Nehemya 9:29 - Mukanda wa Nzambi Dihungila Dikulukulu ne Dihungila Dihia-dihia 2003

²⁹ wewe wakabadimusha bua kubahingisha ku mikenji yebe kabidi. Kadi bobo bakadisua, kabakatumikila mikenji yebe, bakashiha mei ebe majalame (biâtumikila muntu, yeye neikale ne muoyo kudiu), bakasaka makaya, bakambula mpala yabo, kabakunvua.

MUKANDA WA MYIDI MUKULU

²⁹ Pashishe, wewe kubabela bua bapingane kuudi. Kabavua bitabe mikenji yebe. Kadi bavua buwule ne ditambisha, babenga mikenji yebe ne meyi ebe. Badi batumikila meyi ebe ke badi bapeta muoyi. Kadi bobu kukutombokela, kubenga kukuteleja.

Nehemya 9:29 교차 참조

2 Bakalenga 17:13

Kadi Yehowa wakadimusha Bena Isalele ne Bena Yuda mukana mua muprofete yonso ne mua mumonyi yonso ne, Kudimunai mitshima yenu ku malu mabi enu; nutumikile mikenji yanyi ne mikandu yanyi bu mudi mikenji makelela bankambua benu mukana mua bantu banyi baprofete.

2 Bakalenga 17:14

Kadi kabakunvua, bakakolesha mitshima yabo bu muakenza bankambua babo bakadi kabayi bitabusha Yehowa, Nzambi wabo.

2 Kulondolola 24:19

Kadi yeye wakabatumina baprofete bandi bua kubahingisha kudi Yehowa kabidi; bobo bakababela; kadi kabakateleja matshu abo kudibo.

2 Kulondolola 33:10

Yehowa wakambila Manashe ne bantu bandi dî diandi; kadi bobo bakamuhetula.

2 Kulondolola 36:15

Yehowa, Nzambi wa bankambua babo, wakananukila kubatumina bambi bandi; bualu bua wakadi ne bantu bandi ne muaba wandi luse;

Nehemya 13:15

Mu matuku au nakatangila Bena Yuda bakuabo bakame tumuma tua nvinyo dituku dia lumingu, basuike bisumbu bia blé, babiteke ha nyima ha nyama ya mpunda; bakadi balua ne nyinyo ne tumuma tukese ne nfigi ne bintu bikuabo ku Yelushalema dituku dia lumingu; meme nakabadimusha mu dituku diakadibo bahana bintu.

Nehemya 9:10

wakalesha Palô ne bena mudimu bandi ne bantu bandi bonso bimanyinu ne malu a kukema, bualu bua wewe wakamanya ne, Bobo bakadi bafunyina batatu betu bulobo, ne wewe wakangata dina dinene bu mudi nʼadi lelu.

Nehemya 9:16

Kadi bobo ne bankambua betu bakadisua, bakambula mpala yabo, kabakunvua mikenji yebe,

Nehemya 9:26

Kadi kabakatumikila dî diebe, bakakutombokela, bakakema mikenji yebe nyima, bakashiha baprofete bebe bakasua kubabela bua kukudimusha mitshima yabo kûdi kabidi; bakakutatshisha ne ntatu mikole.

Nehemya 9:30

Kadi wewe wakabafuila luse bidimu bia bungi, wakabadimusha kudi Nyuma webe mukana mua baprofete bebe; kadi bobo kabakateleja matshu abo; nunku wewe wakabafila mu bianza bia bena maloba makuabo.

Ekesode 10:3

Mose ne Alona bakaya kudi Palô, bakamuambila ne, Yehowa, Nzambi wa Bena Ebelu, udi Wamba ne. Wewe neuhidie kudihuekesha ku mesu kuanyi musangu bule munyi? Ulekele bantu banyi baye kuntendelela.

Yirmeya 17:23

Kadi bobo kabakunvuila, kabakateleja matshu abo, kadi bakakolesha mitshimi yabo, bua kabunvu biabo, kabitabushi diyisha dianyi.

