Nehemya 9:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Wewe kabidi wakabaha Nyuma webe muimpe bua kubayisha, wewe kuakakandisha mana ebe mukana muabo, wewe wakabaha mai a kumana nʼau nyota yabo.

MUKANDA WA MYIDI MUKULU

²⁰ Wewe kubapesha Mueyelu webe, bua bapete meji mempe. Wewe kubapesha kabidi biakudia ne mayi, bua kutuyisha nzala ne nyota yabu.

Nehemya 9:20 교차 참조

Nehemya 9:30

Kadi wewe wakabafuila luse bidimu bia bungi, wakabadimusha kudi Nyuma webe mukana mua baprofete bebe; kadi bobo kabakateleja matshu abo; nunku wewe wakabafila mu bianza bia bena maloba makuabo.

Misambu 105:41

Yeye wakahanda dibue, mai akahumukamu; akahueka mu miaba miume bu musulu.

Misambu 143:10

Unyishe mua kuenza bu mudi disua diebe, bualu bua wewe udi Nzambi wanyi. Nyuma webe muimpe andombole mu buloba bulandakane.

Ekesode 16:15

Hakatshimonabo, Bena Isalele bakakemangana ne, Etshi ntshinyi? bua bobo kabakatshumanya Mose wakabambila ne, Tshidi bidia biakunuha Yehowa bua kudia.

Ekesode 16:35

Bena Isalele bakadia bidia abi tô bidimu makumi anai, tô ne hakaluabo mu buloba muakadi bantu, baka dia bidia abi tô ne hakaluabo ku matshika a buloba bua Kanâna.

Ekesode 16:4

Yehowa wakambila Mose ne, Mona, nennulokeshile bidia bia mu diulu, bantu nebaye, nebabisangishe ku dituku bikumbane ku dituku bikumbane. Nembatete ne badi benda mu di dianyi, anyi?

Ekesode 17:3

Bantu bakadi ne nyota, bakatontolola Mose, bakamba ne, Wakuluila nʼetu ku Ejipitu bua kutushiha ne bana betu ne bimuna bietu ne nyota munyi?

Ekesode 17:6

Mona, meme nengimane ku mpala kuebe ha mutu ha dibue dia Holeba, wewe neukume dibue ne mai neahatuke, bantu banue mai Mose wakenza nunku ku mesu kua bakulu ba Bena Isalele.

Yeshaya 48:21

Kabakadi ne nyota hakabalomboleye mu bihela bia lusenga; yeye wakabahatuila mai mu dibue; wakahanda dibue kabidi, ne mai akahatuka.

Yeshaya 49:10

Nzala ne nyota kayena ibasuma; luhehele ludi luvuisha luya lukole ne munya kabiena bibosha, bua yeye utu wa bafuila luse neaye ku mpala kuabo, neabalombole ha buihi ne mishimi ya mai.

Agayi 2:5

Dî dinakahunga nʼenu hanuakaluhuka mu Ejipitu didi dijalame. Nyuma wanyi neikale munkatshi muenu; kanutshinyi.

Dibadika 11:17

Meme nempueke, nensombe nʼebe, nengangate Nyuma udi kûdi, nembaheye, nenukuatshishangane bua kutuala bujitu bua bantu aba, wewe kuena ubutuala nkayebe.

Yowanane 4:10

Yesu wakamuandamuna ne, Bu wewe mumanye diha dia Nzambi ne wakukulomba ne, Umpe mai a kunua, wewe wakadi kumulomba ne yeye wakadi kukuha mai a muoyo.

Yowanane 4:14

kadi wanua mai anamuha kena wikala ne nyota kabidi tshiendelele; mai anamuha neikale munda muandi bu mushimi wa mai abanda mu muoyo wa tshiendelele.

Rome 15:30

Bana betu, ndi nusengelela bua Mukelenge Yesu Kilisto ne bua dinanga dia Nyuma Muimpe, ne, Nudienzeshe nʼanyi bikole mu dilomba dienu dia bualu buanyi kudi Nzambi,

1 Korente 10:3

buonso buabo bakadia bia kudia biobiumue bia Nyuma;

Efeze 5:9

(mamuma a munya adi malu mimpe onso ne malu makane ne malu malelela),

Yoshua 5:12

Mana akashika hakabangabo kudia bintu biakasanganabo mu buloba; Bena Isalele kabakadi ne mana kabidi; bakadia anu bintu biakasanganabo mu buloba bua Kanâna tshidimu atshi.

2 Petro 1:21

Bualu bua kakuena diyisha dia baprofete diakanza kulua ku disua dia muntu; badi bantu bakamba dî dia kudi Nzambi benzesha kudi Nyuma Muimpe.