Nehemya 8:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Bantu bonso bakadi bafume mu buhika bakenza bitandatanda, bakashikama mu bitandatanda; bualu bua Bena Isalele kabakanza kuenza nunku ku matuku a Yoshua, muana wa Nuna, tô ne ku dituku edi. Bakadi ne disanka dinene be.

MUKANDA WA MYIDI MUKULU

¹⁷ Bantu bonsu bavua bafume ku bupika, kuasabu tuzubu tua bisasa, kusombamu. Matuku awu awa a disanka dinene. Bualu bena Izrayele kabawa banji kuenza kabidi tshibilu atshi, bituadije ku tshikondu tshia Yeshuwa, muana wa Nune.

Nehemya 8:17 교차 참조

1 Kulondolola 29:22

bakadia, bakanua ku mpala kua Yehowa dituku adi ne disanka dinene. Bakahingishila Solomo, muana wa Davidi, mu bukelenge tshiakabidi, bakamuela manyi ha mutu bua kuikaleye mukokeshi, ne ha mutu ha Sadoka bua kuikaleye muakuidi.

2 Kulondolola 30:26

Nunku disanka dinene diakadi mu Yelushalema; kabakadi ne disanka dinene mu Yelushalema katshia mu matuku a bukelenge bua Solomo, muana wa Davidi, mukelenge wa Isalele.

2 Kulondolola 35:18

Kabakadi ne kuhita kua Yehowa munkatshi mua Bena Isalele bu eku, katshia mu matuku a Samuele muprofete; bakelenge bakuabo kabakadi ne kuhita kua Yehowa bu eku kuakenza Yoshiya ne bakuidi ne Bena Lewi, ne Bena Yuda ne Bena Isalele bakadiku, ne bantu ba mu Yelushalema.

2 Kulondolola 8:13

buatshia-buatshia bu muakadi mikenji ya Mose, ku matuku a lumingu, ne hakabala ngondo, ne hakadiabo bidia bia disanka misangu isatu ku tshidimu ku tshidimu, hakadiabo bidia bidi kabiyi ne luevene, ne bidia bia disanka dia mbingu, ne bidia bia disanka dia bitandatanda.

Ezela 3:4

Bakadia bidia bia disanka dia mu nsubu ya bitandatanda bu muakafundabo; bakafila milambu ya kuosha ya buatshia-buatshia bu mudi bungi buai, bu mudi dî dijalame, bu muakadibo ne bua kuenza buatshia-buatshia;

Yowanane 1:14

Dî diakakudimuka muntu, diakuikala munkatshi muetu tshituha, diakadi diule tente ne ngasa ne bulelela; tuakumona butumbi buandi, buakadi bu bua muana umuehele udi mulela kudi Tatu wandi.

Dielulula 16:15

Nenudie bidia ebi ku mesu kua Yehowa, Nzambi wenu, tô matuku muanda mutekete, mu muaba udi Yehowa Usungula; bualu bua Yehowa, Nzambi wenu, neanuvudishile disanka ne bintu bienu bionso biakakumbana, ne mudimu wonso unuakenza ne bianza bienu: nenuikale ne disanka dingi.

Ebrewu 11:13

Bantu aba bonso bakafua mu ditabusha kabai banze kuangata biakabalayabo, kadi bamane kubitangila ne kubinemekela ha bule, ne bamane kuitabusha ne, Tudi benyi ne bena luendu ha buloba ebu.

Ebrewu 11:9

Bua ditabusha wakashikama mu buloba bua mulayi; bu adi ma buloba bua bende, wakashikama biandi mu nsubu wa bilulu, ne Isaka ne Yakoba, bahianyi nʼandi ba mulayi muomumue;

Ebrewu 4:8

Bualu bua bu Yoshua mubahe dikisha, kakadi kuamba ku nyima bua dituku dikuabo.

Yoshua 1:1

Hakafua Mose, muntu wa Yehowa, Yehowa wakambila Yoshua, muana wa Nuna, mukuatshishi wa Mose, ne,