Yirmeya 19:15

Edi ndî didi Yehowa wa misumba, Nzambi wa Isalele, wamba ne, Monai, nentumine ha mu musoko eu ne ba mu ntshiama yau yonso makenga onso anakubambila, bualu bua bakukolesha mitshima yabo bua kabunvu mei anyi.

Yirmeya 42:19

Yehowa wakungambila dî edi bua bualu buenu, nuenu ba mu Yuda badi bashala ne muoyo, ne, Kanuyi mu Ejipitu! Numanye bienu bimpe ne, Nakunudimusha lelu eu.

Yirmeya 43:2

Azâya, muana wa Hoshaya, Yohanana, muana wa Kalea, ne bena dihetu bonso bakambila Yelemiya ne, Wewe udi wamba mei a mashimi. Yehowa Nzambi wetu kakukutuma bua kutuambila ne, Kanuyi ku Ejipitu bua kushikamaku;

Yirmeya 44:10

Kabena banji kudihuekesha tô ne ku dituku edi, kabena banji kutshina, kabena banji kuenda mu mikenji yanyi anyi mu mayisha anyi, binakuteka ku mpala kuenu ne kua batatu benu.

Yirmeya 7:26

kadi kabaka-ngunvuila, kabakateleja matshu abo kundi; kadi bakakolesha tshishiku tshiabo, bakahita batatu babo bubi.

Yezekiyele 20:11

Nakabaha mei anyi a kulondabo, nakabamanyisha mikenji yanyi; muntu wayenza neikale ne muoyo bua bualu buai.

Danyele 5:20

Kadi hakadisueye, ne hakakolesheye mutshima wandi, ne bua malu â yeye wakenza malu a dihetu, bakamûmusha mu nkuasa wandi wa bukelenge, bakamunyenga butumbi buandi.

Osheya 6:5

Nunku nakubafila ku mei a baprofete, nakubashiha ku mei a mukana muanyi; ne kulumbulula kuanyi kudi kuhatuka bu mudi munya uhatuka.

Lewitiki 18:5

Nuenu nutumikile mei anyi ne mikenji yanyi, bienza muntu nunku, neikale ne muoyo. Meme ndi Yehowa.

Matayi 19:17

Yesu wakamuambila ne, Udi unkonkela bua bualu buimpe tshinyi? Umue udiku udi muimpe; kadi biwasua kubuela mu muoyo, enza mikenshi ya Nzambi.

Luke 10:28

Yesu wakamuambila ne, Wewe wakuandamuna banue; enza biebe nunku, newikale ne muoyo.

Rome 10:5

Mose wakafunda ne, Muntu udi wenza buakane bua ku mikenshi neikale ne muoyo bualu buabu.

Ngalate 3:12

Ne mikenshi kayena ku ditabusha, kadi, Wayenza neikale ne muoyo bua bualu buai.

Dielulula 31:21

Nunku halua matata ne makenga makole kudibo, musambu eu newikale bu mumanyi wa bualu, neudiambe kudibo; bana babo kabahu musambu eu muoyo, bualu bua meme ndi mumanye meji adibo nʼau mu mitshima yabo lelu diambedi tshiyi muanze kulua nʼabo mu buloba bunakabalaya.

Dielulula 31:27

Bualu bua meme ndi mumanye kutomboka kuenu ne tshitshu tshienu: monai, hantshidi ne muoyo munkatshi muenu lelu, nuakumana kutombokela Yehowa; nenutambe kutomboka ku nyima kua lufu luanyi!

Dielulula 4:26

ndi mbikila diulu ne buloba bu bamanyi ba bualu kunudi lelu ne, Nenujimine ha buloba bunudi nuhiana dishiya dia Yadene tshituha tshihi; kanuena nuvudishangana matuku enu ha buloba, kadi nebanujimishe bulelela.

Balombodi 6:10

Nakanuambila ne, Meme ndi Yehowa, Nzambi wenu; kanutshinyi nzambi ya Bena Amole, bena buloba bunudi bashikame. Kadi nuenu ka-nuakunvua dî dianyi.