Nehemya 12:30 - Mukanda wa Nzambi Dihungila Dikulukulu ne Dihungila Dihia-dihia 2003

³⁰ Bakuidi ne Bena Lewi bakadilengesha; bakalengesha bantu ne bibi ne lumbu kabidi.

MUKANDA WA MYIDI MUKULU

³⁰ Batuangaji ne bena Levi kumusha mikiya ivuabu nayi. Kuambilabu kabidi bantu bonsu bua kumushabu mikiya. Pashishe kumushabu mikiya ya ku bimana bia tshimenga ne ya ku biibi.

Nehemya 12:30 교차 참조

Genese 35:2

Yakoba wakambila bantu bonso ba mu nsubu wandi ne bonso bakadi nʼandi ne, Umushai nzambi ya bende idi munkatshi muenu, nudilongolole, nuluate bilulu bikuabo,

1 Kulondolola 15:14

Nunku bakuidi ne Bena Lewi bakadijidila bua kuluabo ne mushete wa Yehowa, Nzambi wa Isalele.

2 Kulondolola 29:34

Kadi bakuidi bakatamba bukese, kabakamanya mua kûbula biseba bia milambu yonso ya kuosha; nunku bana babo Bena Lewi bakabakuatshisha tô ne hakamanabo mudimu wonso ne hakadijidila bakuidi bonso; bualu bua Bena Lewi bakadi ne mitshima miakane bua kudijidila bakahita bakuidi kudifila.

2 Kulondolola 29:5

wakabambila ne, Unvuai dî dianyi, nuenu Bena Lewi; nudijidile, nujidile nsubu wa Yehowa, Nzambi wa bankambua benu, umushai bukoya buonso budi mu nsubu wa tshijila.

Ezela 6:21

Bena Isalele bonso bakadi bumuka mu buhika ne bantu bonso bakadi baditahulule ku malu a bundu a bisamba bia bantu ba ha buloba bua kukebabo Yehowa, Nzambi wa Isalele, bakabidia;

Nehemya 12:29

ne ku Bete-gilegala ne ku nseke ya Geba ne Azamaweta; bualu bua bimbi ba misambu bakasa misoko yabo minyunguluke Yelushalema.

Nehemya 13:22

Nakelela Bena Lewi mukenji bua kudilengeshabo ne bua bobo balame ku bibi, bajidile dituku dia lumingu. Nzambi wanyi, unvuluke bua bualu ebu kabidi, unfuile luse bu mudi bunene bua dinanga diebe.

Nehemya 13:30

Nunku nakabalengesha kudi bantu ba bende bonso, nakasungila bakuidi ne Bena Lewi midimu yabo, muntu ne muntu mu mudimu wandi,

Yobe 1:5

Hakashika matuku a kudia bidia kudi muntu ne muntu nunku, Yobo wakadi ubabikila kudiye, ubajidila. Wakabika ne dinda dionso, wakafila milambu ya kuosha bu muakadi bungi buabo bonso. Bualu bua Yobo wakamba ne, Bumue bana banyi ba balume bakuenza malu mabi, bakuhenda Nzambi mu mitshima yabo. Yobo wakadi wenza nunku misangu yonso.

Ekesode 19:10

Yehowa wakambila Mose ne, Ya biebe kudi bantu, ubajidike lelu ne makelela, bobo bauvu-we bilulu biabo,

Ekesode 19:15

Yeye wakambila bantu ne, Nudilongolole ku dituku disatu, kanuyi ha buihi ne bakashi nansha.

Ebrewu 5:1

Bualu bua muakuidi mimene yonso, muangatshibue munkatshi mua bantu, udi ubueshibua mu mudimu bua kukuatshisha bantu mu malu a kudi Nzambi bua yeye afile bintu bihebua ne milambu mishiha bua mibi,

Ebrewu 5:3

ne bua bualu ebu yeye udi ne bualu bua kufila milambu bua mibi yandi kabidi muomumue ne ya bantu.