Nehemya 8:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Nunku bantu bonso bakaya kuabo bua kudiabo ne bua kunuabo ne bua kutuminabo bantu bakadi hatuhu bintu bia kudia ne bua kusankabo, bualu bua bobo bakajingulula mei akabambilabo.

MUKANDA WA MYIDI MUKULU

¹² Pashishe, bantu bonsu kupingana kuabu bua kudia ne bua kunua. Bavua babanyangana ne bavua kabayi ne tshia kudia, basanka bikole. Bualu bavua bumvua bimpe malu onsu avuabu babambile.

Nehemya 8:12 교차 참조

1 Kulondolola 29:22

bakadia, bakanua ku mpala kua Yehowa dituku adi ne disanka dinene. Bakahingishila Solomo, muana wa Davidi, mu bukelenge tshiakabidi, bakamuela manyi ha mutu bua kuikaleye mukokeshi, ne ha mutu ha Sadoka bua kuikaleye muakuidi.

Nehemya 8:10

Hashishe yeye wakabambila ne, Yai bienu kuenu, nudie bintu bia manyi, mume bintu bidi bishemakane, nutumine bantu badi hatuhu bintu bia kudia; bualu bua edi ndituku dia tshijila kudi Mukelenge wetu; kanunyingalashi mitshima yenu, bualu bua disanka dia Yehowa mbukole buenu.

Nehemya 8:11

Nunku Bena Lewi bakahuwisha bantu bonso ne, Nuikale talalâ, bualu bua edi ndituku dia tshijila, kanunyingalashi mitshima yenu.

Nehemya 8:13

Mu dituku dibidi bakadi ku mutu kua biota bia bantu bonso ne bakuidi ne Bena Lewi bakadisangisha kudi Ezela mufundi bua kunvuabo mei a mikenji mene.

Estere 9:22

bu matuku akaheta Bena Yuda dikisha kudi bena lukuna babo ne bu ngondo wakakudimunabo kanyinganyinga kalua bu disanka, ne muadi ulua bu dituku dilengele; bajidile matuku â bu matuku a kudiabo bidia bia disanka ne musangelu ne bua kuhanganabo bintu ne bua kuhabo bahele bintu.

Yobe 23:12

Tshiakulekela kutumikila mukenji wa ku mishiku yandi; nakubuta mei a mukana muandi mu mutshima wanyi.

Misambu 119:111

Nakuangata mikenji yebe bu bubianyi tshiendelele, bualu bua idi disanka dia mu mutshima wanyi.

Misambu 119:127

Bua malu â ndi ntamba kunanga mikenji yebe ku mpala kua tshiamu tshia or; e, ku mpala kua or mufula mu ditanda.

Misambu 119:130

Kubulula kua mei ebe kudi kutemeshila bantu munya, kudi kuhesha muntu mutshimbakane lungenyi.

Misambu 119:14

Ndi ne disanka mu dilonda dia mei ebe, bu mundi nsanka mu bubanji buonso.

Misambu 119:16

Nendisankishe mu mikenji yebe mifunda, tshiena mpua dî diebe muoyo.

Misambu 119:171

Mishiku yanyi ikutumbishe, bualu bua wewe udi unyisha mikenji yebe mifunda.

Misambu 119:174

Ndi njinga luhandu luebe, Yehowa, ne mikenji yebe idi disanka dianyi.

Misambu 119:72

Mikenji ya mukana muebe idi ihita bituha binunu bia biamu bia or ne bia argent kundi.

Misambu 119:97

Mona mundi munange mikenji yebe! Ndi ngelangana meji bualu buai dinda tô ne ku dilolo.

Yirmeya 15:16

Nakasangana mei ebe, nakâdia; mei ebe akadi kundi bu disanka ne akasankisha mutshima wanyi; bualu bua badi bambikila ku dina diebe, wewe Yehowa, Nzambi wa misumba.

Luke 24:32

Bakambilangana ne, Mitshima yetu kayakadi itema munda muetu, anyi, hakadiye utuambila malu mu nshila, hakadiye utujinguluila Mukanda wa Nzambi?

Rome 7:18

Ndi mumanye ne, Munda muanyi, mu mubidi wanyi mene, kamuena muikale bualu buimpe; bualu bua disua dia kuenza bimpe didi kundi, kudi bakole bua mua kuenza nʼabu bimpe kabuenaku.

Didimanyisha 11:10

Ne badi bikala ha buloba badi basanka bua bualu buabo, ne badi banaya; nebatuminangane bintu bia disanka, bualu bua baprofete aba babidi bakakengesha badi bikala ha buloba.