Nehemya 4:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ kubabuikididi mibi yabo, kumushi malu mabi abo ku mesu kuebe nansha; bualu bua bobo bakakufuisha tshiji ku mesu kua bibaki ba lumbu.

MUKANDA WA MYIDI MUKULU

⁵ Baluishi betu bavua bela meji ne: tuetu katuena mua kumanya bualu, katuena mua kubamona, too ne pafikabu ne mvita munkatshi muetu, bua kutushipa ne kutulekesha mudimu.

Nehemya 4:5 교차 참조

2 Samuele 17:2

nemmuhete hatshidiye muhungile ne mutekete, nemmutshinyishe; bantu bonso badi nʼandi nebanyeme, Nenshihe anu mukelenge nkayandi,

Nehemya 4:6

Nunku tuakasa lumbu; lumbu luonso luakatuangana tô ne ku tshituha tshia bule bualu, bualu bua bantu bakadi ne mitshima ya kuenza mudimu.

Misambu 109:14

Malu a tshishiku a batatu bandi avulukibue ku mpala kua Yehowa kababuikidi bubi bua mamuʼandi.

Misambu 51:1

Nzambi, unfuile luse, bu mudi luse luebe lujalame; ku divulangana dia luse luebe, unjimishile matomboka anyi.

Misambu 51:9

Usokoke mpala webe ku malu mabi anyi, unjimishile mahambuka anyi onso.

Yeshaya 2:9

Muntu muhuekele udi muiname, muntu munene udi muhuekeshibue; nunku kubabuikididi mihi yabo.

Yeshaya 43:25

Meme, meme mene, ndi yeye udi ukubuikidila mihi yebe bua bualu buanyi bume, tshiena nvuluka malu mabi ebe kabidi.

Yeshaya 44:22

Nakujimisha matomboka ebe bu mudi ditutu difike dijimina, ne malu mabi ebe bu mudi dibungi dijimina; uhingane kundi, bualu bua nakukubikila.

Yirmeya 18:23

Kadi wewe, Yehowa, udi mumanye malu onso a tshifufu tshiakungelelabo bua kunshiha; kubalekedi malu mabi abo; kubajimishidi bubi buabo ku mesu kuebe; kadi balenduishibue ku mpala kuebe; ubakengeshe mu tshikondo tshia tshiji tshiebe.

Muadi 1:22

Mibi yabo yonso imueneke ku mesu kuebe, ubenzele bobo bu muwakungenzela meme bua ditomboka dianyi dionso; bua mikemu yanyi idi mivule, mutshima wanyi wakuhanga.

2 Timote 4:14

Alesandelo, mutudi wa tshiamu tshikunze, wakatamba kungenzela bibi; Mukelenge neamufute bu mudi midimu yandi;