula ntalanta ya argent tshinunu, bua yeye amukuatshishe bua kujadikeye bukelenge mu tshianza tshiandi.

2 Bakalenga 15:29

Mu matuku a Peka, mukelenge wa Isalele, Tigelata-pilesê, mukelenge wa Ashû, wakalua, wakahaula Iyona ne Abele-bete-mâka ne Yanoa ne Kedeshe ne Hasô ne Gilada ne Galela ne buloba buonso bua Nafatale, wakaya nʼabo ku Ashû mu buhika.

2 Bakalenga 17:23

tô ne hakumusha Yehowa Bena Isalele ku mesu kuandi, bu muakabambileye kudi bantu bandi bonso baprofete. Nunku bakumusha Bena Isalele mu buloba buabo, bakaya nʼabo ku buloba bua Ashû tô ne ku dituku edi.

2 Bakalenga 17:3

Shalamanese, mukelenge wa Ashû, wakaluangana nʼandi; Hoshea wakalua muntu wandi, wakamulambula milambu.

2 Bakalenga 17:6

Mu tshidimu tshia tshitema tshia bukelenge bua Hoshea, mukelenge wa Ashû wakahaula Samalea, wakaya ne Bena Isalele ku Ashû, wakabashikika mu Halaha ne kukala kua musulu wa Habo wa mu Gozana ne mu misoko ya Bena Madai.

2 Bakalenga 23:29

Mu matuku andi Palô-neko, mukelenge wa Ejipitu, wakaya ku musulu wa Pelata bua kuluanganeye ne mukelenge wa Ashû; mukelenge Yoshiya wakaluhuka bua kuluanganeye nʼandi, Palô-neko wakamushiha ku Megido hakamutangileye.

2 Bakalenga 25:7

Bakashiha bana balume ba Sedekiya ku mesu kuandi; hashishe bakashiha mesu a Sedekiya, bakamubuesha mu lukanu, bakaya nʼandi ku Babulona.

Ezela 4:10

ne bisamba bikuabo bia bantu biakalua nʼabi Osenapâ, muntu munene wa butumbi, wakabateka mu musoko wa Samalea ne mu dishiya dia muamua dia musulu wa Pelata.

Ezela 4:2

bakalua kudi Zelubabela ne kudi bakadi ku mutu kua nsubu ya batatu babo, bakabambila ne, Tuase bietu nʼenu; bualu bua tuetu tudi tukeba Nzambi wenu bu nuenu, tuakufila milambu kudiye ku dituku diakalua Esâ-hadona, mukelenge wa Ashû, nʼetu kunoko tô ne ku dituku edi.

Ezela 9:13

Ku nyima kua makenga onso atuakakenga bua malu mabi etu ne kuhila kuetu kunene, bualu bua wewe Nzambi wetu kuakatamba kutukengesha bu muakadi mibi yetu, ne wakutushila difuka edi dia bantu,

Nehemya 1:5

nakamba ne, Ndi nkusengelela, Yehowa, Nzambi wa mu diulu, Nzambi munene ne wa ditshina, utu walama tshihungidi tshiandi ne luse luandi kudi badi bamunanga ne badi batumikila mikenji yandi,

Misambu 47:2

Bualu bua Yehowa, Mutambe Bunene wa mu Diulu, udi ukuatshisha bantu buowa, udi Mukelenge munene wa ha mutu ha buloba buonso.

Misambu 66:3

Nuambile Nzambi ne, Mona mudi bienzedi biebe bikuatshisha bantu buowa! Bualu bua bukole buebe budi bunene, badi nʼebe lukuna badi bakukokela ne lubombo.

Misambu 66:5

Luai, numone bienzedi bidi Nzambi muenze: udi ubakuatshisha buowa ne bienzedi bidiye wenza munkatshi mua bukua bantu.

Ekesode 18:8

Mose wakambila tatuʼandi-muenu malu onso akenzela Yehowa Palô ne Bena Ejipitu bualu bua Bena Isalele, ne bua makenga akabakuata mu nshila, ne muakabasungila Yehowa.

Yeshaya 9:6

Bualu bua bakungelela muana, bakutuha muana mulume; bukokeshi nebuikale ha diaha diandi. Nebamuidike dina ne, Mubakemeshi, Muena Meji, Nzambi Mukole, Tatu wa Tshiendelele, Mukelenge wa Ditalala.

Danyele 9:4

Nakatendelela Yehowa Nzambi wanyi, nakalonda mibi yanyi kudiye, nakamba ne, Mukelenge, Nzambi mimene udi ukuatshisha bantu buowa, udi ulonda tshihungidi tshiandi ne udi ulesha luse lujalame kudi bantu badi bamunanga ne badi batumikila mikenji yandi;

Danyele 9:6

Katuakunvuila bantu bebe, baprofete, bakuamba mei mu dina diebe kudi bakelenge betu, bakokeshi betu, batatu etu ne kudi bantu bonso ba mu buloba buetu.

Danyele 9:8

Mukelenge, ku mesu kuetu kudi anu bundu, kudi bakelenge betu, kudi bakokeshi betu ne kudi batatuʼetu, bualu bua tuakukuenzela bibi.

Lewitiki 26:18

Binuahidia kunvua di dianyi meme mumane kunuenzela malu au onso, nennukengeshe bikole misangu muanda mutekete bualu bua mibi yenu.

Lewitiki 26:21

Binuenda mu nshila mdi muhidie, kanuyi nunvua mei anyi, meme nendiundishe makenga enu mahite mibi yenu misangu muanda mutekete.

Lewitiki 26:24

meme nennuhidie kabidi, nennukume misangu muanda mutekete bualu bua mibi yenu.

Lewitiki 26:28

meme nennuhidie kabidi, nengikale nʼenu tshiji nennukengeshe misangu muanda mutekete bualu bua mibi yenu.

Dielulula 7:12

Binunvua mikenji ei, binuayenza, hashishe Yehowa, Nzambi wenu, nênze tshihungidi ne luse biakalayeye batatu benu:

Dielulula 7:13

yeye neanusue, neanusankishe, neanuvudishe, yeye neasankishe bana benu kabidi, ne bintu bidi bidiunda mu buloba buebe, midioko yenu, ne nvinyo yenu mihia-mihia, ne manyi enu ne bana ba ngombe yenu ne bana ba mikoko yenu, mu buloba buakalayeye batatu benu bua kunuhabu.

Dielulula 7:21

Kanutshinyi ku mesu kuabo, bualu bua Yehowa, Nzambi wenu, udi munkatshi muenu, udi Nzambi munene udi uvuisha ditshina dikole.

Dielulula 7:9

Numanye bienu ne Yehowa, Nzambi wenu, udi Nzambi mene; Nzambi utu walamata dî diandi, utu watumikila tshihungidi tshiandi ne luse luandi kudi bantu badi bamusue ne batu batumikila mikenji yandi tô ne ku bihungu tshinunu;